Box office collections: బాలీవుడ్లో విడుదలైన తాజా యాక్షన్ ఎంటర్టైనర్ బాక్సాఫీస్ వద్ద సెన్సేషన్ క్రియేట్ చేస్తోంది. యాక్షన్ సినిమాల అభిమానులు ప్రస్తుతం మాట్లాడుకుంటున్న చిత్రం ‘దురంధర్(Durandhar movie)’. రణ్వీర్ సింగ్(Ranveer Singh) హీరోగా నటించిన ఈ సినిమాకు ఆదిత్య ధర్ దర్శకత్వం వహించారు. టైటిల్ ప్రకటించిన రోజునుంచే ఈ ప్రాజెక్ట్పై ప్రేక్షకుల్లో మంచి హైప్ ఏర్పడింది. పోస్టర్లు, టీజర్లు రిలీజ్ అయ్యే కొద్దీ సినిమాపై అంచనాలు మరింత పెరిగాయి.
Read Also: Samantha: సమంత పక్కన కూర్చోవాలంటే సిగ్గేసేది: రాజ్ పిన్ని
విడుదలతోనే హిట్ల జోరు
డిసెంబర్ 5న భారీ ఎత్తున విడుదలైన ఈ చిత్రం మొదటి షో నుంచే సూపర్ హిట్ టాక్ను అందుకుంది. యాక్షన్ సన్నివేశాలు, డ్రామా ప్రేక్షకులతో బలమైన కనెక్ట్ ఏర్పర్చాయి. ప్రారంభ స్పందనకు అనుగుణంగా వసూళ్లు కూడా రోజురోజుకు ఎక్కుబిక్కుపడుతున్నాయి. వీకెండ్ ముగిసే సరికి సినిమా ప్రపంచవ్యాప్తంగా 118 కోట్ల గ్రాస్ను రాబట్టింది. గ్లోబల్ కలెక్షన్లు ఇంకా పెరుగుతున్నాయి.
‘పద్మావత్’, ‘సింబా’ రికార్డులు చెరిపిన ‘దురంధర్’
రణ్వీర్ సింగ్ కెరీర్లో ‘పద్మావత్’, ‘సింబా’ తొలి మూడు రోజులలో 75 కోట్ల మార్క్ను దాటిన సినిమాలు. అయితే వాటిని మించి ‘దురంధర్(Durandhar movie)’ 3 రోజుల్లోనే 100 కోట్ల క్లబ్లో చేరడం పరిశ్రమలో చర్చగా మారింది. సినిమా ప్రస్తుతం కొనసాగుతున్న వేగాన్ని చూస్తుంటే, ముందునాళ్లలో మరిన్ని రికార్డులు తిరగరాయడం ఖాయమని ట్రేడ్ విశ్లేషకులు భావిస్తున్నారు.
రణ్వీర్కు భారీ హిట్
సంజయ్ దత్, అర్జున్ రాంపాల్, అక్షయ్ ఖన్నా, సారా అర్జున్ వంటి నటుల ప్రత్యేక పాత్రలు సినిమాకు అదనపు ఆకర్షణగా నిలిచాయి. మరోవైపు ఈ చిత్రం ఓటీటీ హక్కులను నెట్ఫ్లిక్స్ భారీ మొత్తానికి కొనుగోలు చేసినట్లు టాక్ వినిపిస్తోంది.
Read hindi news:hindi.vaartha.com
Epaper: epaper.vaartha.com
Read Also:
