ఆస్ట్రేలియాను తక్కువ అంచనా వేయకూడదని మరోసారి నిరూపితమైంది. ఛాంపియన్స్ ట్రోఫీ-2025లో అడుగుపెట్టే ముందు ఈ జట్టు గ్రూప్ స్టేజ్‌లో అయినా పోటీ ఇవ్వగలదా? అనుకున్నారు. కానీ ఇంగ్లండ్‌పై తొలి మ్యాచ్‌లో అతిపెద్ద ఛేజింగ్ విక్టరీతో ఆసీస్ అంటే ఏంటో ప్రపంచానికి చూపించింది. స్టార్ బౌలర్లు స్టార్క్, కమిన్స్, హేజెల్‌వుడ్ లేకున్నా ఆస్ట్రేలియా రికార్డుల వేట కొనసాగించింది. లాహోర్ వేదికగా జరిగిన ఛాంపియన్స్ ట్రోఫీ గ్రూప్-బి తొలి మ్యాచ్‌లో ఆస్ట్రేలియా విజయదుందుభి మోగించింది. టాస్ గెలిచిన స్టీవ్ స్మిత్ ఇంగ్లండ్‌ను బ్యాటింగ్‌కి ఆహ్వానించాడు. బ్యాటింగ్‌కు అనుకూలించే లాహోర్ పిచ్‌పై ఇంగ్లండ్ బ్యాటర్లు బౌండరీలతో చెలరేగిపోయారు. ఓపెనర్ బెన్ డకెట్ 143 బంతుల్లో 17 ఫోర్లు, మూడు సిక్సర్లతో 165 పరుగులు చేశాడు. దాంతో ఇంగ్లండ్ జట్టు 50 ఓవర్లలో 8 వికెట్ల నష్టానికి 351 పరుగులు చేసింది.
టాప్-5 భారీ ఛేజింగ్స్
వన్డే వరల్డ్‌కప్ 2019లో వెస్టిండీస్‌పై బంగ్లాదేశ్ జట్టు 322 టార్గెట్‌ను చేజ్ చేసింది. 2017లో ఒవెల్ వేదికగా జరిగిన ఛాంపియన్స్ ట్రోఫీలో భారత్ అందించిన 322 టార్గెట్‌ను శ్రీలంక జట్టు మూడు వికెట్లు కోల్పోయి ఛేదించింది. వన్డే వరల్డ్‌కప్ 2011లో బెంగళూరు వేదికగా ఇంగ్లండ్‌పై ఐర్లాండ్ జట్టు 328 టార్గెట్‌ను ఛేజ్ చేసి రికార్డు సృష్టించింది. హైదరాబాద్ వేదికగా 2023 వన్డే వరల్డ్‌కప్‌లో శ్రీలంకపై పాకిస్తాన్ 345 పరుగుల లక్ష్యాన్ని ఛేదించింది. తాజాగా లాహోర్ వేదికగా జరిగిన ఛాంపియన్స్ ట్రోఫీలో ఇంగ్లండ్ ఇచ్చిన 352 పరుగుల లక్ష్యాన్ని ఆసీస్ కొత్త రికార్డును క్రియేట్ చేసింది.
తొలుత ఇంగ్లండ్ హవా
టాస్ గెలిచిన స్టీవ్ స్మిత్ ఇంగ్లండ్‌ను బ్యాటింగ్‌కు ఆహ్వానించాడు. బ్యాటింగ్‌కు అనుకూలించే లాహోర్ పిచ్‌పై ఇంగ్లండ్ బ్యాటర్లు ఆడారు. బెన్ డకెట్ (165) మెరుపు సెంచరీతో చెలరేగగా, జోస్ బట్లర్ (72), జో రూట్ (54) రాణించడంతో 50 ఓవర్లలో 351/8 పరుగులు చేశారు.
భారీ లక్ష్యంతో బరిలోకి దిగిన ఆసీస్ ఆరంభంలోనే ఒడిదుడుకులకు లోనైంది. ట్రావిస్ హెడ్ (6), స్టీవ్ స్మిత్ (5) వెంటవెంటనే అవుట్ కావడంతో ఆసీస్ తక్కువ పరుగులకే ఆలౌట్ అవుతుందనుకున్నారు. మాథ్యూ షార్ట్, మార్నస్ లబుషేన్ కలిసి మూడో వికెట్‌కు 95 పరుగులు జోడించారు. షార్ట్ 63 పరుగులు, లబుషేన్ 47 పరుగులు చేసి అవుటయ్యారు. ఆ తర్వాత క్రీజులోకి వచ్చిన జోష్ ఇన్‌గ్లిస్ 86 బంతుల్లోనే 8 ఫోర్లు, ఆరు సిక్సర్లతో 120 పరుగులు చేసి జట్టును సునాయాసంగా గెలిపించాడు. అలెక్స్ క్యారీ 69, గ్లెన్ మ్యాక్స్‌వెల్ 32 పరుగులతో రాణించడంతో 47.3 ఓవర్లలోనే 356 పరుగులు చేసి ఘన విజయం సాధించారు.
ఛాంపియన్స్ ట్రోఫీ-2025లో ఇంగ్లండ్ అందించిన 351 పరుగుల భారీ లక్ష్యాన్ని 47.3 ఓవర్లలోనే ఛేదించి ఆస్ట్రేలియా రికార్డు సృష్టించింది. ఐసీసీ వన్డే టోర్నమెంట్‌లలోనే భారీ ఛేజింగ్ చేసిన జట్టుగా నిలిచింది. 2023 వన్డే వరల్డ్‌కప్‌లో హైదరాబాద్ వేదికగా పాకిస్తాన్ జట్టు శ్రీలంకపై ఛేజింగ్‌లో 345 పరుగులు చేసింది. ఇప్పటి వరకు అదే హైయెస్ట్ టార్గెట్ ఛేజింగ్ కాగా ఆ రికార్డును ఆస్ట్రేలియా బద్దలు కొట్టింది.
న్యూజిలాండ్ క్రికెట్ దిగ్గజాల్లో ఒకరైన మార్టిన్ గుప్తిల్ తన 14 ఏళ్ల అంతర్జాతీయ క్రికెట్ ప్రయాణానికి ముగింపు పలికాడు. ఆత్మవిశ్వాసంతో తన ఆటతీరుతో అభిమానులను మెప్పించిన గుప్తిల్, Read more
మహమ్మద్ సిరాజ్ గత కొన్ని నెలలుగా తన బౌలింగ్‌లో ఏ మాత్రం ఫామ్‌ కనబడడం లేదు. వికెట్లు తీసే విషయం తనకు సాధ్యం కావడం లేదు, దీంతో Read more
ఆడిలైడ్ డే-నైట్ టెస్ట్‌లో టీమిండియా ఘోర పరాజయం: ఆసీస్ ఆధిపత్యం నిలబెట్టింది భారత జట్టు ఆడిలైడ్ వేదికగా జరిగిన డే-నైట్ టెస్టులో ఆస్ట్రేలియా జట్టు చేతిలో తీవ్ర Read more
ఆస్ట్రేలియా పర్యటనలో ఉన్న భారత్ ఏ జట్టు రెండో టెస్టులో ఆస్ట్రేలియా ఏ జట్టుతో తలపడుతూ రాణిస్తోంది. బ్యాటింగ్ విఫలమైనా, భారత బౌలర్లు తమ ప్రతిభను చూపించారు. Read more