గతంలో ప్రతి హీరో పేరుకు ఓ ప్రత్యేకమైన స్టార్ ట్యాగ్ ఉండేది.హీరోల క్రేజ్ను చెప్పేలా “సూపర్ స్టార్”,”మెగా స్టార్”, “యంగ్ టైగర్” వంటి ట్యాగ్లు వారి పేర్లకు ముందుండేవి.ఈ ట్యాగ్లతో అభిమానుల గౌరవం, ప్రేమ మరింత పెరుగుతుందనేది కొంతకాలంగా ఉన్న సంప్రదాయం. అయితే, ప్రస్తుతం కోలీవుడ్లోని టాప్ హీరోలు ఈ సంప్రదాయాన్ని బద్దలుకొడుతున్నారు. తమ పేర్ల ముందు ట్యాగ్లను తొలగించి, అభిమానులు తాము ఏ పేరు పలకాలని అనుకుంటున్నారో అదే సరిపోతుందని చెబుతున్నారు.టాప్ హీరోలు తమ పేర్లకు అనవసరంగా “స్టార్” వంటి ట్యాగ్లు జత చేయవద్దని అభిమానులను కోరుతున్నారు. “అభిమానులు నన్ను నా అసలు పేరుతో పిలవడం చాలాకాదు?”
అనే ప్రశ్నను వారు లేవనెత్తుతున్నారు.వారి అభిప్రాయం ప్రకారం, ట్యాగ్లు కలిపి పిలవడం వ్యక్తిగత గుర్తింపును తగ్గిస్తుందనే భావన వ్యక్తమవుతోంది.నటుడి ప్రతిభ, నటన, వ్యక్తిత్వమే ముఖ్యం, కానీ ట్యాగ్లు కాదు అని చెప్పటంతో అభిమానులు కూడా వారి మాటలకు అంగీకరిస్తున్నారు.సినీ పరిశ్రమలో స్టార్ ట్యాగ్లు తొలగించడంలో కోలీవుడ్ అగ్రగామిగా మారుతోంది. ఇటీవల, కొంతమంది హీరోలు తమ పేర్లకు ముందున్న “సూపర్ స్టార్”,”అల్టిమేట్ స్టార్” వంటి పేర్లను పూర్తిగా విరమించారు. స్టార్ ట్యాగ్ అవసరం లేకుండా కూడా తమకు ప్రాచుర్యం, ఫాలోయింగ్ పెరుగుతుందనే నమ్మకంతో ముందుకెళ్తున్నారు.ప్రేక్షకుల గుండెల్లోకి చేరేలా సింపుల్గా ఉండటమే లక్ష్యంగా ఈ నిర్ణయం తీసుకుంటున్నట్టు చెబుతున్నారు.ముఖ్యంగా అభిమానులు ఈ నిర్ణయంపై పాజిటివ్గా స్పందిస్తున్నారు.తమ అభిమాన నటుడికి ఇచ్చే పేరు, గౌరవం తమ చేతిలోనే ఉంటే బాగుంటుందని భావిస్తున్నారు.ఇంతకాలం నటుల కోసం తాము పెట్టుకున్న ట్యాగ్లు ఇప్పుడు అనవసరంగా అనిపిస్తుండటమే దీనికి కారణం. “పెరుగుతున్న పాపులారిటీకి ట్యాగ్ అవసరమా?” అనే సందేహం అభిమానుల్లోనూ తలెత్తుతోంది.కోలీవుడ్లో ఈ కొత్త ట్రెండ్ విస్తరిస్తున్న సమయంలో, టాలీవుడ్ హీరోలు మాత్రం ఇలాంటి నిర్ణయాలపై ఇంకా మౌనం పాటిస్తున్నారు.టాలీవుడ్లో ట్యాగ్లు ఇప్పటికీ హీరోల క్రేజ్ను ప్రతిబింబిస్తున్నాయి.
