Perni Nani : వైసీపీ కీలక నేత, మాజీ మంత్రి పేర్ని నాని కీలక వ్యాఖ్యలు చేశారు. తనను జైలుకు పంపినా కూడా వైయస్ జగన్మోహన్ రెడ్డి వెంటే ఉంటానని మాజీ మంత్రి పేర్ని నాని ప్రకటన చేశారు. కక్ష సాధింపులో భాగంగా తమపై కేసులు పెడుతున్నారని కూటమి ప్రభుత్వంపై ఆగ్రహం వ్యక్తం చేశారు. ఎన్ని ఇబ్బందులు పెట్టిన వైసీపీ పార్టీని వీడిచే ప్రసక్తి లేదన్నారు.
తనను జైలుకు పంపించిన పర్వాలేదు
రేషన్ బియ్యం కుంభకోణం కేసులో పెర్ని నాని సతీమణి జయసుధ బెయిల్ పిటిషన్ రద్దు చేయాలని మచిలీపట్నం పోలీసులు హైకోర్టులో పిటిషన్ దాఖలు చేశారు . ఇలాంటి నేపథ్యంలోనే మాజీ మంత్రి పేర్ని నాని సంచలన వ్యాఖ్యలు చేశారు. తనను జైలుకు పంపించిన పర్వాలేదు కానీ జగన్మోహన్ రెడ్డిని మాత్రం వీడేది లేదన్నారు. తమ కుటుంబంపై తప్ప సివిల్ సప్లై శాఖ మరెవరిపైనా క్రిమినల్ కేసులు పెట్టలేదని పేర్ని నాని అన్నారు.
ఎవరిపైనా క్రిమినల్ కేసులు పెట్టలేదు
సాక్షాత్తు సివిల్ సప్లై మంత్రి 22 వేల టన్నుల బియ్యం పట్టుకున్నా కేసు లేదని సీజ్ ది షిప్, సీజ్ ది గోడౌన్ అన్నాకూడా ఎవరిపైనా క్రిమినల్ కేసులు పెట్టలేదని చెప్పారు. వాళ్లందరిపై కేవలం 6ఏ కేసు మాత్రమే పెట్టారని తెలిపారు. తనకు ముందు కానీ… తన తర్వాత కానీ ఒక్కరిపై కూడా క్రిమినల్ కేసు పెట్టలేదని చెప్పారు. తనపై కక్ష కట్టారనే విషయం దీంతో అర్థమవుతుందని అన్నారు. తనను, తన భార్యను, తన కొడుకుని ఎన్ని ఇబ్బందులు పెట్టినా ఎదుర్కొంటామని చెప్పారు.
