అల్లు కుటుంబంలో జరిగిన అల్లు శిరీష్ – నయనికా రెడ్డి వివాహ వేడుక కేవలం ఒక శుభకార్యంగానే కాకుండా, సినీ మరియు రాజకీయ వర్గాల్లో నెలకొన్న అనేక సందిగ్ధతలకు చెక్ పెట్టిన వేదికగా నిలిచింది. శుక్రవారం రాత్రి అత్యంత వైభవంగా జరిగిన ఈ పెళ్లిలో అల్లు అర్జున్ మరియు మెగా కుటుంబ సభ్యుల కలయిక అందరి దృష్టిని ఆకర్షించింది. గత కొంతకాలంగా మెగా – అల్లు కుటుంబాల మధ్య దూరం పెరిగిందని వస్తున్న వార్తలకు భిన్నంగా, చిరంజీవి, పవన్ కళ్యాణ్, రామ్ చరణ్ వంటి వారు సతీసమేతంగా హాజరై సందడి చేయడం అభిమానులకు కొత్త ఉత్సాహాన్ని ఇచ్చింది. ముఖ్యంగా రామ్ చరణ్ – బన్నీ ఆప్యాయంగా ఆలింగనం చేసుకున్న దృశ్యాలు సోషల్ మీడియాలో వైరల్ అవుతూ, కుటుంబాల మధ్య అంతా సవ్యంగానే ఉందనే సంకేతాలను పంపాయి.
Read Also : Telangana: ప్రభుత్వ పాఠశాలల్లో కొత్త మెనూ: ఇకపై మధ్యాహ్న భోజనంలో చేపలు!
ఈ వివాహ వేడుకలో మరో ఆసక్తికరమైన అంశం శిల్పా రవి చంద్ర కిషోర్ రెడ్డి మరియు సీఎం రేవంత్ రెడ్డిల హాజరు. గత ఎన్నికల సమయంలో నంద్యాల పర్యటన వల్ల అల్లు అర్జున్ ఎదుర్కొన్న విమర్శలకు వెరవకుండా, తన స్నేహితుడైన శిల్పా రవిని ఆహ్వానించి తన స్నేహానికి ఉన్న ప్రాధాన్యతను బన్నీ మరోసారి చాటుకున్నారు. మరోవైపు, ‘పుష్ప 2’ ఘటన తర్వాత తెలంగాణ సీఎం రేవంత్ రెడ్డితో బన్నీకి దూరం పెరిగిందని భావించిన వారికి, పెళ్లిలో వీరిద్దరూ పక్కపక్కనే కూర్చుని ముచ్చటించడం సమాధానమిచ్చింది. ఇలా అటు మెగా కుటుంబంతోనూ, ఇటు రాజకీయ ప్రత్యర్థులతోనూ బన్నీ సత్సంబంధాలను కొనసాగిస్తూ, అల్లు శిరీష్ పెళ్లి వేడుక ద్వారా తనపై వస్తున్న అన్ని రూమర్లకు గట్టి క్లారిటీ ఇచ్చారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
