Latest News: Bank's Regulations: బంగారు రుణాల పై బ్యాంకు కొత్త నిబంధన

బ్యాంకుల కొత్త నిర్ణయం

బంగారం రుణాలపై ప్రతి నెల వడ్డీ చెల్లింపు తప్పనిసరి చేస్తున్నట్లు కొన్ని బ్యాంకు నిబంధనలు(Bank’s Regulations) ప్రకటించాయి. ఇప్పటివరకు ఏడాది చివర్లో వడ్డీ చెల్లించే వెసులుబాటు ఉన్నప్పటికీ, ఇప్పుడు ఆ సదుపాయానికి ముగింపు పలుకుతున్నాయి.
ఈ మార్పుకు ప్రధాన కారణం — బంగారం ధరల పెరుగుదలతో రుణ ఎగవేతలు గణనీయంగా పెరగడం.

దేశవ్యాప్తంగా బంగారం రుణాలు గత రెండు ఆర్థిక సంవత్సరాల్లో 26% పెరిగాయి. కానీ, చాలా మంది రుణగ్రహీతలు సమయానికి తిరిగి చెల్లించకపోవడంతో గోల్డ్ లోన్ విభాగంలో NPAలు 30% కంటే ఎక్కువగా పెరిగాయి.

కొత్త నిబంధనల ప్రభావం

బ్యాంకులు తెలిపిన ప్రకారం, ప్రతినెల వడ్డీ చెల్లించకపోతే అది నేరుగా కస్టమర్ సిబిల్ స్కోర్‌పై ప్రభావం చూపుతుంది.సిబిల్ స్కోర్ తగ్గితే భవిష్యత్తులో ఇతర రుణాలు పొందడం కష్టమవుతుంది.
ఈ నిబంధనలు ఖాతాదారుడి ఆర్థిక స్థితి, రుణ పరిమితిని బట్టి అమలులోకి వస్తాయని బ్యాంకులు పేర్కొన్నాయి.

ఒక ప్రభుత్వ రంగ బ్యాంకు అధికారి తెలిపినట్లుగా, ప్రస్తుతం 10 గ్రాముల బంగారంపై సుమారు ₹1 లక్ష వరకు రుణం ఇస్తున్నారు.హైదరాబాద్‌కు చెందిన ఒక దంపతులు మాట్లాడుతూ — “మేము ₹1 లక్షకు కొన్న బంగారంపై ఇప్పుడు ₹3.5 లక్షల రుణం పొందాం, అది కూడా గంటన్నరలోనే ఖాతాలో జమైంది” అని తెలిపారు.