తెలుగు సినిమా రంగాన్ని ఊహించని పరిణామం కలవరపరిచింది. తెలంగాణ ఫిలిం చాంబర్ ఆఫ్ కామర్స్ (TFCC) అధ్యక్షుడిగా ఇటీవలే మూడోసారి ఎన్నికైన ప్రముఖ నిర్మాత సునీల్ నారంగ్ (Suniel Narang) కేవలం 24 గంటల వ్యవధిలోనే తన పదవికి రాజీనామా చేశారు. ఈ నిర్ణయం సినీ ఇండస్ట్రీలో ఆశ్చర్యం కలిగిస్తూ, హాట్ టాపిక్గా మారింది.
కొంతమంది వ్యక్తుల వ్యాఖ్యల వల్లే రాజీనామా..?
సునీల్ నారంగ్ రాజీనామా లేఖలో పేర్కొన్న విషయాల ప్రకారం.. కొంతమంది వ్యక్తుల వ్యాఖ్యలు తనను బాధించాయని, తనకు తెలియకుండానే మీడియాకు ప్రకటనలు ఇచ్చినందుకు అసంతృప్తి వ్యక్తం చేశారు. అంతేగాకుండా, తనకు సంబంధం లేని విషయాల్లో తనను లాగుతున్నారన్న అభ్యంతరాలు కూడా వ్యక్తం చేశారు. ఈ పరిస్థితుల్లో అధ్యక్ష బాధ్యతలు నిర్వర్తించడం తనకు సాధ్యపడడం లేదని స్పష్టం చేశారు.
పరిశ్రమలో సంక్షోభం
ఇందుకే తాను బాధ్యతలు వహించకుండా తప్పుకోవాలని నిర్ణయం తీసుకున్నట్టు, అలాగే చాంబర్ సజావుగా నడవాలంటే సమర్థవంతుడైన వ్యక్తిని కొత్త అధ్యక్షుడిగా ఎన్నుకోవాలని సూచించారు. సినీ పరిశ్రమలో పెద్ద పేరుగా ఉన్న సునీల్ నారంగ్ అలా అకస్మాత్తుగా తప్పుకోవడం, పరిశ్రమలో సంక్షోభం సృష్టించడమే కాక, ఉన్నత స్థాయి కలిసికట్టుగా పనిచేసే అవసరాన్ని మరోసారి గుర్తుచేసినట్లైంది.
Read Also :Pawan Kalyan : పవన్ కల్యాణ్ ఘాటుగా స్పందన – అమరావతి మహిళలపై వ్యాఖ్యలపై సీరియస్ హెచ్చరిక
