ఖమ్మం జిల్లాలో భూదాన్ భూముల ఆక్రమణల పేరుతో సుమారు 600 పేదల ఇళ్లను కూల్చివేసిన ఘటన తెలంగాణ వ్యాప్తంగా తీవ్ర వివాదాస్పదమైంది. ఈ కూల్చివేత చర్యలు మానవ హక్కుల ఉల్లంఘనగా పరిగణించిన జాతీయ మానవ హక్కుల కమిషన్ (NHRC), దీనిపై వెంటనే దర్యాప్తు ప్రారంభించింది. ప్రముఖ న్యాయవాది రామారావు ఇమ్మానేని దాఖలు చేసిన ఫిర్యాదును పరిగణనలోకి తీసుకున్న కమిషన్, ఈ ఘటనపై స్పందించింది. కూల్చివేతలకు బాధ్యులైన ఖమ్మం కలెక్టర్ అనుదీప్, అదనపు కలెక్టర్ శ్రీనివాస్ రెడ్డిపై కేసు నమోదు చేయాలని కమిషన్ ఆదేశించినట్లు తెలుస్తోంది. ఈ చర్యతో స్థానిక యంత్రాంగంపై ఒత్తిడి పెరిగింది.
Iran Defense Minister: ఇజ్రాయెల్ దాడుల్లో ఇరాన్ రక్షణ మంత్రి మృతి?
పేద ప్రజల నివాసాలను, వారి సర్వస్వాన్ని అధికారులు అకస్మాత్తుగా ధ్వంసం చేయడంపై జాతీయ స్థాయిలో చర్చ జరుగుతోంది. కూల్చివేతల వల్ల నిరాశ్రయులైన కుటుంబాల పరిస్థితి దయనీయంగా మారింది. బాధితులకు పునరావాసం మరియు నష్టపరిహారం కల్పించడంలో ప్రభుత్వం విఫలమైందనే విమర్శలు వెల్లువెత్తుతున్నాయి. ఎన్హెన్ఆర్సీ దర్యాప్తు నేపథ్యంలో, కూల్చివేతలకు దారితీసిన పరిస్థితులు మరియు అధికారుల నిర్ణయాలపై సమగ్ర విచారణ జరగనుంది. బాధితులకు న్యాయం జరగాలని రాజకీయ పార్టీలు, ప్రజా సంఘాలు డిమాండ్ చేస్తున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
