బిగ్ బాస్ హౌస్లో(Bigg Boss) 9వ వారం నామినేషన్స్ టాస్క్తో ఘర్షణాత్మక వాతావరణం నెలకొంది. గార్డెన్ ఏరియాలో బిగ్ బాస్ కొన్ని బొమ్మలు ఉంచి, వాటిపై హౌస్మేట్స్ ఫోటోలు పెట్టాడు. ప్రతి సభ్యుడు తనకు నచ్చిన బొమ్మ తీసుకొని సేఫ్ జోన్లోకి వెళ్ళాలి. చివరిగా చేరిన వ్యక్తి చేతిలో ఎవరి బొమ్మ ఉంటుందో, ఆ వ్యక్తి నామినేషన్లోకి వెళ్తారని బిగ్ బాస్ తెలిపాడు. మొదటగా సంజన చివరిగా బయటపడి, రీతూ గురించి వ్యాఖ్యానించింది. తాను ఒంటరిగానే ఆడుతున్నానని, రీతూ గేమ్లో డీమాన్ పవన్ ప్రభావం ఉందని చెప్పింది. దీన్ని రీతూ వ్యతిరేకించడంతో ఇద్దరి మధ్య వాదన తలెత్తింది. తరువాత తనూజా, సంజన మధ్య కూడా మాటల యుద్ధం జరిగింది. సుమన్ శెట్టి చివరిగా మిగిలిపోవడంతో, తనూజ బొమ్మ తన వద్ద ఉందని చెప్పి, తానే నామినేట్ అవుతానని ప్రకటించాడు.
Read Also: Bigg Boss Season 9: దువ్వాడ మాధురి ఔట్
నామినేషన్ తర్వాత సంజన భావోద్వేగానికి లోనై, కన్నీళ్లు పెట్టుకుంది. “నాకోసం జుట్టు కత్తిరించుకుంది, కానీ ఇప్పుడు ఆమెతో గొడవ పడాల్సి వచ్చింది” అంటూ ఏడుస్తూ అందరినీ కదిలించింది. తర్వాత బిగ్ బాస్ టాస్క్ రూల్స్ మార్చి, సేఫ్ జోన్లో ముందుగా చేరిన వారు తమ వద్ద ఉన్న బొమ్మకు సంబంధించిన హౌస్మేట్తో కలిసి ఇద్దరిని నామినేట్ చేయాలని ప్రకటించాడు. సాయి తనూజను నామినేట్ చేయగా, భరణి, తనూజ ఇద్దరూ వాదించుకున్నారు. దివ్య అనూహ్యంగా భరణిని నామినేట్ చేసి అందరినీ ఆశ్చర్యపరిచింది.
తనూజ తర్వాత ఇమ్మానుయేల్ను నామినేట్ చేయగా, ఇమ్మూ గట్టిగా స్పందించాడు. రాము కళ్యాణ్ను నామినేట్ చేశాడు. సంచాలక్ డీమాన్ ఇమ్మూని సేవ్ చేసి, కళ్యాణ్ను నామినేట్ చేశాడు. రీతూ, రాము మధ్య కూడా నామినేషన్ల కారణంగా ఉద్రిక్తత నెలకొంది. చివరగా కెప్టెన్ దివ్యకు బిగ్ బాస్(Bigg Boss) స్పెషల్ పవర్ ఇచ్చి, ఒకరిని డైరెక్ట్గా నామినేట్ చేసే అవకాశం కల్పించాడు. దివ్య తనూజను నేరుగా నామినేట్ చేయడంతో హౌస్లో ఉద్రిక్తత పెరిగింది. తనూజ దివ్యపై ఆగ్రహం వ్యక్తం చేయగా, దివ్య కూడా కౌంటర్ ఇచ్చింది.
ఈ వారం నామినేషన్స్లో ఉన్నవారు:
సంజన, సుమన్ శెట్టి, భరణి, కళ్యాణ్, రాము, సాయి, తనూజ.
Read hindi news: hindi.vaartha.com
Epaper : epaper.vaartha.com/
Read Also:
