సాధారణంగా సినీ హీరోయిన్స్ లుక్స్ లేదా ఫిట్నెస్ (Movie heroines’ looks or fitness)లో చిన్న మార్పు వచ్చినా సోషల్ మీడియాలో విమర్శలు ఊపందుకుంటాయి. కాస్త బరువు పెరిగినా వారి శరీరాకృతిపై తీవ్రమైన కామెంట్లు చేస్తుంటారు. కొందరు నటీమణులు దీనిపై రియాక్ట్ అవుతుంటే, మరికొందరు మౌనంగానే ఉంటారు. కానీ హీరోయిన్ నివేదా థామస్ (Nivetha Thomas) మాత్రం ఈసారి తన ట్రాన్స్ఫర్మేషన్తో సైలెంట్గా స్ట్రాంగ్ కౌంటర్ ఇచ్చింది.నివేదా థామస్ తెలుగు, తమిళం, మలయాళం సినీప్రియులకు బాగా తెలిసిన పేరు. తక్కువ సమయంలోనే తనదైన స్టైల్తో ఇండస్ట్రీలో మంచి గుర్తింపు తెచ్చుకుంది. అందం, అభినయం కలిపి ఈ భామను ప్రత్యేకంగా నిలబెట్టాయి. అయితే ఇమేజ్ ఉన్నా అవకాశాలు మాత్రం అంతగా దక్కలేదు.
తల్లి పాత్రతో అందరినీ ఆశ్చర్యపరిచిన నివేదా
ఇటీవల 35 చిన్న కథ అనే సినిమాలో తల్లి పాత్రలో నటించింది. ఇంతవరకు గ్లామర్ పాత్రల్లో కనిపించిన ఆమె, ఈసారి సీరియస్ పాత్రలో అద్భుతంగా నటించింది. ఆ పాత్రకుగానూ ఉత్తమ నటి గద్దర్ అవార్డ్ అందుకుంది. అవార్డు వేడుకలలో ఆమె లుక్ చూసి నెటిజన్లు షాక్ అయ్యారు.చీరలో కనిపించిన నివేదా కొంత బొద్దుగా ఉందని కామెంట్లు మొదలయ్యాయి. “బరువు ఎందుకు పెరిగింది?”, “ఆరోగ్య సమస్యలేమైనా ఉన్నాయా?” అంటూ సోషల్ మీడియాలో విపరీతమైన చర్చ జరిగింది. కానీ ఈ ట్రోల్స్కు ఆమె ఎలాంటి స్పందన ఇవ్వలేదు.
రెండు నెలల్లోనే అద్భుతమైన మార్పు
అయితే కేవలం రెండు నెలల్లోనే నివేదా తన లుక్తో అందరినీ ఆశ్చర్యపరిచింది. బరువు తగ్గి సన్నగా మారిన ఆమె తాజా ఫోటోలు సోషల్ మీడియాలో వైరల్ అవుతున్నాయి. “ఇంత తక్కువ సమయంలో ఇంత పెద్ద మార్పు ఎలా సాధ్యమైంది?” అంటూ నెటిజన్లు కామెంట్లు చేస్తున్నారు.నివేదా థామస్ తెలుగులో న్యాచురల్ స్టార్ నాని సరసన నిన్ను కోరితో గుర్తింపు తెచ్చుకుంది. ఆ తర్వాత జై లవకుశ, బ్రోచేవారెవరురా, 118, వకీల్ సాబ్ వంటి చిత్రాల్లో నటించి మెప్పించింది. చివరగా 35 చిన్న కథ కాదులో తన నటనతో మరోసారి అభిమానుల హృదయాలను గెలుచుకుంది.
అవకాశాలపై అభిమానుల ఆశలు
ప్రస్తుతం నివేదా కొత్త లుక్తో తిరిగి ఫిట్గా కనిపిస్తోంది. ఈ ట్రాన్స్ఫర్మేషన్ తర్వాత ఆమెకు మరిన్ని మంచి అవకాశాలు రావచ్చని అభిమానులు భావిస్తున్నారు. నటనతో పాటు ఫిట్నెస్లో కూడా తన పట్టుదలని చూపించిన నివేదా, భవిష్యత్తులో మరిన్ని సూపర్ హిట్ సినిమాలతో ముందుకు వస్తుందా అన్న ఆసక్తి పెరిగింది.
Read also :
