హైదరాబాద్ సంధ్య థియేటర్లో పుష్ప 2 ప్రీమియర్ సందర్భంగా జరిగిన తొక్కిసలాట ఘటన అల్లు అర్జున్ అభిమానులకు ఆందోళన కలిగించింది.ఈ ఘటనలో ఓ మహిళ దురదృష్టవశాత్తు ప్రాణాలు కోల్పోగా, అల్లు అర్జున్పై కేసు నమోదు చేయడం కలకలం రేపింది.పుష్ప 2 సినిమా ప్రీమియర్ను హైదరాబాద్ సంధ్య థియేటర్లో నిర్వహించారు. అల్లు అర్జున్ థియేటర్కు రాగానే అభిమానులు పెద్ద ఎత్తున తరలివచ్చి ఆయనను చూడాలని ఉత్సాహంతో ఎగబడ్డారు. ఆ సమయంలో అల్లు అర్జున్ బౌన్సర్లు జనాన్ని వెనక్కి నెట్టే ప్రయత్నం చేయగా తొక్కిసలాట జరిగింది.ఈ దుర్ఘటనలో ఒక మహిళ మరణించడంతో ఆందోళనకర పరిస్థితి ఏర్పడింది. ఈ ఘటనకు సంబంధించి పోలీసులు అల్లు అర్జున్పై కేసు నమోదు చేశారు.నాంపల్లి కోర్టులో ఆయన రెగ్యులర్ బెయిల్ పిటిషన్పై విచారణ జరుగుతుంది.ఇప్పటికే అల్లు అర్జున్పై డిసెంబర్ 13న 14 రోజుల రిమాండ్ విధించిన నాంపల్లి కోర్టు, తాజాగా ఈ కేసులో కౌంటర్ దాఖలు చేసేందుకు సమయం కోరింది.
గతంలో కోర్టు విధించిన 14 రోజుల రిమాండ్ ముగియడంతో అల్లు అర్జున్ వర్చువల్గా కోర్టుకు హాజరయ్యారు.ప్రస్తుతం హైకోర్టు మంజూరు చేసిన మధ్యంతర బెయిల్పై ఆయన విడుదలయ్యారు.ఈ రోజు (సోమవారం) బెయిల్ పిటిషన్పై పోలీసులు కౌంటర్ దాఖలు చేసే అవకాశం ఉంది.పోలీసుల వాదనల అనంతరం నాంపల్లి కోర్టు జనవరి 10న తదుపరి విచారణ చేపట్టనుంది.ఈ విచారణలో రిమాండ్ పొడిగింపు అంశంపై కూడా నిర్ణయం తీసుకోనుంది.పుష్ప 2 చిత్రానికి వచ్చిన క్రేజ్ కారణంగా సంధ్య థియేటర్ వద్ద భారీ సంఖ్యలో అభిమానులు గుమికూడారు.అల్లు అర్జున్ను చూసేందుకు వచ్చిన ఈ రద్దీ క్రమశిక్షణను తప్పించడంతో ప్రమాదానికి దారితీసింది. థియేటర్ వద్ద అనుకున్నది కంటే ఎక్కువగా జనసందోహం ఉండటంతో పరిస్థితి అదుపు తప్పింది.ఈ ఘటనతో అభిమానుల కోసం మరింత పటిష్టమైన భద్రతా చర్యలు తీసుకోవాలని ప్రతిపాదనలు వస్తున్నాయి.ముఖ్యంగా ప్రీమియర్ షోలు వంటి ప్రత్యేక వేడుకల సందర్భంగా అభిమానుల రద్దీని నియంత్రించడంలో చురుకైన చర్యలు అవసరం.
