ఐర్లాండ్లో(Irland) జరిగిన ఒక హృదయ విదారక ఘటన ప్రపంచాన్ని దిగ్భ్రాంతికి గురిచేసింది. టూమ్, కో. గాల్వేలోని బోన్ సెకూర్ మదర్స్ అండ్ బేబీస్ హోమ్(Mothers and babies Home)కు చెందిన సన్యాసినులు(Nuns), సుమారు 796 మంది శిశువుల మృతదేహాలను రహస్యంగా సెప్టిక్ ట్యాంకుల్లో పడవేసినట్లు వెలుగులోకి వచ్చింది. ఈ ఘటన 1925-1961 మధ్య కాలంలో జరిగిందని అంచనా.
మరణించిన శిశువుల మరణ ధృవీకరణ పత్రాలు
ఈ అమానుషం వెలుగులోకి రావడానికి టూమ్కు చెందిన స్థానిక చరిత్రకారిణి కేథరిన్ కార్లెస్ కీలక పాత్ర పోషించారు. ఆమె తన పరిశోధనలో భాగంగా, ఈ మదర్ అండ్ బేబీస్ హోమ్లో మరణించిన అనేక మంది శిశువుల మరణ ధృవీకరణ పత్రాలను కనుగొన్నారు. అయితే, వారి సమాధుల జాడ మాత్రం లభించలేదు. దీంతో ఆమెకు అనుమానం వచ్చి లోతుగా పరిశోధించగా, శిశువుల మృతదేహాలను మదర్బోన్ సెకూర్ కాన్వెంట్ ప్రాంగణంలోని రెండు సెప్టిక్ ట్యాంకుల్లో రహస్యంగా పడవేసినట్లు గుర్తించారు.
పెళ్లి కాని తల్లుల పిల్లల కోసం నడుపబడే హోమ్
ఈ హోమ్, పెళ్లి కాని తల్లులు మరియు వారి పిల్లల కోసం నడుపబడేది. అప్పట్లో, పెళ్లి కాని తల్లులకు సమాజంలో ఎటువంటి గౌరవం ఉండేది కాదు. వారిని కుటుంబాలు బహిష్కరించేవి. దీంతో వారు ఆశ్రయం కోసం ఈ మదర్ అండ్ బేబీస్ హోమ్ల వైపు మొగ్గు చూపేవారు. అయితే, ఇక్కడ వారికి ఎలాంటి ఆదరణ దక్కేది కాదు. అనేక మంది శిశువులు పోషకాహార లోపం, అంటు వ్యాధులు మరియు ఇతర ఆరోగ్య సమస్యలతో మరణించినట్లు నివేదికలు చెబుతున్నాయి. మరణించిన శిశువులకు సరైన అంత్యక్రియలు నిర్వహించకుండా, వారి మృతదేహాలను సెప్టిక్ ట్యాంకుల్లో పడవేయడం అత్యంత అమానుష చర్యగా విమర్శలు వెల్లువెత్తాయి.
ఐర్లాండ్ ప్రభుత్వం తీవ్ర ఆందోళన వ్యక్తం
ఈ దారుణంపై ఐర్లాండ్ ప్రభుత్వం తీవ్ర ఆందోళన వ్యక్తం చేసింది. ప్రధాన మంత్రి ఎండ కెన్నీ ఈ ఘటనను “భయంకరమైన అధ్యాయం”గా అభివర్ణించారు. దీనిపై సమగ్ర విచారణకు ఆదేశించారు. మాజీ న్యాయమూర్తి య్వోన్నే మర్ఫీ నేతృత్వంలో ఒక కమిషన్ ఆఫ్ ఎంక్వైరీని కూడా ఏర్పాటు చేశారు. ఈ కమిషన్, దేశవ్యాప్తంగా ఉన్న ఇలాంటి 18 మదర్ అండ్ బేబీస్ హోమ్లలో జరిగిన సంఘటనలపై విచారణ జరుపుతోంది.
ఈ ఘటన ఐర్లాండ్లోని చర్చి మరియు రాష్ట్ర సంస్థలలో గతంలో జరిగిన దురాగతాలను మరోసారి గుర్తుకు తెచ్చింది. దేశంలో పలు బాలల సంరక్షణ సంస్థలలో లైంగిక వేధింపులు, శారీరక దుర్వినియోగం వంటి అనేక ఆరోపణలు ఇప్పటికే వెలుగులోకి వచ్చాయి. ఈ తాజా ఘటన, ఐర్లాండ్ చరిత్రలో చీకటి అధ్యాయాన్ని మరోసారి ప్రపంచానికి పరిచయం చేసింది. 796 మంది పసిపిల్లల మరణాలు, సమాజం మరియు మత సంస్థల నిర్లక్ష్యం, అమానుషత్వానికి ప్రతీకగా నిలిచింది. చర్చిలో 796 మంది శిశువుల డెడ్బాడీలు.
Read hindi news: hindi.vaartha.com
Read Also: B Saroja Devi: సరోజాదేవి మృతిపై సంతాపం తెలిపిన చంద్రబాబు, పవన్ కల్యాణ్
