అమెరికా అధ్యక్షుడు విధిస్తున్న సుంకాలు ఇప్పుడు ప్రపంచాన్ని కుదిపేస్తున్నాయి. ముఖ్యంగా అభివృద్ధి చెందుతున్న దేశాల ఆర్థిక వ్యవస్థలపై ఇవి తీవ్ర ప్రభావం చూపుతున్నాయి. ఈ నేపథ్యంలో ఆంధ్రప్రదేశ్ సీఎం చంద్రబాబు నాయుడు తన అభిప్రాయాన్ని వ్యక్తం చేశారు. ట్రంప్ విధించిన టారిఫ్లు రాష్ట్ర ఆక్వా రంగాన్ని దెబ్బతీస్తున్నాయనీ ఇది గమనార్హమని ఆయన స్పష్టం చేశారు. ఇలాంటి పరిస్థితులను తక్షణమే సమీక్షించి, సరైన నిర్ణయాలు తీసుకుంటామని ఆయన వెల్లడించారు.చంద్రబాబు మాట్లాడుతూ, సంక్షేమంతో పాటు అభివృద్ధిని సమపాళ్లలో కొనసాగించాలని చెప్పారు. పేదల సంక్షేమం కోసం ప్రభుత్వం ప్రతినిత్యం కృషి చేస్తోందన్నారు. ప్రతి నెల మొదటి తేదీనే పింఛన్లు పంపిణీ చేస్తున్నామని ఇది వారి జీవనోపాధికి మద్దతుగా నిలుస్తుందన్నారు. స్వయం ఉపాధిని ప్రోత్సహించేందుకు అనేక పథకాలు అమలు చేస్తున్నామని చెప్పారు.
ఒక నాయకుడు దూరదృష్టితో ఆలోచిస్తేనే ప్రజల జీవితాల్లో మార్పు వస్తుందని చెప్పారు.మహిళల ఆర్థిక స్వావలంబన కోసం డ్వాక్రా సంఘాలను ఏర్పాటు చేశామన్నారు. ఇప్పుడు ఆర్థికంగా ఎదిగిన వారు తమ వంతు societal contribution ఇవ్వాలని ఆయన సూచించారు. “ఒకప్పుడు జన్మభూమి కార్యక్రమం చేపడితే ప్రజలందరూ ముందుకు వచ్చారు, ఇప్పుడు పీ4 కార్యక్రమంతో అదే ఉత్సాహంతో కొనసాగిస్తున్నాం” అని ఆయన చెప్పారు.అమరావతి రాజధాని నిర్మాణం, పోలవరం ప్రాజెక్టును పూర్తి చేయడమే లక్ష్యంగా ఉన్నామని, ఇచ్చిన ‘సూపర్ 6’ హామీలను కూడా నెరవేర్చుతామని చంద్రబాబు స్పష్టం చేశారు.ఇక దీపం పథకం ద్వారా ప్రతీ కుటుంబానికి సంవత్సరానికి మూడు గ్యాస్ సిలిండర్లు ఉచితంగా అందిస్తున్నామని తెలిపారు.
“తల్లికి వందనం” పథకం కింద ప్రతి పిల్లవాడి పేరుపై తల్లికి నిధులు ఇస్తున్నామని చెప్పారు. “ఒక్కసారి వెనక్కి తిరిగి చూడండి, అప్పటి రోడ్లు ఎలా ఉండేవో… ఇప్పుడేమైందో తేలిపోతుంది,” అని ఆయన ప్రజలకు సూచించారు.ఎత్తిపోతల పథకాలను తాము నిర్మిస్తే, వైసీపీ నాయకులు అవి పని చేయకుండా చూస్తున్నారని ఆయన విమర్శించారు. పంపులు స్టార్టర్లు ఎత్తుకెళ్లడం వంటి చర్యలు ప్రజల పట్ల దురభిప్రాయాన్ని చూపిస్తున్నాయని ఆవేదన వ్యక్తం చేశారు.
