టాలీవుడ్లో ఎంతో మంది హీరోలు ఉన్నప్పటికీ అంతర్జాతీయ స్థాయిలో గుర్తింపు తెచ్చుకున్న ప్రముఖ నటుల్లో ప్రభాస్ ఒకరు మాత్రమే తన ప్రత్యేకమైన శైలితో టాలీవుడ్ను కొత్త స్థాయికి తీసుకెళ్లిన ప్రభాస్ పేరు ఇప్పుడు ప్రపంచవ్యాప్తంగా ప్రతిష్ట తెచ్చుకుంది ఈ రోజున ప్రభాస్ పుట్టినరోజు సందర్భంగా ఆయన అభిమానులు తమ హీరో గురించి పలు ఆసక్తికర విషయాలను సోషల్ మీడియాలో తెగ వైరల్ చేస్తూ మరింత పాపులారిటీ పెంచుతున్నారు ప్రభాస్ కేవలం ఒక నటుడు మాత్రమే కాదు ఓ నెంబర్ వన్ హీరోగా తనకంటూ ప్రత్యేకమైన స్థానం సంపాదించుకున్నారు ఆయన తన నటన వ్యక్తిత్వం సేవాతత్వంతోనూ అభిమానులను అద్భుతంగా ప్రభావితం చేశారు చిన్న పిల్లల నుంచి వృద్ధుల వరకు ప్రతి ఒక్కరూ ప్రభాస్ సినిమాలను థియేటర్లలోనే చూడాలని ఉత్సాహంగా ఎదురు చూస్తుంటారు ఆయన తన సినిమాలతో ప్రేక్షకులను ఆకట్టుకునే ప్రయత్నం ఎప్పుడూ చేస్తూనే ఉంటారు.
ఇటీవల కాలంలో ప్రభాస్ చారిత్రాత్మక సినిమాల్లో ఎక్కువగా నటిస్తూ బాక్సాఫీస్ వద్ద భారీ కలెక్షన్లను రాబడుతున్నారు సలార్ చిత్రంలోని యాక్షన్ సన్నివేశాలు బాహుబలి లో రాజు పాత్రలోని నటన కల్కి లోని విభిన్న పాత్రలు ప్రేక్షకులను విపరీతంగా ఆకట్టుకున్నాయి ప్రభాస్ సాధించిన విజయాలు ఎంతో మంది బాలీవుడ్ యాక్టర్లు కూడా కలలు కంటూ సాధించలేని విజయాలు ముఖ్యంగా బాహుబలి 2 మరియు కల్కి చిత్రాలతో రెండు సార్లు రూ.1000 కోట్ల గ్రాస్ వసూళ్ళను అందుకున్నాడు ఇది ఒక గొప్ప ఘనత ప్రభాస్ సినిమాలు అంటే నిర్మాతలు దర్శకులు బయ్యర్లు సైతం సినిమాలు కొనడానికి క్యూలో నిలబడుతుంటారు ప్రస్తుతం ది రాజా సాబ్ సలార్ 2 హనురాఘవపూడి దర్శకత్వంలో ఫౌజీ వంటి చిత్రాల్లో నటిస్తున్నారు అంతేకాకుండా అర్జున్ రెడ్డి ఫేమ్ సందీప్ రెడ్డి వంగా తో కూడా ప్రభాస్ ఓ సినిమాకు సైన్ చేశారు.
ప్రభాస్ ఎంత పెద్ద స్టార్ అయినప్పటికీ ఆయన తన వినయం సేవాతత్వంతో మరింత గుర్తింపు పొందారు సహజ విపత్తులు జరిగినప్పుడు ప్రభాస్ భారీ విరాళాలు ఇస్తూ తన ప్రజాప్రేమను చాటుకుంటారు తన సొంత ఊరిలో లేదా చుట్టుపక్కల ప్రాంతాల్లో ఏదైనా కార్యక్రమం జరిగినప్పుడు వారికి భోజనాలు సమకూర్చడం తన సినిమా సెట్స్లో పని చేసే నటీనటులకు సైతం తన ఇంటి నుండి భోజనం పంపించడం వంటి పనుల ద్వారా అనేకమంది గుండెల్లో స్థానాన్ని సంపాదించారు ప్రభాస్ తన సహనంతో సేవాతత్వంతో వ్యక్తిత్వంతో దేశవ్యాప్తంగా వన్ అండ్ ఓన్లీ హీరో గా పేరుపొందారు.
