శ్రీలీల, తక్కువ కాలంలోనే టాలీవుడ్లో తనకంటూ ప్రత్యేక స్థానాన్ని సంపాదించుకుంది.ప్రస్తుతం టాలీవుడ్లో క్రేజీ ప్రాజెక్టులన్నీ ఈ అందాల భామ చేతిలోనే ఉన్నాయి. మహేష్ బాబు,అల్లు అర్జున్, రవితేజ, నందమూరి బాలకృష్ణ,నితిన్, రామ్,వైష్ణవ్ తేజ్ వంటి స్టార్ హీరోలతో స్క్రీన్ షేర్ చేసుకోవడం ద్వారా ఆమె టాలీవుడ్ టాప్ హీరోయిన్లలో ఒకరిగా నిలిచింది. ఇటీవలే అల్లు అర్జున్ పుష్ప 2లో ఓ స్పెషల్ సాంగ్కి నటించి, మరోసారి అభిమానులను ఆకట్టుకుంది.ఈ పాటలో శ్రీలీల తన స్టెప్పులతో ప్రేక్షకులను మంత్రముగ్ధులను చేసింది.ప్రస్తుతం శ్రీలీల పవన్ కల్యాణ్ ప్రధాన పాత్రలో తెరకెక్కుతున్న ఉస్తాద్ భగత్ సింగ్ సినిమాలో కూడా భాగమవ్వడం విశేషం.తెలుగు ఇండస్ట్రీలోకి కన్నడ నుంచి అడుగుపెట్టిన శ్రీలీల,పెళ్లిసందడి సినిమాతో మంచి గుర్తింపు పొందింది. ఆ తర్వాత వచ్చిన రవితేజ ధమాకా చిత్రం ఆమె కెరీర్లో టర్నింగ్ పాయింట్ అయ్యింది.
ధమాకా విజయం తర్వాత ఆమె చేసిన సినిమాలు అంతగా విజయం సాధించకపోయినా,ఆమె డిమాండ్ మాత్రం తగ్గలేదు.తాజాగా బాలకృష్ణ సరసన నటించిన భగవంత్ కేసరి మంచి విజయం సాధించింది. అయితే,ఈ చిత్ర విజయానికి క్రెడిట్ ఎక్కువగా బాలయ్యకే దక్కింది.ఆ తర్వాత శ్రీలీల చేసిన ప్రాజెక్టులు ఆశించిన స్థాయిలో విజయాలు సాధించకపోయినా, ప్రాజెక్టుల పరంగా ఆమె ఫుల్ బిజీగా ఉంది.ఇదిలా ఉంటే, ప్రస్తుతం శ్రీలీల వ్యక్తిగత జీవితం సోషల్ మీడియాలో హాట్ టాపిక్ అయింది.
బాలీవుడ్లో ఒక యంగ్ హీరోతో ఆమె ప్రేమలో ఉన్నారని వార్తలు చక్కర్లు కొడుతున్నాయి. దీనిపై శ్రీలీల ఇంకా స్పందించలేదు. యంగ్ హీరోల దగ్గర నుంచి స్టార్ హీరోల వరకు శ్రీలీలే తమ సినిమాకు హీరోయిన్ కావాలంటున్నారు. ఈ క్రేజ్ ఆమె టాలెంట్, అందం, డ్యాన్స్ నైపుణ్యాల వల్లనే అని చెప్పుకోవచ్చు. మరి, తన తదుపరి సినిమాలతో ఈ ముద్దుగుమ్మ హిట్ల పరంపరను సాధిస్తుందో లేదో చూడాలి. సినీ ప్రపంచంలో అందరినీ ఆకట్టుకుంటూ, ఒక స్థిరమైన స్థానం కోసం కృషి చేస్తున్న శ్రీలీల, తన అభిమానుల ఆశలను నిలబెట్టుకుంటుందా?
