Bad Girl: "జియో హాట్ స్టార్‌లో బ్యాడ్ గర్ల్" మూవీ రివ్యూ!

తమిళంలో రూపొందిన ‘బ్యాడ్ గర్ల్’ (Bad Girl) సినిమా విడుదలకు ముందే చర్చకు దారితీసింది. వర్ష భరత్ దర్శకత్వంలో, వెట్రి మారన్ (vetri maaran) నిర్మాణంలో రూపొందిన ఈ సినిమా సెప్టెంబర్ 5న థియేటర్లలో విడుదలై, ఇప్పుడు జియో హాట్‌స్టార్‌లో స్ట్రీమింగ్ అవుతోంది. ఈ చిత్రం తమిళం, తెలుగు, కన్నడ, హిందీ భాషల్లో అందుబాటులోకి వచ్చింది. రమ్య (అంజలి శివరామన్) ఓ మధ్యతరగతి కుటుంబానికి చెందిన స్కూల్ విద్యార్థిని. తండ్రి వేరే ఊర్లో ఉద్యోగం చేస్తూ దూరంగా ఉంటాడు, తల్లి సుందరి (శాంతి ప్రియ) అదే స్కూల్‌లో టీచర్‌గా పనిచేస్తుంది. ఆచార సంప్రదాయాలను కట్టుబట్టిన కుటుంబంలో పెరిగిన రమ్యకు ఆ బంధనాలు భరించలేనివిగా అనిపిస్తాయి.

Bad Girl: “జియో హాట్ స్టార్‌లో బ్యాడ్ గర్ల్” మూవీ రివ్యూ!

ఈ సమయంలో స్కూల్‌లో కొత్తగా వచ్చిన నలన్ (హ్రిదు హరూన్) పట్ల రమ్య ఆకర్షితురాలవుతుంది. ఇద్దరి మధ్య ప్రేమ మొలకెత్తుతుంది, కానీ నలన్ కుటుంబం సింగపూర్‌కు పంపించడంతో వారి ప్లాన్ విఫలమవుతుంది. ఆ తర్వాత రమ్యను రెసిడెన్షియల్ కాలేజీకి పంపిస్తారు. అక్కడ అర్జున్ అనే యువకుడితో పరిచయం ఏర్పడుతుంది, అది ప్రేమగా మారుతుంది. కానీ అర్జున్ నిజంగా తనను ప్రేమించడం లేదని తెలిసి ఆమె జీవితంలో కొత్త మలుపు వస్తుంది. ఆ సంఘటన రమ్య జీవితాన్ని ఎలా మార్చిందనేది కథ.

విశ్లేషణ

సినిమా ప్రధానంగా తల్లీ కూతుళ్ల మధ్య ఉండే భావోద్వేగ విభేదాలను చూపిస్తుంది. టీనేజ్ వయసులో పిల్లలు తమ ఆలోచనలతో తల్లిదండ్రులకు విరుద్ధంగా ప్రవర్తించే దశను ఈ కథలో చూపించారు. రమ్య పాత్రలోని అల్లకల్లోలాన్ని, ఆలోచనల గందరగోళాన్ని దర్శకురాలు వర్ష భరత్ వాస్తవికంగా చూపించే ప్రయత్నం చేశారు. అయితే కథలో పెద్దగా కొత్తదనం కనిపించదు. స్క్రీన్‌ప్లే సజావుగా సాగినా, భావోద్వేగం లోపించడం వల్ల ప్రేక్షకుల మనసును పూర్తిగా తాకలేకపోతుంది. ముగింపు కూడా ప్రేక్షకుల అంచనాలకు దూరంగా ఉంటుంది.

నటన మరియు టెక్నికల్ అంశాలు

అంజలి శివరామన్ రమ్య పాత్రలో బాగానే నటించింది. శాంతి ప్రియ తల్లిగా నమ్మదగిన ప్రదర్శన ఇచ్చింది. ఇతర పాత్రలకు పరిమిత ప్రాధాన్యత ఉంది. ప్రీత జయరామన్ సినిమాటోగ్రఫీ, అమిత్ త్రివేది సంగీతం సరాసరి స్థాయిలో ఉన్నాయి. ఎడిటింగ్ కొంత మెరుగ్గా ఉండవలసింది.

తీర్మానం

‘బ్యాడ్ గర్ల్’ (Bad Girl) ఒక టీనేజ్ అమ్మాయి భావజాలాన్ని, ఆమె ఆత్మపరిశీలనను చూపించాలనే ఉద్దేశ్యంతో తీసిన సినిమా. అయితే వినోదం, సందేశం రెండింటినీ సమతౌల్యం చేయడంలో సినిమా విఫలమైందనే చెప్పాలి.

రేటింగ్: 2/5

సినిమా వివరాలు: