Engineer Scholarship:ప్రముఖ ఈ-కామర్స్ దిగ్గజం అమెజాన్ ఇండియా, ఇంజినీరింగ్ అభ్యసించాలనుకునే పేద విద్యార్థులకు శుభవార్త తెలిపింది. ఫౌండేషన్ ఫర్ ఎక్స్‌లెన్స్ (FFE) సహకారంతో ‘అమెజాన్ ఫ్యూచర్ ఇంజనీర్ స్కాలర్‌షిప్ 2026-27’ కార్యక్రమాన్ని ప్రారంభించింది. ఆర్థిక లోటుతో చదువును ఆపేయకూడదనే ఉద్దేశంతో ప్రవేశపెట్టిన ఈ పథకం ద్వారా విద్యార్థులకు ఆర్థిక సహాయంతో పాటు, కెరీర్‌కు ఉపయోగపడే పలు ప్రత్యేక అవకాశాలు కల్పించనున్నారు.
Read also: NVS admissions: నవోదయ 6వ తరగతి హాల్‌టికెట్లు విడుదల!
స్కాలర్‌షిప్ ద్వారా అందే ముఖ్యమైన ప్రయోజనాలు
- ఆర్థిక సహాయం: ఎంపికైన విద్యార్థులకు ఏడాదికి రూ.50,000 చొప్పున, నాలుగేళ్ల ఇంజినీరింగ్ కోర్సు కాలానికి మొత్తం రూ.2 లక్షల వరకు స్కాలర్‌షిప్ అందజేస్తారు.
- ఉచిత ల్యాప్‌టాప్: ఇంజినీరింగ్ మొదటి సంవత్సరం చదువుతున్న విద్యార్థులకు అవసరమైన ల్యాప్‌టాప్‌ను ఉచితంగా ఇస్తారు.
- మెంటార్‌షిప్ & శిక్షణ: అమెజాన్ నిపుణుల ఆధ్వర్యంలో ప్రత్యేక మెంటార్‌షిప్, టెక్నికల్ బూట్‌క్యాంప్స్, వర్క్‌షాప్‌లు నిర్వహిస్తారు.
- పెయిడ్ ఇంటర్న్‌షిప్: రెండో సంవత్సరం పూర్తయిన తర్వాత, ప్రతిభ కనబరిచిన విద్యార్థులకు అమెజాన్‌లో 8 వారాల పాటు వేతనంతో కూడిన (పెయిడ్) ఇంటర్న్‌షిప్ చేసే అవకాశం లభిస్తుంది.
దరఖాస్తు చేసుకోవడానికి కావాల్సిన అర్హతలు
- విద్యార్హత: భారతదేశంలోని గుర్తింపు పొందిన కాలేజీల్లో యూజీ (అండర్ గ్రాడ్యుయేట్) ఇంజినీరింగ్ కోర్సుల్లో మొదటి సంవత్సరం అడ్మిషన్ పొంది ఉండాలి.
- బ్రాంచ్ వివరాలు: కంప్యూటర్ సైన్స్, ఇన్ఫర్మేషన్ టెక్నాలజీ (IT) లేదా సంబంధిత టెక్నికల్ బ్రాంచ్‌లలో చదువుతున్న వారు అర్హులు.
- ప్రవేశ విధానం: మెరిట్ ఆధారిత ప్రవేశ పరీక్షలు లేదా కౌన్సెలింగ్ ద్వారా కాలేజీలో సీటు పొంది ఉండాలి.
- ఆదాయ పరిమితి: విద్యార్థి కుటుంబ వార్షిక ఆదాయం రూ.3 లక్షల లోపు ఉండాలి.
- ప్రత్యేక ప్రాధాన్యం: మంచి అకడమిక్ రికార్డు ఉండి, ఆర్థికంగా వెనుకబడిన వారికి మొదటి ప్రాధాన్యం ఇస్తారు. ముఖ్యంగా మహిళా ఇంజినీరింగ్ విద్యార్థినులకు ప్రత్యేకంగా ప్రాధాన్యం కల్పిస్తారు.
Engineer Scholarship:కావలసిన ముఖ్యమైన పత్రాలు
- 10వ తరగతి మరియు ఇంటర్మీడియట్ మార్కులతో కూడిన సర్టిఫికెట్లు
- ఇంజినీరింగ్ ప్రవేశ పరీక్ష ర్యాంక్ కార్డ్
- కాలేజీ అడ్మిషన్ లెటర్ / వివరాలు
- కాలేజీ ఫీజు చెల్లించిన రసీదు
- కుటుంబ ఆదాయ ధ్రువీకరణ పత్రం (Income Certificate)
- కుల ధ్రువీకరణ పత్రం (వర్తిస్తే)
- ఆధార్ కార్డ్ లేదా ఇతర గుర్తింపు పత్రాలు
దరఖాస్తు చేసే విధానం
- ముందుగా ఫౌండేషన్ ఫర్ ఎక్స్‌లెన్స్ (FFE) అధికారిక వెబ్‌సైట్‌ను ఓపెన్ చేయాలి.
- అందులో ‘Amazon Future Engineer Scholarship 2026-27‘ దరఖాస్తు లింక్‌ను ఎంచుకోవాలి.
- అడిగిన వ్యక్తిగత వివరాలతో పాటు, విద్యా సంబంధిత సమాచారాన్ని సరిగ్గా నమోదు చేయాలి.
- పైన పేర్కొన్న అన్ని ధ్రువీకరణ పత్రాలను (Documents) ఆన్‌లైన్‌లో అప్‌లోడ్ చేయాలి.
- ఒకసారి వివరాలన్నీ సరిచూసుకున్న తర్వాత దరఖాస్తును సబ్మిట్ చేయాలి.
ముఖ్యమైన తేదీ
ఈ స్కాలర్‌షిప్ పథకానికి దరఖాస్తు చేసుకోవడానికి చివరి తేదీ నవంబర్ 30, 2026గా నిర్ణయించారు. కాబట్టి ఇంజినీరింగ్ విద్యార్థులు ఈ అవకాశాన్ని సద్వినియోగం చేసుకోవాలని సూచించారు.
Read Also hindi news: hindi.vaartha.com
Epaper: epaper.vaartha.com
Read Also:
