టాలీవుడ్లో యాంకర్ సుమ, నటుడు రాజీవ్ కనకాల కుమారుడు రోషన్ కనకాల హీరోగా అడుగుపెట్టడం విశేషం. బబుల్ గమ్ సినిమాతో తెరంగేట్రం చేసిన రోషన్, మొదటి సినిమాతో ఆశించిన విజయాన్ని అందుకోలేకపోయాడు. థియేటర్లు మరియు ఓటీటీలలో ఈ సినిమా పెద్దగా ఆకట్టుకోలేదు.అయితే, రోషన్ తన నటనలో బోల్డ్ సీన్స్, రొమాంటిక్ సన్నివేశాల్లో సంపూర్ణ నిబద్ధతను చూపాడు.ఈ ప్రయత్నాలతో ఆయన నటుడిగా పాస్ మార్కులు సంపాదించాడు. అయితే లుక్స్ మరియు నటన పరంగా ఇంకా మెరుగుపడాల్సిన అవసరం ఉందని చెప్పుకోవచ్చు.బబుల్ గమ్ అనంతరం రోషన్ తన రెండో సినిమాపై చాలా జాగ్రత్తగా సమయం కేటాయించాడు.ఈ మధ్యకాలంలో మోక్ష్: ది ఐలాండ్ అనే వెబ్ సిరీస్లో రోషన్ కీలక పాత్రలో నటించాడు.
ఓటీటీలో ఈ సిరీస్కు మంచి స్పందన లభించడంతో, రోషన్కు మరింత స్ఫూర్తి లభించింది. ఇప్పుడు,థియేట్రికల్ విడుదల కోసం తన రెండో చిత్రంపై ఆయన దృష్టి సారించాడు. కలర్ ఫోటో తో అందరి దృష్టిని ఆకర్షించిన సందీప్ రాజ్,ఆ చిత్రం తర్వాత పెద్దగా ప్రాజెక్ట్స్ చేయలేదు. ఇటీవలే వివాహ బంధంలో అడుగుపెట్టిన సందీప్,ఇప్పుడు పూర్తిగా తన కొత్త సినిమా మోగ్లీ పై ఫోకస్ పెట్టాడు.ఈ సినిమా స్క్రిప్ట్, ప్రీప్రొడక్షన్ పనులు ఏడాది పాటు ఎంతో జాగ్రత్తగా పూర్తి చేశారట.అందుకే మోగ్లీ సినిమాను పకడ్బంధీ ప్లాన్లతో రూపొందిస్తున్నారు.మోగ్లీ ఫస్ట్ లుక్ పోస్టర్ చూస్తే రోషన్ ఏదో కొత్తగా ట్రై చేస్తున్నట్టు స్పష్టమవుతోంది. ఇందులోని ప్రేమకథను దర్శకుడు సందీప్ రాజ్ ఎంత వన్నెలు అద్దుతారో ఆసక్తికరం.ఈ సినిమా ద్వారా రోషన్ నటనలో అడ్వెంచర్లు చూపిస్తాడా? అన్నది కూడా ప్రేక్షకులను ఆతృతగా ఉంచుతోంది.ఈ చిత్రాన్ని పీపుల్స్ మీడియా ఫ్యాక్టరీ నిర్మిస్తోంది.టీజీ విశ్వ ప్రసాద్ ప్రధాన నిర్మాతగా, వివేక్ కూఛిబొట్ల సహ నిర్మాతగా వ్యవహరిస్తున్నారు.
