స్టైలిష్ స్టార్ అల్లు అర్జున్ ప్రధాన పాత్రలో నటించిన తాజా చిత్రం పుష్ప 2: ద రూల్ పై అందరి దృష్టి నిలిచింది. 2021లో సంచలన విజయాన్ని సాధించిన పుష్ప: ద రైజ్ చిత్రానికి ఇది సీక్వెల్. ఈ భారీ అంచనాల చిత్రం డిసెంబర్ 5న ప్రపంచవ్యాప్తంగా విడుదల కాబోతోంది. ట్రైలర్ లాంచ్ ఈ సాయంత్రం బిహార్ రాజధాని పాట్నాలో జరగనుండటంతో అభిమానుల్లో ఉత్సాహం మరింత పెరిగింది.ఈ చిత్రాన్ని సుకుమార్ అత్యంత గ్రాండ్గా, సుమారు 500 కోట్ల రూపాయల బడ్జెట్తో తెరకెక్కించారు.
మేకింగ్ పరంగా ఇప్పటివరకు హైలైట్ అయిన పుష్ప క్యాస్ట్ ఈ సీక్వెల్లో కొనసాగుతోంది. అల్లు అర్జున్, రష్మిక మందన్న, ఫహద్ ఫాజిల్ వంటి ప్రధాన తారాగణంతో పాటు జగపతి బాబు, ప్రకాష్ రాజ్, రావు రమేష్, అజయ్ ఘోష్ తదితరులు ఇందులో కీలక పాత్రలు పోషిస్తున్నారు. ప్రత్యేక ఆకర్షణగా శ్రీలీల ఐటమ్ సాంగ్లో అలరించనున్నారు.పాన్ ఇండియా స్థాయిలో విడుదల అవుతున్న ఈ చిత్రం దేశవ్యాప్తంగా ఉత్కంఠ రేకెత్తిస్తోంది. ట్రైలర్ విడుదలకు ముందు నుంచే పుష్ప 2 పై భారీ క్రేజ్ నెలకొంది. అభిమానులు ఈ చిత్రానికి 1,000 కోట్ల రూపాయల బాక్సాఫీస్ రికార్డు సాధించగలదని ఆశిస్తున్నారు.
ఇప్పటికే పుష్ప 2 హవా స్పోర్ట్స్ ఫీల్డ్లకు కూడా చేరింది. టీమిండియా బ్యాట్స్మన్ సూర్యకుమార్ యాదవ్, హైదరాబాద్ క్రికెటర్ తిలక్ వర్మ మధ్య జరిగిన సరదా చర్చలో పుష్ప ప్రస్తావన వచ్చింది. తిలక్ తన ఒత్తైన జుట్టుతో అల్లు అర్జున్ లుక్లో కనిపిస్తున్నాడంటూ సూర్యకుమార్ మజా చేశారు. దీనిపై తిలక్ నవ్వుతూ నేను ప్రస్తుతం బ్యాట్, బాల్, గ్రౌండ్ మీదే ఫోకస్ చేస్తున్నాను అంటూ స్పందించాడు.
