ప్రముఖ తమిళ నటుడు ధనుశ్ మరియు సూపర్ స్టార్ రజినీకాంత్ కుమార్తె ఐశ్వర్య ఒకప్పుడు అందరి ముందు ఆదర్శ దంపతుల్లా కనిపించిన ఈ జంట, విడాకులు తీసుకున్నప్పటికీ తమ పిల్లల విషయంలో మాత్రం బాధ్యత గల తల్లిదండ్రుల్లా నిలుస్తున్నారు. దాదాపు 18 ఏళ్ల వైవాహిక జీవితం ముగించుకుని 2022లో విడిపోయిన ఈ మాజీ దంపతులు, ఇప్పుడు మళ్లీ ఓ మధురమైన సందర్భంలో కలసి కనిపించడం అభిమానుల హృదయాలను తాకుతోంది.
పెద్ద కుమారుడు గ్రాడ్యుయేషన్ వేడుకలో
ప్రముఖ నటుడు ధనుశ్, ఆయన భార్య ఐశ్వర్య రజినీకాంత్ చాలా కాలం తర్వాత మళ్ళీ కలిసి కనిపించారు. తమ పెద్ద కుమారుడు యాత్ర పాఠశాల గ్రాడ్యుయేషన్ వేడుకలో ఈ దంపతులు పాల్గొన్నారు. ఈ సందర్భంగా ధనుశ్ తన ఇన్స్టాగ్రామ్లో రెండు ఫొటోలను పంచుకున్నారు. ఇందులో ఆయన, ఐశ్వర్య తమ కుమారుడిని ఆలింగనం చేసుకుని అభినందిస్తున్న దృశ్యాలు ఉన్నాయి. ఈ కార్యక్రమానికి ధనుశ్ తెల్ల చొక్కా, నల్ల ప్యాంటు ధరించి, క్రూ కట్ హెయిర్స్టైల్లో కనిపించగా, ఐశ్వర్య ఆఫ్-వైట్ దుస్తులలో హాజరయ్యారు. “గర్వంగా ఉన్న తల్లిదండ్రులం #యాత్ర” అంటూ ధనుశ్ ఈ పోస్ట్కు క్యాప్షన్ జతచేసి, రెండు హార్ట్ ఎమోజీలను కూడా పంచుకున్నారు.
గతం ఒక వైపు… కుటుంబ విలువలు మరోవైపు
దాదాపు 18 సంవత్సరాల వైవాహిక జీవితం తర్వాత, ధనుశ్, ఐశ్వర్య 2022 జనవరి 17న తాము విడిపోతున్నట్లు ప్రకటించి అందరినీ ఆశ్చర్యపరిచారు. “స్నేహితులుగా, దంపతులుగా, తల్లిదండ్రులుగా, ఒకరికొకరు శ్రేయోభిలాషులుగా 18 ఏళ్ళ మా ప్రయాణం సాగింది. ఈ ప్రయాణంలో ఎదుగుదల, అర్థం చేసుకోవడం, సర్దుకుపోవడం ఉన్నాయి. ఈ రోజు మా దారులు వేరవుతున్నాయి. మేమిద్దరం దంపతులుగా విడిపోయి, వ్యక్తులుగా మమ్మల్ని మేము అర్థం చేసుకోవడానికి సమయం తీసుకోవాలని నిర్ణయించుకున్నాం. దయచేసి మా నిర్ణయాన్ని గౌరవించి, ఈ పరిస్థితిని ఎదుర్కోవడానికి అవసరమైన గోప్యతను మాకు ఇవ్వండి” అని వారు ఒక ఉమ్మడి ప్రకటన విడుదల చేశారు.
ధనుశ్ కెరీర్ పరంగా బిజీగా
నటుడిగా ధనుశ్ తన ప్రయాణాన్ని స్థిరంగా, విశ్వాసంగా కొనసాగిస్తున్నాడు. ప్రస్తుతం ఆయన శేఖర్ కమ్ముల దర్శకత్వంలో రూపొందుతున్న “కుబేర” చిత్రంలో నటిస్తున్నారు. ఇందులో నాగార్జున, రష్మిక మందన్న, జిమ్ సర్భ్ దలీప్ తాహిల్ కూడా కీలక పాత్రలు పోషిస్తున్నారు. దీనితో పాటు, దివంగత రాష్ట్రపతి డాక్టర్ ఏపీజే అబ్దుల్ కలాం జీవిత చరిత్ర ఆధారంగా తెరకెక్కుతున్న “కలాం” అనే బయోపిక్లో కూడా ధనుశ్ నటిస్తున్నారు.
