Chandrababu Naidu : టిడిపిని లేకుండా చేయాలనుకున్న వారు కాలగర్భంలో కలిసిపోయారు : చంద్రబాబు నేడు (మార్చి 29) తెలుగుదేశం పార్టీ 43వ ఆవిర్భావ దినోత్సవం ఘనంగా నిర్వహించబడింది. ఈ సందర్భంగా పార్టీ జాతీయ అధినేత, ఆంధ్రప్రదేశ్ ముఖ్యమంత్రి చంద్రబాబు నాయుడు టీడీపీ కార్యకర్తలకు ప్రత్యేక సందేశాన్ని ఇచ్చారు. మంగళగిరిలోని ఎన్టీఆర్ భవన్‌లో జరిగిన వేడుకలకు చంద్రబాబు హాజరై, పార్టీ జెండాను ఎగురవేశారు. ఆయనతో పాటు పార్టీ జాతీయ ప్రధాన కార్యదర్శి నారా లోకేశ్, రాష్ట్ర అధ్యక్షుడు పల్లా శ్రీనివాసరావు, కేంద్ర సహాయమంత్రి పెమ్మసాని చంద్రశేఖర్, రాష్ట్ర హోంమంత్రి అనిత తదితర నేతలు పాల్గొన్నారు. అనంతరం ఎన్టీఆర్ విగ్రహానికి పుష్పాంజలి ఘటించారు.ఈ సందర్భంగా చంద్రబాబు ప్రసంగిస్తూ. తెలుగుదేశం పార్టీ మహనీయుడు ఎన్టీఆర్ విజన్‌కు ప్రతిరూపమని అభివర్ణించారు. సాధారణ ప్రజల కోసం, సామాజిక సంక్షేమాన్ని కాంక్షిస్తూ ఏర్పాటైన ఈ పార్టీ 9 నెలల్లోనే అధికారం సాధించిందని గుర్తుచేశారు.
ఎన్టీఆర్ ప్రవేశపెట్టిన సంక్షేమ పథకాలు పేదల జీవితాల్లో వెలుగు నింపాయని ప్రశంసించారు.అటువంటి గొప్ప పార్టీకి మనందరం వారసులం.నేను కేవలం ఒక టీమ్ లీడర్ మాత్రమే” అని చంద్రబాబు పేర్కొన్నారు.తెలుగుదేశం పార్టీని నిర్వీర్యం చేయడానికి పలువురు ప్రయత్నించారని, కానీ వారి ప్రయత్నాలు విఫలమయ్యాయని చంద్రబాబు అన్నారు.ఎవరెన్ని కుట్రలు పన్నినా టీడీపీని ఏమీ చేయలేకపోయారు.
ఈ పార్టీ పునాది ఎంతో బలమైనది.చరిత్రలో టీడీపీకు ఉన్న స్థానాన్ని ఎవరూ మార్చలేరు” అని స్పష్టం చేశారు.పార్టీ కార్యకర్తలకు తన మనస్ఫూర్తిగా అభివందనం తెలుపుతూ, వారి నిబద్ధతే టీడీపీ బలమైన వ్యూహరచనకు పునాది అని కొనియాడారు.”2024 ఎన్నికలు ఒక చరిత్రను తిరగరాశాయి.కూటమిగా ఏర్పడి, రాష్ట్రాన్ని అభివృద్ధి పథంలో నడిపించాలనే సంకల్పంతో ముందుకు వెళ్లాం. టీడీపీ, జనసేన, బీజేపీ కలిసి అఖండ విజయం సాధించాయి.93 శాతం స్ట్రైక్ రేట్‌తో నూతన రికార్డు సృష్టించాం.ఎన్నో సవాళ్లు ఎదురైనా కార్యకర్తలు వెనుకడగు వేయలేదు.
పార్టీపై పెట్టిన ఆర్థిక నిషేధాలను అధిగమించామని, నమ్మకంతో ముందుకు సాగామని” చంద్రబాబు పేర్కొన్నారు.”పార్టీ కార్యకర్తల త్యాగాలను మేము ఎప్పటికీ మర్చిపోం. వారి అంకితభావమే మా విజయానికి మూలం. ప్రతి కార్యకర్త ఉత్సాహంగా ఉంటే, తెలుగుదేశం పార్టీకి ఓటమి అనే మాట ఉండదు” అంటూ చంద్రబాబు తన ప్రసంగాన్ని ముగించారు.ఈ కార్యక్రమంలో అనేక మంది నేతలు, కార్యకర్తలు పెద్ద సంఖ్యలో పాల్గొని పార్టీ ఆవిర్భావ దినోత్సవ వేడుకలను విజయవంతంగా నిర్వహించారు.
పవర్ స్టార్ పవన్ కళ్యాణ్ ప్రధాన పాత్రలో నటిస్తున్న తాజా చిత్రం హరి హర వీరమల్లు పోస్టర్‌ను ఈరోజు విడుదల చేశారు. ఈ సినిమా మీద అభిమానుల్లో Read more
అమరావతి: జనసేన ఆవిర్భావ సభ నిర్వహణ కమిటీలతో మంత్రి నాదెండ్ల మనోహర్ సమావేశం నిర్వహించారు. మార్చి 14న పిఠాపురం వేదికగా జనసేన 12వ ఆవిర్భావ దినోత్సవ వేడుకలకు Read more
హైదరాబాద్‌: శంషాబాద్ రాజీవ్ గాంధీ ఇంటర్నేషనల్ ఎయిర్‌పోర్టులో ఘోర విమానం ప్రమాదం తప్పింది. పైలట్‌ అప్రమత్తంగా వ్యవహరించటంతో ప్రయాణికులు ఊపిరిపీల్చుకున్నారు. లేదంటే రెండు విమానాలు ఒకదానికొకటి ఢీకొని Read more
బీజేపీ నాయకురాలు, నటి మాధవి లత, టీడీపీ నేత మరియు తాడిపత్రి మున్సిపల్ చైర్మన్ జేసీ ప్రభాకర్ రెడ్డిపై సైబరాబాద్ పోలీసులకు ఫిర్యాదు చేశారు. మాధవి లత Read more