చిరునవ్వుతో హాస్యాన్ని పండించే బ్రహ్మానందం ప్రధాన పాత్రలో నటించిన ‘బ్రహ్మ ఆనందం’ సినిమా ఫిబ్రవరి 14న ప్రేమికుల దినోత్సవ కానుకగా థియేటర్లలో విడుదలై ప్రేక్షకులను అలరించింది. బ్రహ్మానందం కుమారుడు గౌతమ్ రాజా కూడా ఈ సినిమాలో కీలక పాత్ర పోషించడం విశేషం. ‘రంగ మార్తాండ’ సినిమాతో తన భావోద్వేగ నటనను ప్రదర్శించిన బ్రహ్మానందం, చాలా గ్యాప్ తర్వాత మళ్లీ ఈ సినిమాతో ప్రేక్షకుల ముందుకు వచ్చారు.
ఇప్పుడు ఓటీటీలో
ప్రముఖ తెలుగు ఓటీటీ సంస్థ ఆహా ‘బ్రహ్మ ఆనందం’ సినిమా డిజిటల్ స్ట్రీమింగ్ హక్కులను సొంతం చేసుకుంది. మార్చి 19న ఈ సినిమా ఆహా గోల్డ్ సబ్‌స్క్రైబర్స్ కోసం విడుదల కాగా, మార్చి 20 నుంచి అన్ని ఆహా యూజర్లకు అందుబాటులోకి రానుంది. థియేటర్లలో ఈ సినిమాను మిస్ అయిన వారు ఇప్పుడు ఇంట్లోనే వుండి బ్రహ్మానందం కామెడీని ఆస్వాదించవచ్చు.
హాస్యభరిత కథ – అద్భుతమైన ప్రదర్శనలు
స్వధర్మ్ ఎంటర్‌టైన్‌మెంట్ పై రాహుల్ యాదవ్ నక్కా బ్రహ్మా ఆనందం సినిమాను నిర్మించారు. ఆర్వీఎస్ నిఖిల్ కథ, స్క్రీన్ ప్లే, దర్శకత్వం వహించారు. ఈ సినిమాలో ప్రియ వడ్లమాని, ఐశ్వర్య హోలక్కల్, రాజీవ్ కనకాల, సంపత్ రాజ్, తనికెళ్ల భరణి, రఘు బాబు, ప్రభాకర్, దివిజా ప్రభాకర్, దయానంద్ రెడ్డి తదితరులు ప్రధాన పాత్రలు పోషించారు. బ్రహ్మానందం తన విలక్షణమైన అభినయం, టైమింగ్‌తో ప్రేక్షకులను మరోసారి అలరించగా, వెన్నెల కిశోర్ తన ప్రత్యేకమైన కామెడీతో సినిమాకు అదనపు ఆకర్షణగా నిలిచాడు. సినిమాలో హాస్యంతో పాటు మంచి భావోద్వేగాలు, కుటుంబ అనుబంధాల కథని అందించారు.
సంగీతం, సాంకేతికత – సినిమాకు ప్రధాన బలం
సినిమాకు శాండిల్య పిసపాటి అందించిన సంగీతం మంచి ఆదరణ పొందింది. నవ్విస్తూ, ఆస్వాదించేలా ఈ సినిమా నేపథ్య సంగీతాన్ని అందించారు. సినిమాటోగ్రఫీ, ఎడిటింగ్, ప్రొడక్షన్ డిజైన్ కూడా కథకు అనుగుణంగా ఉంటూ సినిమాను మరింత ఆకర్షణీయంగా తీర్చిదిద్దాయి.
బ్రహ్మ ఆనందం సినిమా
థియేటర్లలో మంచి ఆదరణ పొందిన ‘బ్రహ్మ ఆనందం’ ఇప్పుడు ఓటీటీలో నవ్వుల పండుగను అందించనుంది. బ్రహ్మానందం అభిమానులు, కుటుంబ ప్రేక్షకులు తప్పక ఆస్వాదించాల్సిన సినిమా ఇది. థియేటర్లలో చూడలేకపోయారా? అయితే ఇంకెందుకు ఆలస్యం ఆహాలో స్ట్రీమింగ్ అవుతున్న ‘బ్రహ్మ ఆనందం’ సినిమాను చూసి కడుపుబ్బా నవ్వుకోండి!
సీనియర్ నటుడు నరేష్ విజయకృష్ణ తనయుడు నవీన్ విజయకృష్ణ, ఇంతకు ముందు హీరోగా పలు చిత్రాల్లో అదృష్టాన్ని పరీక్షించినప్పటికీ, ఇప్పుడు తన కెరీర్‌లో కొత్త ప్రయోగం చేసి Read more
టాలీవుడ్ స్టార్ హీరోయిన్ రష్మిక మందన్న షాకింగ్ పరిస్థితిలో శంషాబాద్ ఎయిర్‌పోర్టులో దర్శనమిచ్చింది. ఆమె వీల్ చైర్‌లో కనిపించడం ఫ్యాన్స్‌ను ఆశ్చర్యపరచింది. తాము అభిమానిగా ఉన్న హీరోయిన్ Read more
గ్లోబల్ స్టార్ రాంచరణ్ 'ఉప్పెన' చిత్రానికి ప్రసిద్ధి చెందిన బుచ్చిబాబు సానతో కలిసి ఓ ప్రాజెక్ట్‌ను రూపొందించబోతున్నట్టు ఇప్పటికే తెలిసిన విషయమే ఈ ప్రాజెక్ట్ పూజా కార్యక్రమాలు Read more
హైదరాబాద్‌ నగరంలో ఇటీవల రేవ్ పార్టీలు, డ్రగ్స్ పార్టీలు ఎక్కువయ్యాయి. వీటి వల్ల నగరంలో నూతన సమస్యలు తలెత్తుతున్నాయి. పోలీసులు ఎప్పటికప్పుడు ఈ తరహా పార్టీలు నిర్వహించుకునే Read more