సాధారణంగా మన భారతీయ ఆహారంలో ఎక్కువ మంది వైట్ రైస్ ను వాడుతుంటారు. అయితే ఇప్పుడు ఆరోగ్యాన్ని ప్రధానంగా పరిగణనలోకి తీసుకుంటూ, ప్రజలు బ్రౌన్ రైస్, రెడ్ రైస్ వంటి ప్రత్యామ్నాయాలను ఎంచుకుంటున్నారు. అయితే, బ్లాక్ రైస్ లేదా నల్లబియ్యం విషయంలో తెలియని ప్రయోజనాలు ఇంకా చాలా మందికి తెలియకపోవచ్చు. ఈ వ్యాసంలో బ్లాక్ రైస్ లోని పోషక విలువలు, ఆరోగ్య ప్రయోజనాలు, క్యాన్సర్ నివారణలో దాని పాత్ర, గుండె ఆరోగ్యంపై ప్రభావం, బరువు తగ్గడంలో దాని సహకారం, డయాబెటిస్ నియంత్రణ, కంటి ఆరోగ్యంపై ప్రభావం, వంట విధానం వంటి అంశాలను వివరంగా చూద్దాం.
బ్లాక్ రైస్కి నలుపు రంగు రావడానికి ప్రధాన కారణం ఆంథోసైనిన్ అనే వర్ణద్రవ్యం. ఇది సహజంగా ఉండే ఒక శక్తివంతమైన యాంటీ ఆక్సిడెంట్. ఇది కాకుండా ఈ బియ్యంలో ఫైబర్, ప్రోటీన్, ఫ్యాట్స్, కార్బోహైడ్రేట్స్, ఐరన్, జింక్, సెలీనియం వంటి ఖనిజాలు అధికంగా ఉంటాయి. ఇవన్నీ కలిపి శరీరానికి కావలసిన మౌలిక పోషకాల్ని అందిస్తాయి. బ్లాక్ రైస్లో ఉన్న యాంటీ ఆక్సిడెంట్స్ శరీరంలో ఫ్రీ రాడికల్స్ని నియంత్రించి, ఇన్ఫెక్షన్ల నుంచి రక్షణ కలిగిస్తాయి. ఇవి ఇమ్యూన్ సిస్టమ్ పనితీరును మెరుగుపరచడంతో పాటు శక్తివంతమైన ఆరోగ్యాన్ని కలిగిస్తాయి.
గుండె ఆరోగ్యాన్ని రక్షించే నల్లబియ్యం
బ్లాక్ రైస్లోని ఫ్లేవనాయిడ్స్ గుండె సంబంధిత రోగాల నుండి మనల్ని రక్షిస్తాయి. ఇవి చెడు కొలెస్ట్రాల్ (LDL) ని తగ్గించు, మంచి కొలెస్ట్రాల్ (HDL) ని పెంచు, రక్తనాళాలపై ఒత్తిడిని తగ్గించి బీపీ ని నియంత్రిస్తాయి. దీంతో గుండెపోటు వంటి సమస్యల నుండి తప్పించుకునే అవకాశాలు పెరుగుతాయి.
క్యాన్సర్ను నిరోధించడంలో సహాయపడే బ్లాక్ రైస్
బ్లాక్ రైస్లోని ఆంథోసైనిన్ వల్ల క్యాన్సర్ కణాలపై నిష్పత్తి గల ప్రభావం ఉంటుంది. ముఖ్యంగా కొలొరెక్టల్ క్యాన్సర్, బ్రెస్ట్ క్యాన్సర్ మాదిరిగా కొన్ని రకాల క్యాన్సర్ల పెరుగుదల మరియు వ్యాప్తిని తగ్గించడంలో సహాయపడుతుందని అధ్యయనాలు చెబుతున్నాయి.
కంటి ఆరోగ్యాన్ని మెరుగుపరచే లుటీన్, జియాక్సంతిన్
నల్లబియ్యంలో లుటీన్, జియాక్సంతిన్ అనే రెండు ముఖ్యమైన కెరోటినాయిడ్స్ ఉంటాయి. ఇవి కళ్లని ఫ్రీ రాడికల్స్ నుంచి కాపాడుతాయి. నీలికాంతి నుండి కంటి రెటీనాను రక్షిస్తాయి. మాక్యులార్ డిజెనరేషన్ వంటి వృద్ధాప్య సంబంధిత కంటి సమస్యలను నివారించడంలో సహాయపడతాయి
బరువు తగ్గించడంలో
బ్లాక్ రైస్ తినడం వల్ల ఎక్కువ కాలం ఆకలి లేకుండా ఉండే ఫైబర్, శరీరానికి తక్కువ కాలరీలు, కొవ్వు శాతం తగ్గించే ఆంథోసైనిన్స్ వల్ల ఇది బరువు తగ్గాలనుకునే వారి కోసం ఒక ఉత్తమ ఆహారంగా నిలుస్తుంది. వైట్ రైస్ బదులు బ్లాక్ రైస్ తినేవారు ఎక్కువగా బరువు తగ్గారనే విషయాన్ని కొన్ని అధ్యయనాలు కూడా నిర్ధారించాయి.
డయాబెటిస్ పై బ్లాక్ రైస్
బ్లాక్ రైస్లోని యాంటీ ఆక్సిడెంట్లు రక్తంలోని గ్లూకోజ్ స్థాయిని తగ్గిస్తాయి, ఇన్సులిన్ సెన్సిటివిటీని మెరుగుపరుస్తాయి. నాన్ ఆల్కహాలిక్ ఫ్యాటి లివర్ను కూడా తగ్గించగలవని ఎలుకలపై చేసిన అధ్యయనాల్లో తేలింది. అందువల్ల, డయాబెటిస్ ఉన్నవారికి ఇది మంచిది. ఈ రైస్ ఎలా వండాలో చాలా మందికి తెలియదు. అన్ని బియ్యంలానే దీనిని కూడా వండాలి. దీనికోసం మరీ ఎక్కువగా కష్టపడాల్సిన అవసరం లేదు. అవసరమనుకుంటే ముందుగా నానబెట్టడండి. దీంతో త్వరగా ఉడికిపోతాయి. ఉడికిన తర్వాత మంటని తగ్గించి మూత ఉంచి అలానే ఉంచండి. వడ్డించే ముందు మెత్తగా అయ్యేందుకు ఫోర్క్ వాడండి. దీంతో త్వరగా మెత్తగా అవుతుంది రైస్.
