ముంబయి: బాలీవుడ్ హీరో సల్మాన్ ఖాన్ మరోసారి బెదిరింపులు వచ్చాయి. బుధవారం ఉదయం, గుర్తు తెలియని నంబర్ నుండి సల్మాన్ను చంపేస్తామని బెదిరింపు కాల్ అందింది. ఆ వ్యక్తి రూ.2 కోట్లు చెల్లించాలని, లేదంటే సల్మాన్ను హతమారుస్తామని చెప్పినట్లు సమాచారం. అయితే ఈ కాల్ సల్మాన్ కుటుంబానికి కాకుండా ముంబయి ట్రాఫిక్ పోలీసులకు వచ్చింది. కాగా, బెదిరింపు కాల్ వచ్చిన తర్వాత వర్లీ పోలీసులు గుర్తు తెలియని వ్యక్తిపై కేసు నమోదు చేసి విచారణ మొదలుపెట్టారు.
ఇకపోతే..ముంబయి పోలీసులు గతంలో సల్మాన్ ఖాన్ను బెదిరించిన నోయిడాకు చెందిన 20 ఏళ్ల మహ్మద్ తయ్యబ్ను మంగళవారం అరెస్టు చేశారు. తయ్యబ్, సల్మాన్ ఖాన్తో పాటు, దివంగత ఎమ్మెల్యే బాబా సిద్ధిఖీ కొడుకు జిషాన్ సిద్ధిఖీని కూడా బెదిరించినట్లు పోలీసులు వెల్లడించారు.
