Police vacancies: 7,437 పోలీస్ పోస్టుల భర్తీకి సీఎం ఓకే

Police vacancies:పోలీస్ శాఖలో కొత్తగా తెలంగాణలో పోలీసు ఖాళీలు రేవంత్ రెడ్డి ప్రభుత్వం అత్యంత వేగంగా ప్రక్రియ ప్రారంభించింది. గోషామహల్ మైదానంలో ఏర్పాటు చేసిన స్మారక పరేడ్ కార్యక్రమంలో ముఖ్యమంత్రి రేవంత్ రెడ్డి పాల్గొని మాట్లాడారు. ఈ సంవత్సరం విధి నిర్వహణలో 155 మంది పోలీసులు ప్రాణాలు కోల్పోవడం పట్ల తీవ్ర విచారం వ్యక్తం చేశారు. ప్రాణాలు అర్పించిన అమరవీరుల త్యాగాలను స్మరించుకోవడం సమాజంలో ప్రతి ఒక్కరి బాధ్యత అని చెప్పారు. రాష్ట్రంలో శాంతిభద్రతలు పటిష్టంగా ఉన్నప్పుడు మాత్రమే పెట్టుబడులు, అభివృద్ధి సాధ్యమవుతాయని పేర్కొన్నారు. మారుతున్న కాలానికి అనుగుణంగా కొత్త సవాళ్లను ఎదుర్కొనేందుకు పోలీస్ యంత్రాంగం మార్పులు చేసుకుంటోందని ప్రశంసించారు.

police vacancies telangana reventh reddy

2028 నాటికి అన్ని ఖాళీలు భర్తీ చేయనున్న కీలక నిర్ణయం

రాష్ట్ర పోలీస్ శాఖను బలోపేతం చేసేందుకు ప్రభుత్వం స్పష్టమైన ప్రణాళికతో ముందుకు వెళ్తోంది. ఇందులో భాగంగా మొత్తం 7,437 పోస్టుల భర్తీ ప్రక్రియకు అనుమతి మంజూరు చేయడం జరిగింది. ఇప్పటికే 4,773 కానిస్టేబుల్ పోస్టుల భర్తీ కోసం అధికారిక నోటిఫికేషన్ విడుదల చేసాము. రాబోయే 2028 సంవత్సరం నాటికి పోలీస్ శాఖలోని ప్రతి ఒక్క ఖాళీని భర్తీ చేస్తాము. ప్రత్యక్ష నియామకాల ద్వారా ఇప్పటికే 112 మంది డీఎస్పీ పోస్టుల రిక్రూట్మెంట్ పూర్తి చేయడం జరిగింది. అమరులైన ఉద్యోగుల కుటుంబాల ఎక్స్ గ్రేషియా కోటి రూపాయలకు పైగా పెంచుతూ నిర్ణయం తీసుకున్నాము. ఉద్యోగుల పిల్లల నాణ్యమైన చదువుల కోసం ప్రత్యేకంగా అంతర్జాతీయ స్థాయి పోలీస్ స్కూల్ అందుబాటులోకి తెచ్చాము.

Police vacancies:మత్తు పదార్థాల కట్టడిలో జాతీయ స్థాయిలో మొదటి స్థానం

యువత భవిష్యత్తును నాశనం చేస్తున్న డ్రగ్స్ కట్టడిపై ప్రభుత్వం ఉక్కుపాదం మోపుతోందని సీఎం స్పష్టం చేశారు. మత్తు పదార్థాల రవాణాను సమర్థవంతంగా అరికట్టడంలో తెలంగాణ పోలీస్ శాఖ జాతీయ స్థాయిలో మొదటి స్థానంలో నిలిచింది. ప్రజల ఆరోగ్యాన్ని కాపాడేందుకు టీజీ సేఫ్ వ్యవస్థ ద్వారా ఆహార కల్తీని అరికడుతున్నాము. ట్రాఫిక్ నియంత్రణ బాధ్యతల్లో ట్రాన్స్‌జెండర్లకు అవకాశం కల్పించడం విప్లవాత్మకమైన మార్పుగా అభివర్ణించారు. ఫ్రెండ్లీ పోలిసింగ్ అనేది బాధితులు, అమాయకులు, సామాన్య ప్రజల పట్ల మాత్రమే చూపించాలని స్పష్టం చేశారు. నేరస్థులు, ఆక్రమణదారులు, డ్రగ్స్ వ్యాపారుల పట్ల అత్యంత కఠినంగా వ్యవహరించాలని అధికారులను ఆదేశించారు. చట్టాన్ని ఉల్లంఘించే వారిపై కఠిన చర్యలు తీసుకుంటూ ప్రజలకు రక్షణ కల్పించడమే ప్రభుత్వ లక్ష్యం.