ఇటీవల కాలంలో కిడ్నీలో రాళ్ల సమస్య చాలా మందిని వేధిస్తోంది. మారిన జీవన శైలి, తినే ఆహారపు అలవాట్లు, తక్కువ నీటి మోతాదు తీసుకోవడం, అనారోగ్య సమస్యలు, వంశపారంపర్యత వంటి ఎన్నో కారణాలు దీనికి దారి తీస్తున్నాయి. ఒక్కసారి కిడ్నీలో రాళ్లు ఏర్పడితే, అవి మూత్ర మార్గాల్లో ఇరుక్కుపోతే తీవ్రమైన నొప్పిని కలిగిస్తాయి. కొన్ని సందర్భాల్లో శస్త్రచికిత్స అవసరం కూడా కావచ్చు. కాబట్టి ఎవరు ఈ సమస్యకు ఎక్కువగా గురవుతారో, దాన్ని నివారించడానికి ఏమి చేయాలో తెలుసుకోవడం చాలా అవసరం.
కిడ్నీల్లో రాళ్ల సమస్యకు ప్రధాన కారణాలు
వంశపారంపర్య, జన్యుపరమైన కారణాలు
వైద్య నిపుణుల అభిప్రాయం ప్రకారం, వంశపారంపర్యంగా కిడ్నీ రాళ్ల సమస్య వచ్చే అవకాశాలు ఎక్కువగా ఉంటాయి. ఇంట్లో ఎవరికైనా ఇదే సమస్య ఉంటే, ఆ కుటుంబ సభ్యులు కూడా ముందస్తు జాగ్రత్తలు తీసుకోవాల్సి ఉంటుంది. జన్యుపరంగా ఈ సమస్యకు ఎక్కువ అవకాశం ఉండే వ్యక్తులు వైద్యుల సూచనలు పాటించడం మంచిది. కొన్ని ప్రత్యేకమైన ఆరోగ్య సమస్యలు కిడ్నీలో రాళ్లను పెంచే అవకాశం కలిగిస్తాయి. అధిక ప్రోటీన్లు ఉండే డైట్ ఈ సమస్యలున్నవారు తగిన జాగ్రత్తలు తీసుకుంటే రాళ్ల ఏర్పడే అవకాశాన్ని తగ్గించుకోవచ్చు. హైపర్ థైరాయిడిజం ,యూరినరీ ట్రాక్ట్ ఇన్ఫెక్షన్స్ ,పొట్ట సమస్యలు, జీర్ణ సమస్యలు.
అధిక బరువు, శారీరక శ్రమ లేకపోవడం
మనం చేసే ఆహారపు తప్పిదాలు, కదలికలు తగ్గిపోవడం కూడా కిడ్నీ రాళ్లకు కారణమవుతాయి. అధిక బరువు, ఊబకాయం వల్ల శరీరంలో మూత్రం రసాయన సమతుల్యత మారిపోతుంది. కిడ్నీలలో ఆవర్తిత రాళ్లు ఏర్పడే అవకాశం ఎక్కువ అవుతుంది. కూర్చునే జీవనశైలి కూడా సమస్యను పెంచుతుంది.
అధిక కొవ్వులు ఉండే ఆహారం
కొన్ని రకాల ఆహార పదార్థాలు ఎక్కువగా తింటే యూరిక్ యాసిడ్ (Uric Acid) స్థాయులు పెరిగి రాళ్ల ఏర్పాటుకు కారణమవుతాయి. జంతు కొవ్వులు ఎక్కువగా ఉండే ఆహారాలు చాలా ఎక్కువ ప్రాసెస్ చేసిన నూనెలు, బేకరీ ఫుడ్స్అ ధికంగా ఫ్రై చేసుకున్న పదార్థాలు ఇవి కిడ్నీలలో రాళ్ల ఏర్పాటును ప్రేరేపించవచ్చు.
అధిక ఉప్పు వినియోగం
అధికంగా ఉప్పు ఉండే ఆహారం తీసుకోవడం వల్ల క్యాల్షియం నిల్వలు ఎక్కువ అవుతాయి. ఫాస్ట్ ఫుడ్, ప్రాసెస్ చేసిన ఆహారాలు ఎక్కువగా తీసుకోవడం వల్ల సోడియం అధికమవుతుంది. దీని వల్ల కిడ్నీలో క్యాల్షియం ఆక్సలేట్ రాళ్లు ఏర్పడే ప్రమాదం పెరుగుతుంది. వైద్యుల సూచన ప్రకారం, రోజుకు 5 గ్రాముల కన్నా ఎక్కువ ఉప్పు తీసుకోవడం మంచిది కాదు. ఆక్సలేట్లు ఎక్కువగా ఉండే ఆహార పదార్థాలను అధికంగా తినడం వల్ల కిడ్నీ రాళ్ల సమస్య పెరుగుతుంది. డ్రై ఫ్రూట్స్, నట్స్, ఈ పదార్థాలను సరిగా తగ్గించి, తగినంత నీటిని తాగితే రాళ్ల సమస్య నుంచి తప్పుకోవచ్చు. పాలకూర, చాకోలెట్, కాఫీ
తగినంత నీరు తాగకపోవడం (డీహైడ్రేషన్)
తగినంత నీరు తాగకపోతే శరీరంలో మూత్రం గాఢత పెరిగి, రాళ్లు ఏర్పడే అవకాశం పెరుగుతుంది. రోజుకు కనీసం 2.5-3 లీటర్ల నీరు తాగడం ఉత్తమం. మూత్రం ముదురు రంగులో ఉంటే నీటి తీసుకోవడం తక్కువైనట్లు అర్థం. ఎక్కువ నీరు తాగడం ద్వారా కిడ్నీలలో పేరుకునే ఖనిజాలు బయటకు వెళ్లిపోతాయి.
కిడ్నీ రాళ్లను నివారించడానికి పాటించాల్సిన జాగ్రత్తలు
రోజుకు 3 లీటర్ల నీరు తాగాలి. ఉప్పు, కొవ్వు, షుగర్ అధికంగా ఉండే ఆహారాన్ని తగ్గించాలి. ప్రాసెస్ చేసిన ఫుడ్కి దూరంగా ఉండాలి. శారీరక శ్రమ పెంచుకోవాలి. రోజుకు కనీసం 30 నిమిషాలు వ్యాయామం చేయాలి. పండ్లు, కూరగాయలు ఎక్కువగా తినాలి. కిడ్నీ ఆరోగ్యాన్ని మెరుగుపరిచే ఆహారాన్ని తీసుకోవాలి (ఉదాహరణకు: కీరా, దానిమ్మ, కొబ్బరి నీరు). కిడ్నీలలో రాళ్ల సమస్య చాలా మందిని వేధించే సమస్యగా మారింది. కానీ సరికొత్త జీవనశైలి, సమతుల ఆహారం, సరైన నీటి మోతాదు తీసుకోవడం ద్వారా దీన్ని పూర్తిగా నివారించుకోవచ్చు. ముందుగా తగిన జాగ్రత్తలు తీసుకుంటే, కిడ్నీ ఆరోగ్యాన్ని కాపాడుకోవచ్చు. ఒకవేళ రాళ్లు ఏర్పడినా తగిన వైద్యాన్ని తీసుకోవడం ద్వారా సమస్యను తొలగించుకోవచ్చు.
