ప్రముఖ కొరియోగ్రాఫర్ జానీ మాస్టర్ ఇటీవల సోషల్ మీడియాలో తన భావోద్వేగాలను పంచుకుంటూ ఒక ఎమోషనల్ పోస్ట్ చేశారు అసిస్టెంట్ కొరియోగ్రాఫర్పై లైంగిక వేధింపుల ఆరోపణలతో అరెస్టై జైలుకెళ్లిన జానీ మాస్టర్, 37 రోజుల తరువాత నిన్న బెయిల్పై విడుదలయ్యారు ఈ జైలు అనుభవం ఆయనకు ఎంతో బాధాకరమైనదిగా అనిపించిందని ఆ సమయంలో తాను ఎంతో కోల్పోయానని ఆవేదనతో తెలిపారు సోషల్ మీడియాలో చేసిన తన పోస్ట్లో, జానీ మాస్టర్ మాట్లాడుతూ ఈ 37 రోజులు తన జీవితంలో మరచిపోలేని కష్టకాలంగా నిలిచాయని వెల్లడించారు తన కుటుంబ సభ్యులు స్నేహితులు, అభిమానులు చేసిన ప్రార్థనల వల్లనే తాను ఈ రోజు ఇక్కడ ఉన్నానని పేర్కొంటూ, వారందరికీ కృతజ్ఞతలు తెలిపారు “నిజం ఎప్పటికైనా బయటపడుతుందని నమ్ముతున్నాను ” అని స్పష్టం చేశారు.
అలాగే తన కుటుంబం ఈ సమయంలో ఎదుర్కొన్న కష్టాలు ఆవేదన తనను ఎప్పటికీ బాధతోనే ఉంచుతాయని వారి కష్టం తన మనసులో అశాంతిని కలిగిస్తుందని పేర్కొన్నారు తన జీవితంలో జరిగిన ఈ ఘటన తనపై తీవ్రమైన ప్రభావాన్ని చూపిందని తాను మరియు తన కుటుంబం ఇప్పటికీ ఆ బాధను అనుభవిస్తున్నామని తెలిపారు ఈ సంఘటన వల్ల ఆయన జీవితంలో ఎన్నో మార్పులు చోటు చేసుకున్నాయని భవిష్యత్తులో ఇలాంటి బాధలను ఎవరూ ఎదుర్కొనవద్దని కోరుకుంటున్నట్టు జానీ మాస్టర్ తన అభిప్రాయాన్ని వ్యక్తం చేశారు.
