కుటుంబంతో కలిసి సంబల్పూర్ నుంచి సికింద్రాబాద్ వస్తున్న సమయంలో ఓ బాలికపై లైంగిక దాడి జరిగింది. ఈ ఘటన దేశవ్యాప్తంగా మహిళల భద్రతపై మరోసారి తీవ్ర ప్రశ్నలు తలెత్తించింది. సంబల్పూర్కు చెందిన కుటుంబం రక్సౌల్ ఎక్స్ప్రెస్ లో సికింద్రాబాద్ బయలుదేరింది. ఈ ప్రయాణ సమయంలో వారి కోచ్లోనే బీహార్లోని మంద్వాడ్ జిల్లా ఖజోలి గ్రామానికి చెందిన సంతోష్ కుమార్ (21) అనే యువకుడు కూడా ప్రయాణిస్తున్నాడు.
దారుణానికి పాల్పడిన విధానం
రైలు కేల్తార్ రైల్వే స్టేషన్ సమీపంలో ఉండగా బాలిక కాలకృత్యాల కోసం టాయిలెట్కి వెళ్లింది. బాలికను గమనించిన నిందితుడు కూడా వెంటనే అక్కడికి వెళ్లాడు. ఆమెను బలవంతంగా టాయిలెట్లోకి తీసుకెళ్లి లైంగిక దాడికి పాల్పడ్డాడు. ఇది ఎంతో కలతిచెందించే విషయం. పైగా, అతడు ఈ దారుణమైన చర్యను తన సెల్ఫోన్లో వీడియో తీసాడు. ఫొటోలు కూడా తీశాడు దీనివల్ల ఈ ఘటన మరింత భయానకంగా మారింది.
తల్లిదండ్రుల స్పందన
బాలిక తెల్లవారుజామున తల్లిదండ్రులకు ఈ విషయాన్ని చెప్పడంతో వారు వెంటనే స్పందించి రైల్వే హెల్ప్లైన్ 139 నంబర్కు ఫిర్యాదు చేశారు. సికింద్రాబాద్ చేరుకునే సమయానికి రైల్వే పోలీసులు ముందస్తుగా చర్యలు తీసుకుని నిందితుడిని అరెస్ట్ చేశారు. బాలిక తండ్రి ఇచ్చిన ఫిర్యాదు మేరకు పోక్సో (POCSO) చట్టం కింద కేసు నమోదు చేశారు. పోక్సో చట్టం ప్రకారం, పిల్లలపై లైంగిక దాడులకు పాల్పడిన వారికి తీవ్ర శిక్షలు విధించబడతాయి. కాగా, ఈ ఘటన ఇటార్సీ రైల్వే స్టేషన్ పరిధిలో జరగడంతో, కేసును అక్కడికి బదిలీ చేస్తున్నట్టు సికింద్రాబాద్ జీఆర్పీ పోలీసులు తెలిపారు. నిందితుడిపై పూర్తిస్థాయి దర్యాప్తు కొనసాగుతోంది. ఈ ఘటన ఎంత బాధాకరమైనదైనా, బాధిత కుటుంబం చేసిన వేగవంతమైన ఫిర్యాదు ద్వారా నిందితుడిని పోలీసులు అరెస్ట్ చేశారు.
Also read: Maharastra: మైనర్ బాలిక అత్యాచార కేసులో నిందితుడికి 20 ఏళ్ల జైలు శిక్ష
