తెలుగు ప్రేక్షకులను ఊహించని షాక్కు గురిచేస్తూ బిగ్బాస్ తెలుగు సీజన్ 9 (Bigg Boss Season 9)రెండో వారం ఎలిమినేషన్ ఎపిసోడ్ చర్చకు దారితీసింది. అభిమానులు, హౌస్మేట్స్ అందరూ ఒక అభ్యర్థి పేరును ఊహించినప్పటికీ.. ఎలిమినేట్ అయినది ఇంకెవరో కావడంతో అందరూ ఆశ్చర్యపోయారు.
హౌస్ నుండి బిడాయి తీసుకున్న మర్యాద మనీష్
ఈ వారం హౌస్ను విడిచిపెట్టిన కంటెస్టెంట్ మర్యాద మనీష్. ఫ్లోరా సైనీ ఎలిమినేట్ అవుతారని అంతా భావించినా, చివరి నిమిషంలో హోస్ట్ నాగార్జున ఇచ్చిన ట్విస్ట్ హౌస్మేట్స్తో పాటు ప్రేక్షకులను కూడా షాక్కు గురి చేసింది.
ఏడుగురు నామినేషన్.. డేంజర్ జోన్లో చివరికి ఇద్దరే!
ఈ వారం నామినేషన్లో ఏడుగురు హౌస్మేట్స్ ఉన్నారు. నాగార్జున ఒక్కొక్కరిని సేవ్ చేస్తూ ముందుకు సాగారు. మొదట భరణి, హరీష్, సుమన్ శెట్టి, డీమాన్ పవన్, ప్రియ సేఫ్ జోన్లోకి వెళ్లగా, చివరకు మనీష్, ఫ్లోరా సైనీ మాత్రమే డేంజర్ జోన్లో మిగిలారు.
ఉత్కంఠగా సాగిన యాక్టివిటీ ఏరియా సీన్
ఫైనల్ రెండు పేర్లు బయటపడిన తర్వాత, నాగార్జున వారిద్దరినీ యాక్టివిటీ ఏరియాకు పిలిచారు. ఆ సమయంలో ఫ్లోరా తానే వెళ్తానని భావించి మనీష్ను ఊరడించిన తీరు భావోద్వేగాలను కలిగించింది. కానీ ఆఖరికి ఫ్లోరా సేవ్ కావడంతో మనీష్కు ఎలిమినేషన్ తథ్యమైంది.
హౌస్మేట్స్ రియాక్షన్ – ఇమ్మానుయేల్ షాక్!
మనీష్ ఎలిమినేషన్ నిర్ణయం హౌస్మేట్స్ అందరినీ, ముఖ్యంగా ఇమ్మానుయేల్(Emmanuel)ను తీవ్రంగా ఆశ్చర్యపరిచింది. టెనెంట్లు మరియు ఓనర్లందరూ ఫ్లోరానే బయటకు వెళ్తారని నమ్మిన నేపథ్యంలో, మనీష్ వెళ్ళిపోవడం ఊహించని పరిణామంగా నిలిచింది.
మనీష్ టాప్-3, బాటమ్-3 అభిప్రాయాలు
వీడ్కోలు ముందు, నాగార్జున అడిగిన ప్రశ్నకు స్పందిస్తూ మనీష్ తన టాప్-3 మరియు బాటమ్-3 అభ్యర్థుల పేర్లను వెల్లడించాడు. బాటమ్-3లో దమ్ము శ్రీజ, ఫ్లోరా, సుమన్ శెట్టి పేర్లు చెబుతే, టాప్-3గా భరణి, ఇమ్మానుయేల్, హరిత హరీష్ పేర్లను పేర్కొన్నాడు. సంజన కూడా బాగా ఆడుతోందని ప్రశంసించాడు.
Read hindi news: hindi.vaartha.com
Read Also:
