గత శనివారం అమెరికా అధ్యక్షుడు డొనాల్డ్ ట్రంప్ హెచ్1బి వీసాలకు లక్ష డాలర్ల (భారతీయ కరెన్సీలో రూ.88లక్షలు)ను చెల్లించాలని నిబంధన విధించడంతో ఒక్కసారిగా ఐటి కంపెనీలు షాక్ గురయ్యాయి. ప్రత్యేకంగా భారతీయులు దీనిపై పెద్ద గందరగోళానికి గురయ్యారు. అయితే కొత్త వారికి మాత్రం ఇది వర్తిస్తుందని ట్రంప్ చెప్పడంతో అందరూ ఊపిరి పీల్చుకున్నారు. అయినా ట్రంప్ నిర్ణయం భారతీయులకు పెద్ద దెబ్బే అని నిపుణులు చెబుతున్నారు.
తాజాగా అమెరికాకు చైనా బిగ్ షాక్ ఇచ్చింది. హెచ్1బి వీసాపై అమెరికా ఆంక్షల నేపథ్యంలో చైనా వ్యూహాత్మక నిర్ణయం తీసుకుంది. విదేశీ నిపుణుల కోసం చైనా కొత్త ప్లాన్ కు శ్రీకారం చుట్టింది. అమెరికా హెచ్1బి వీసా మాదిరిగా ‘కే వీసా’ విధానాన్ని తీసుకురానుంది. హెచ్1బి వీసా గందరగోళం మధ్య, ప్రపంచ నైపుణ్యాలను ఆకర్షించడానికి అక్టోబర్ 1 నుండి కే-వీసా(K-Visa) అనే కొత్త వీసా పథకాన్ని ప్రారంభించనటుంది.
స్పాన్సర్ షిప్ లేకుండానే వీసా
స్థానిక కంపెనీ స్పాన్సర్ షిప్(Sponsorship) కుండానే వీసా పొందే అవకాశం ఉంది. అమెరికాలో హెచ్1బి వీసా పొందడానికి ప్రయత్నిస్తున్న చాలామంది భారతీయ నిపుణులు, విద్యార్థులకు ఈ కే వీసా ఒక కొత్త అవకాశంగా మారవచ్చు అని నిపుణులు భావిస్తున్నారు. దీన్ని యుఎస్ హెచ్ 1బి వీసాకు పోటీగా అభివర్ణిస్తున్నారు నిపుణులు. వీసా ఫీజును యుఎస్ లక్ష డాలర్లకు పెంచడం చైనాకు కలిసొచ్చే అవకాశముందని అంచనా వేస్తున్నారు.
ఎవరెవరు హెచ్ 1బికు దరఖాస్తు చేసుకోవచ్చంటే..
చైనా లేదా విదేశాలలో ప్రసిద్ధ విశ్వవిద్యాలయాలు లేదా పరిశోధనా సంస్థల నుంచి ఎస్టిఎం (స్టెమ్) రంగాలలో బ్యాచిలర్ డిగ్రీ లేదా అంతకంటే ఎక్కువ డిగ్రీతో పట్టభద్రులైన వారు ఈ కే-వీసాకు దరఖాస్తు చేసుకోవచ్చు. అలాగే అలాంటి సంస్థలో బోధన, పరిశోధనలో నిమగ్నమైన నిపుణులు కూడా ఈవీసా కోసం దరఖాస్తు చేసుకోవచ్చు. చైనాలో ప్రభుత్వం ఉన్న 12 సాధారణ వీసా వర్గాలతో పోలిస్తే, కే వీసా చాలా ప్రయోజనాలను అందిస్తుంది. ఎక్కువ రోజుల కాలపరిమితి, ఎక్కువ సార్లు స్వదేశాలకు రాకపోకలు సాగించే వెసులుబాటు, రెన్యూవల్ సదుపాయం వంటి మరిన్ని ఫీచర్లను కే-వీసాకు జోడించారు. కాగా అమెరికా హెచ్1బి దరఖాస్తులపై లక్షడాటర్ల వార్షిక రుసుమును భారీగా విధించిందది. భారతీయ ఐటీ కంపెనీలు, టెక్ నిపుణులు తీవ్ర ఆందోళన వ్యక్తం చేశాయి.
అమెరికా హెచ్1బి వీసాపై ఏ మార్పు చేసింది?
అమెరికా అధ్యక్షుడు డొనాల్డ్ ట్రంప్, హెచ్1బి వీసా దరఖాస్తులపై లక్ష డాలర్ల (రూ.88 లక్షలు) ఫీజు విధించారు.
చైనా ఎలా స్పందించింది?
అమెరికా నిర్ణయానికి ప్రతిస్పందనగా చైనా ‘కే-వీసా’ అనే కొత్త వీసా పథకాన్ని అక్టోబర్ 1 నుండి ప్రారంభించనుంది.
Read hindi news: hindi.vaartha.com
Read Also:
