బాలీవుడ్ మిస్టర్ పర్ఫెక్షనిస్ట్ అమిర్ ఖాన్ ఇంట్లోకి ఓ ప్రత్యేక అతిథి అడుగుపెట్టాడు. ఆయన మరెవరో కాదు, మన తెలుగు స్టార్ ఐకాన్ అల్లు అర్జున్. ముంబయిలో అమిర్ ఖాన్ నివాసానికి బన్నీ ప్రత్యేకంగా వెళ్లి, కొద్దిసేపు అమిర్తో ముచ్చటించారు. ఈ భేటీ ఇప్పుడు రెండు పరిశ్రమల్లోనూ చర్చనీయాంశంగా మారింది.ఇద్దరూ ప్రత్యక్షంగా కలిసి మాట్లాడటం అంటేనే ఎంతో ఆసక్తికరంగా మారుతుంది. టాలీవుడ్, బాలీవుడ్ అభిమానుల మధ్య చర్చలు ఊపందుకున్నాయి. ఈ సమావేశం వెనుక కారణం ఏమై ఉంటుందనే దానిపై పలు ఊహాగానాలు వినిపిస్తున్నాయి.ఇండస్ట్రీలో వినిపిస్తున్న సమాచారం ప్రకారం, బన్నీ–అమిర్ భేటీ వెనుక ఓ బిగ్ బడ్జెట్ ప్రాజెక్ట్ ఉండే అవకాశం ఉందని అంటున్నారు. ఒక సినిమా కోసం ఇద్దరూ కలిసి పని చేయబోతున్నారనే మాటలే ఎక్కువగా వినిపిస్తున్నాయి. ఇది ఒక పాన్-ఇండియా మూవీగా ఉండే అవకాశాలు ఉన్నాయని టాక్ నడుస్తోంది.
అమిర్ ఖాన్ ‘మహాభారతం’పై దృష్టి పెట్టారా?
ప్రస్తుతం అమిర్ ఖాన్ ‘సితారే జమీన్ పర్’ అనే సినిమాలో బిజీగా ఉన్నారు. ఆ తర్వాత, ఆయన ‘మహాభారతం’ ప్రాజెక్ట్పై ఫోకస్ పెట్టనున్నట్లు ఇప్పటికే హింట్స్ ఇచ్చారు. ఇది అత్యంత భారీ స్థాయిలో రూపొందే సినిమా. ఇందులో దేశం నలుమూలల నుండి స్టార్ హీరోలు ఎంపిక చేయనున్నారట. ఈ నేపథ్యంలో బన్నీతో జరిగిన భేటీ మరింత ప్రాముఖ్యత సంతరించుకుంది.
బన్నీ మహాభారతంలో పాత్ర పోషించనున్నారా?
ఇండస్ట్రీలో వినిపిస్తున్న గాసిప్స్ ప్రకారం, బన్నీకి ‘మహాభారతం’లో ఓ ముఖ్యమైన పాత్ర ఇవ్వాలని అమిర్ అనుకుంటున్నారని చెబుతున్నారు. అయితే దీనిపై ఇంతవరకు ఎలాంటి అధికారిక ప్రకటన రాలేదు. అయినా ఇది అభిమానుల్లో ఆసక్తిని రేకెత్తిస్తోంది. టాలీవుడ్ అభిమానులు బన్నీ బాలీవుడ్లో మెరిసే అవకాశం కోసం ఎదురు చూస్తున్నారు.ఈ భేటీపై సోషల్ మీడియాలో మినీ పెడుతున్న పోస్టులు, ట్రెండింగ్ హ్యాష్ట్యాగ్లు చూస్తే స్పష్టమవుతుంది – ఇది ఇప్పుడు హాట్ టాపిక్. బన్నీ, అమిర్ కాంబినేషన్ ఎప్పుడు వర్క్ అవుతుందోనని సినీ ప్రేమికులు వేచి చూస్తున్నారు.
Read Also : Robinhood: ఓటీటీలోకి ‘రాబిన్హుడ్’ స్ట్రీమింగ్ ఎప్పుడంటే?
