కాకరకాయను ఆరోగ్యానికి మంచిదని ప్రతి ఇంట్లో పెద్దవాళ్లు చెబుతుంటారు. దీంట్లో విటమిన్ సి, ఐరన్, మెగ్నీషియం, పొటాషియం, ఫైబర్ పుష్కలంగా ఉంటాయి. మధుమేహం, మలబద్ధకం, జలుబు, కడుపు వ్యాధులతో సహా అనేక సమస్యలకు ఇది సహాయపడుతుంది. కాకరకాయ రసం ఆరోగ్యాన్ని మెరుగుపరచడమే కాదు, చర్మం, జుట్టుకు ప్రత్యేక సంరక్షణ ఇస్తుంది. క్రమం తప్పకుండా దీనిని ఉపయోగిస్తే మంచి ఫలితాలు పొందవచ్చు.
చర్మ సమస్యలకు కాకరకాయ రసం:
మొటిమలు, మచ్చలను తగ్గించడంలో ఇది అద్భుతంగా పనిచేస్తుంది.
పొడి చర్మాన్ని మృదువుగా మార్చేందుకు సహాయపడుతుంది.
ముఖంపై ముడతలు రాకుండా చర్మాన్ని తాజాగా ఉంచుతుంది.నిజానికి, కాకరకాయ రసం క్రమం తప్పకుండా తాగడం వల్ల యవ్వనంగా, ఆరోగ్యంగా ఉండటానికి బలేగా ఉపయోగపడుతుంది.
ఆరోగ్యంగా మెరిసే చర్మానికి ఇలా చేయండి:
బయట నుంచి ఇంటికి వచ్చిన తర్వాత, ముఖానికి కాకరకాయ రసం రాసి 5 నిమిషాల తర్వాత గోరువెచ్చని నీటితో కడుక్కోవాలి. వారానికి కనీసం 3 సార్లు ఇలా చేస్తే చర్మం కాంతివంతంగా మారుతుంది. ఇది చర్మాన్ని తాజాగా ఉంచుతుంది. దీనివల్ల చర్మంపై ముడతలు తొలగిపోతాయి.
జుట్టు సమస్యలకు :
జుట్టు రాలిపోకుండా ఉండేందుకు కాకరకాయ రసం సహాయపడుతుంది. ఇది జుట్టు సమస్యలను తొలగించడంలో కూడా ఎంతో సహాయపడుతుంది. చుండ్రుతో బాధపడేవారు వారానికి 3 రోజులు తలకు మసాజ్ చేయాలి. చిన్న వయసులోనే జుట్టు తెల్లబడకుండా ఉండాలంటే, నిమ్మరసం కలిపి వారానికి మూడు సార్లు కాకరకాయ రసంలో నిమ్మరసం కలిపి తలకు మసాజ్ చేసుకోవాలి. కొద్దిసేపు అలాగే ఉంచి, ఆ తర్వాత షాంపూతో తలస్నానం చేసుకోవాలి. ఇలా చేస్తే సమస్య సులభంగా పరిష్కారం అవుతుంది.
ఇలా తీసుకుంటే మరింత మేలు:
ఉదయం ఖాళీ కడుపుతో కాకరకాయ రసంలో కొద్దిగా నిమ్మరసం, తేనె కలిపి తాగితే కాలేయ ఆరోగ్యం మెరుగవుతుంది. ఇది శరీరంలోని టాక్సిన్స్ ను తొలగించి ఆరోగ్యంగా ఉంచుతుంది. కాకరకాయ రసంలో కొద్దిగా నిమ్మరసం కలుపుకుని ఉదయం నిద్ర లేచిన తర్వాత ఖాళీ కడుపుతో త్రాగాలి. రుచి కోసం అందులో కొంచెం తేనె జోడించవచ్చు. ఇది కాలేయాన్ని ఆరోగ్యంగా ఉంచడానికి పనిచేస్తుంది.
కాకరకాయ రసం ఆరోగ్యానికి, చర్మం, జుట్టుకు అమోఘమైన ఔషధంగా ఉపయోగపడుతుంది. అయితే దీని రుచి చేదుగా ఉంటుందని చాలా మంది తీసుకోవడం మానేస్తారు. కానీ దీని ప్రయోజనాలను చూసిన తర్వాత, రోజూ చిన్న మోతాదులో అయినా కాకరకాయ రసాన్ని తీసుకునే అలవాటు చేసుకోవడం ఉత్తమం. ఆరోగ్యాన్ని కాపాడుకోవటంలో సహాయపడే ఈ సహజ ఔషధాన్ని ఉపయోగించండి, ఇలా చేస్తే సమస్య సులభంగా పరిష్కారం అవుతుంది. దీనిని క్రమం తప్పకుండా ఉపయోగించి ఆరోగ్యంగా ఉండండి!
