కన్నడ భాష తమిళం నుంచే పుట్టింది అన్న కమల్ హాసన్ (Kamal Haasan) వ్యాఖ్యలు ఇప్పుడు కర్ణాటకలో పెద్ద దుమారాన్ని రేపుతున్నాయి. ఇటీవల ఆయన ‘థగ్ లైఫ్’ ఆడియో రిలీజ్ ఈవెంట్లో చేసిన వ్యాఖ్యలు, కన్నడ అభిమానులను తీవ్రంగా బాధించాయి.ఈ కామెంట్స్ తర్వాత బెంగళూరులో (In Bangalore) నిరసనలు మొదలయ్యాయి. కర్ణాటక రక్షణ వేదిక (KRV) నాయకత్వంలో ఆర్టీ నగర్ పోలీస్ స్టేషన్లో కమల్పై ఫిర్యాదు నమోదైంది.వారు పేర్కొన్నట్లు, ఆయన మాటలు కన్నడిల మనోభావాలను దెబ్బతీశాయి. అలాగే, కన్నడ-తమిళ భాషా భావాలు మధ్య చిచ్చు పెట్టేలా ఉన్నాయని ఆరోపించారు.
కేసు నమోదు, చట్టపరమైన చర్యల దిశగా
కేఆర్వీ నాయకులు కమల్పై వెంటనే చర్యలు తీసుకోవాలి అని డిమాండ్ చేశారు. పోలీసులు కమల్పై కేసు నమోదు చేశారని సమాచారం.ఇటీవల కొన్ని ప్రాంతాల్లో కమల్ పోస్టర్లు దహనం చేసిన ఘటనలు కూడా వెలుగులోకి వచ్చాయి. “కమల్ గో బ్యాక్” నినాదాలు వినిపించాయి.వివాదం మరింత పెరగడంతో కమల్ స్పందించారు. “నేను ప్రేమతో మాట్లాడాను, ఎవ్వరిని అవమానించలేదు” అన్నారు.భాషల చరిత్రపై నాయకులకంటే భాషా నిపుణులే మాట్లాడాలి అని కూడా వ్యాఖ్యానించారు.
‘థగ్ లైఫ్’పై ప్రభావం తథ్యమేనా?
ఈ వివాదం కమల్ తాజా సినిమా ‘థగ్ లైఫ్’పై ప్రభావం చూపే అవకాశం ఉంది.కర్ణాటకలో విడుదలకు అడ్డంకులు తలెత్తవచ్చని సినీ విశ్లేషకులు చెబుతున్నారు.కొన్ని ప్రాంతాల్లో మూవీ బ్యాన్ డిమాండ్స్ కూడా వినిపిస్తున్నాయి.
రాజకీయ నాయకుల సీరియస్ కామెంట్లు
కర్ణాటక సీఎం సిద్ధరామయ్య కూడా ఈ అంశంపై స్పందించారు. కమల్కు కన్నడ చరిత్రపై అవగాహన లేదు అన్నారు.ఇతర భాషలను తక్కువచేయడం తప్పు అన్నారు.బీజేపీ నేత బీవై విజయేంద్ర కూడా కమల్పై ఆగ్రహం వ్యక్తం చేశారు.ఇలాంటి వ్యాఖ్యలు విద్వేషాన్ని పెంచుతాయి అన్నారు.ఈ పరిణామాల మధ్య, పలువురు నేతలు థగ్ లైఫ్ సినిమాను కర్ణాటకలో నిషేధించాలి అని కోరుతున్నారు.ఈ వివాదం ఇంకా ఎటు తిరుగుతుందనేది చూడాల్సిన విషయం.
Read Also : Kamal Haasan : కమల్ వ్యాఖ్యల పై స్పందించిన స్టార్ శివన్న
