వెంకటేష్, ఐశ్వర్య రాజేశ్, మీనాక్షి చౌదరి ప్రధాన పాత్రలలో నటించిన చిత్రం ‘సంక్రాంతికి వస్తున్నాం’.ఈ చిత్రానికి అనిల్ రావిపూడి దర్శకత్వం వహించగా, దిల్ రాజు, శిరీష్ సంయుక్తంగా నిర్మించారు. ఈ సంక్రాంతికి ప్రేక్షకుల ముందుకు వచ్చిన ఈ చిత్రం మంచి టాక్తో విజయవంతంగా ప్రదర్శింపబడుతోంది.ఈ సినిమా ఇప్పటి వరకు రూ. 200 కోట్లకు పైగా గ్రాస్ కలెక్షన్స్ సాధించి, హౌస్ఫుల్ కలెక్షన్లతో బాక్సాఫీస్ వద్ద దూసుకుపోతోంది. సంక్రాంతి పండగకు కుటుంబ కథా చిత్రాలంటే ప్రత్యేకమైన ఆదరణ ఉంటుంది. ఈ చిత్రాన్ని కుటుంబ ప్రేక్షకులు బాగా ఆదరించారు.తెలుగు సినిమా పరిశ్రమలో పది సంవత్సరాల కెరీర్ను పూర్తి చేసిన అనిల్ రావిపూడి బుధవారం నాడు విలేకరులతో ప్రత్యేకంగా మాట్లాడారు.
ఈ సందర్భంగా పలు ఆసక్తికరమైన విషయాలను పంచుకున్నారు.మీ సినిమాల్లో కామెడీని జబర్దస్త్ స్కిట్స్తో పోల్చడంపై మీ అభిప్రాయం? అనే ప్రశ్నకు ఆయన స్పందిస్తూ నిజం చెప్పాలంటే ఇటువంటి కామెంట్స్కు నేను చాలా సార్లు వినయంగా ఎదురయ్యాను. నా ప్రతి సినిమా ప్రేక్షకులను మెప్పిస్తోంది. ఎవరో కొందరు చేస్తున్న విమర్శలను నేను పెద్దగా పట్టించుకోను. నా లక్ష్యం ప్రేక్షకులను నువ్వులాటతో అలరించడం మాత్రమే” అని స్పష్టంగా చెప్పారు.అనిల్ తన కెరీర్లో నిరాశ ఎదురుకాలేదని, ప్రతి సినిమా ద్వారా ప్రేక్షకులు తనను ఆదరిస్తున్నారని అన్నారు.”ప్రేక్షకుల ప్రేమ వల్ల నా జీవితంలో ప్రతి రోజు సంతోషకరమైనదే.
నేను ఏ జానర్లో సినిమా చేసినా వాళ్లు ఆదరిస్తున్నారు.ఇదే నా విజయం” అని అనిల్ తెలిపారు.”నా కెరీర్ ‘పటాస్’తో మొదలైంది. ఇప్పుడు వచ్చే ప్రతి సినిమా నా జీవితానికి బోనస్లాంటిది. చిరంజీవితో ఒక మంచి ఎంటర్టైనర్ సినిమా చేయాలన్న కోరిక ఉంది. అలాగే నాగార్జునతో ‘హలో బ్రదర్’ తరహా ఎంటర్టైనర్ను డైరెక్ట్ చేయాలని కలగంటున్నా” అని వెల్లడించారు.‘సంక్రాంతికి వస్తున్నాం’ సినిమాతో అనిల్ మరో విజయవంతమైన హిట్ను తన ఖాతాలో వేసుకున్నారు. దర్శకుడిగా ఆయన అందించిన వినోదం, కుటుంబం అనుభూతిని ప్రేక్షకులు హృదయపూర్వకంగా స్వాగతిస్తున్నారు.
