వరంగల్ నేపథ్యంలో నడిచే(12A Railway Colony) ఈ సినిమాలో అల్లరి నరేశ్(Allari Naresh) మరోసారి కొత్త జోనర్ను ప్రయత్నించాడు. ఒకప్పుడు వరుసగా కామెడీ సినిమాలు చేస్తూ 50 పైగా చిత్రాల్లో ప్రేక్షకులను నవ్వించిన నరేశ్, ఇప్పుడు విభిన్న పాత్రలను ఎంచుకుంటూ తన నటనలో కొత్త కోణాలను చూపిస్తున్నాడు. పొలిమేర ఫేమ్ అనిల్ విశ్వనాథ్ కథ–స్క్రీన్ప్లే–సంభాషణలు సమకూర్చగా, నాని కాసరగడ్డ దర్శకత్వం వహించిన ఈ చిత్రం థియేటర్లలోకి వచ్చింది. కథలో కార్తీక్ అల్లరి నరేశ్ అనాథ. స్నేహితులతో తిరుగుతూ జీవిస్తున్న అతను, వారి కాలనీలోకి వచ్చిన ఆరాధన కామాక్షి భాస్కర్లను చూసి మొదటి చూపులో ప్రేమలో పడతాడు. ఆమెకు బ్యాడ్మింటన్పై శ్రద్ధ ఉందని తెలుసుకున్న అతను, ఆమె కల నెరవేర్చేందుకు మూడు లక్షల రూపాయలు సేకరించాలని నిర్ణయించుకుంటాడు. ఇక వరంగల్లో రాజకీయంగా ఎదగాలని ప్రయత్నిస్తున్న టిల్లు జీవన్ కుమార్ ఎన్నికల్లో గెలవాలని పట్టుదలతో ఉన్న పరిస్థితుల్లో, కార్తీక్ అతని వద్ద డబ్బు అడుగుతాడు. టిల్లు ఒక రహస్య పార్సిల్ను ఇచ్చి దాన్ని దాచమని, డబ్బు ఇచ్చేస్తానని మాట ఇస్తాడు. ఆరాధన ఇంటి వద్దకు తరచూ వచ్చే షిండే అనీశ్ కురువిల్లా ని చూసి కార్తీక్ అపోహలు పెంచుకుంటాడు. ఆరాధన ఇంటికి ఒక రోజు తాళం వేసి ఉండటంతో ఆ పార్సిల్ను అక్కడే దాచడం మంచిదని భావిస్తాడు. కానీ ఆ రాత్రి జరిగిన సంఘటనలు అతని జీవితాన్ని కొత్త దారిలోకి తీసుకెళ్తాయి. ఆరాధన షిండే మధ్య ఉన్న నిజమైన బంధం ఏమిటి? టిల్లూ ఇచ్చిన పార్సిల్ రహస్యం ఏమిటి? ఇదే అసలు కథ.
Read also: అసెంబ్లీలో స్పీకర్తో భేటీ అయిన కడియం శ్రీహరి
నటీనటుల ప్రదర్శన & టెక్నికల్ అంశాలు
అల్లరి నరేశ్(12A Railway Colony) ఎలాంటి పాత్ర చేసినా తనదైన స్టైల్లో న్యాయం చేస్తాడు. కాని కామెడీకి దూరంగా ప్రయోగాలు చేస్తూ వెళ్తున్న ఈ దశలో మంచి స్క్రిప్ట్ ఉన్న సినిమాలను ఎంచుకోవడం అవసరం అనిపిస్తుంది. ఇందులో ఆయన నటన బాగానే ఉన్నప్పటికీ, పాత్ర రైటింగ్ బలంగా లేకపోవడం లోపం. కామాక్షి భాస్కర్ల పాత్ర లుక్ పెద్దగా ఆకట్టుకోలేదు. హీరో ఫ్రెండ్స్గా వచ్చిన ముగ్గురు కమెడియన్ల పాత్రలకూ సరైన ప్రాధాన్యం లేకపోవడం మైనస్. ఎమోషన్స్ ఎక్కడా పనిచేయలేదు, డైలాగ్స్ కూడా అంతగా ప్రభావం చూపలేదు. ఫొటోగ్రఫీ, ఎడిటింగ్ సాధారణ స్థాయిలో ఉన్నాయి. భీమ్స్ అందించిన బ్యాక్గ్రౌండ్ మ్యూజిక్ మాత్రం కొంతవరకు సన్నివేశాలకు బలం చేకూర్చింది.
ముగింపు
ఫస్టాఫ్ను ఇంట్రస్టింగ్గా తీర్చిదిద్దకపోవడం, సెకండాఫ్లో ఒక్కసారిగా ట్విస్టులు రప్పించడం వల్ల కథ ఆకర్షణను కోల్పోయింది. రెండు భాగాల మధ్య సరైన బ్యాలెన్స్ లేని కారణంగా సినిమా ఇంపాక్ట్ తగ్గిపోయింది. కథలో ఉన్న పాఠాలు బాగున్నప్పటికీ, చెప్పిన తీరు మరింత కట్టుదిట్టంగా ఉంటే ఫలితం బాగుండేది అన్న భావన మిగిలిపోతుంది.
Read hindi news: https://hindi.vaartha.com
Epaper : https://epaper.vaartha.com/
Read also :
