‘కేజీఎఫ్’ సిరీస్తో పాన్ ఇండియా స్థాయిలో సెన్సేషన్ సృష్టించిన కన్నడ స్టార్ హీరో యష్ ప్రస్తుతం నటిస్తున్న చిత్రం ‘టాక్సిక్’ (Toxic Movie). ఈ సినిమా యష్ కెరీర్లో 19వ చిత్రం కావడంతో అభిమానుల్లో అంచనాలు పెరుగుతున్నాయి. జాతీయ అవార్డు గ్రహీత గీతూ మోహన్ దాస్ (Geetu Mohandas) దర్శకత్వం వహిస్తున్న ఈ భారీ యాక్షన్ ఎంటర్టైనర్ను కేవీన్ఎన్ ప్రొడక్షన్స్ వారు ప్రతిష్టాత్మకంగా నిర్మిస్తున్నారు.
Read Also: Baahubali The Epic Review : బాహుబలి ది ఎపిక్ ట్విట్టర్ రివ్యూ – మళ్లీ తెరపై మహాగాథ
ప్రస్తుతం శరవేగంగా షూటింగ్ జరుపుకుంటున్న ఈ చిత్రం మార్చి 19 2026లో ప్రేక్షకుల ముందుకు రాబోతున్నట్లు చిత్రబృందం ప్రకటించిన విషయం తెలిసిందే. అయితే ఈ సినిమా విడుదల తేదీ వాయిదా పడబోతున్నట్లు వార్తలు వచ్చాయి. సినిమా షూటింగ్ ఆలస్యం అవుతుండడంతో విడుదల తేదీ మారబోతుందని టాక్ వచ్చింది.
రూమర్స్పై చిత్రబృందం క్లారిటీ
అయితే ఈ సినిమా రిలీజ్ వాయిదా పడనుందంటూ పుకార్లు వచ్చిన నేపథ్యంలో ఫిల్మ్ క్రిటిక్ తరరణ్ ఆదర్శ్ నిర్మాతలను సంప్రదించి విడుదల తేదీపై క్లారిటీ ఇచ్చింది.. ‘టాక్సిక్: ఎ ఫెయిరీటేల్ ఫర్ గ్రోన్-అప్స్’ (Toxic Movie) సినిమా రిలీజ్ డేట్పై వచ్చిన రూమర్స్కి చెక్ పెట్టారు.
సినిమా రిలీజ్ డేట్లో ఎలాంటి మార్పు లేదని నిర్మాతలు ప్రకటించినట్లే మార్చి 19, 2026కే విడుదలవుతుందని ప్రకటించారు. కియార అద్వానీ (Kiara Advani) ఈ సినిమాలో హీరోయిన్గా నటిస్తుండగా.. బాలీవుడ్ నటుడు అక్షయ్ ఒబెరాయ్ కీలక పాత్రల్లో నటిస్తున్నాడు. ఈ చిత్రం కన్నడతో పాటు తెలుగు, తమిళం, మలయాళం, హిందీ భాషల్లో విడుదల కానుంది.
Read hindi news: hindi.vaartha.com
Epaper : epaper.vaartha.com/
Read Also:
