ఛత్తీస్గఢ్లో జరిగిన ఎన్కౌంటర్లో 10 మంది నక్సలైట్లు (Naxalites ) మరణించడంపై కేంద్ర హోంమంత్రి అమిత్ షా స్పందించారు. ఈ ఆపరేషన్లో పాల్గొన్న సీఆర్పీఎఫ్ కోబ్రా కమాండోలు, ఛత్తీస్గఢ్ పోలీసులు, డీఆర్జీ దళాలను ఆయన అభినందించారు. ఈ జాయింట్ ఆపరేషన్లో రూ. కోటి రివార్డు ఉన్న నక్సలైట్ కమాండర్ బాలాకృష్ణ అలియాస్ మనోజ్ను కూడా హతమార్చామని ఆయన తెలిపారు. ఈ విజయం భద్రతా బలగాల సమన్వయానికి నిదర్శనమని అమిత్ షా పేర్కొన్నారు. ఈ ఎన్కౌంటర్ నక్సలైట్లకు ఒక గట్టి హెచ్చరిక అని ఆయన అన్నారు.
లొంగిపోవాలని అల్టిమేటం
మిగిలిన నక్సలైట్లందరూ వీలైనంత త్వరగా లొంగిపోవాలని అమిత్ షా (Amit shah) అల్టిమేటం జారీ చేశారు. నక్సలిజం వల్ల దేశానికి, ముఖ్యంగా వెనుకబడిన ప్రాంతాల అభివృద్ధికి తీవ్ర నష్టం జరుగుతోందని ఆయన తెలిపారు. ఎవరైతే లొంగిపోతారో వారికి ప్రభుత్వ పునరావాస పథకాలు వర్తిస్తాయని, సాధారణ జీవితం గడిపే అవకాశం ఉంటుందని ఆయన భరోసా ఇచ్చారు. లొంగిపోకుండా హింసను కొనసాగిస్తే తీవ్ర పరిణామాలు ఎదుర్కోవాల్సి వస్తుందని ఆయన హెచ్చరించారు.
మార్చి 31లోపు ఏరివేత
మార్చి 31వ తేదీలోపు దేశంలో ‘రెడ్ టెర్రర్’ (నక్సలిజం)ను పూర్తిగా ఏరివేస్తామని అమిత్ షా ధీమా వ్యక్తం చేశారు. గతంలో కంటే ఇప్పుడు భద్రతా బలగాలు మరింత బలంగా, సమర్థవంతంగా పనిచేస్తున్నాయని ఆయన అన్నారు. సాంకేతిక పరిజ్ఞానాన్ని ఉపయోగించుకుంటూ నక్సలైట్ల కదలికలను నిరంతరం పర్యవేక్షిస్తున్నామని తెలిపారు. దేశంలో శాంతిభద్రతలను కాపాడటంలో కేంద్ర ప్రభుత్వం దృఢ సంకల్పంతో ఉందని ఈ ప్రకటన ద్వారా స్పష్టం చేశారు.
