హైదరాబాద్ ఎంపీ అసదుద్దీన్ ఒవైసీ పాకిస్థాన్ మాజీ క్రికెట్ కెప్టెన్ షాహిద్ ఆఫ్రిది చేసిన వివాదాస్పద వ్యాఖ్యలపై తీవ్రంగా స్పందించారు. పాకిస్థాన్ మాజీ కెప్టెన్ భారత ప్రభుత్వంపై మరియు భారత సైన్యంపై చేసిన వ్యాఖ్యలకు అసదుద్దీన్ ఒవైసీ తీవ్ర విమర్శలు గుప్పించారు. ఆఫ్రిదిపెద్ద జోకర్ అని పనికిరాని వాడు అంటూ విమర్శించారు. పనికిరాని వాళ్ల గురించి మాట్లాడడం సమయం వృథా తప్ప ఏమీ ఉండదని అన్నారు.
ఆఫ్రిది వ్యాఖ్యలపై ఒవైసీ ఫైర్:
పహల్గామ్ ఘటనలో భారత ప్రభుత్వంపై విమర్శలు చేసిన మాజీ క్రికెటర్ షాహిద్ ఆఫ్రిది, భారత సైన్యం గురించి కూడా కఠిన వ్యాఖ్యలు చేసిన సంగతి తెలిసిందే. పాకిస్థాన్ మాజీ కెప్టెన్, భారత సైన్యం యొక్క చేతగానితనాన్ని మరియు వైఫల్యం కారణంగానే పహల్గామ్ దాడి జరిగిందని పేర్కొన్నారు. ఆయన, భారత ప్రభుత్వం ప్రతిసారీ తన తప్పిదాలను కప్పిపుచ్చుకోవడానికే పాకిస్థాన్పై విమర్శలు చేస్తుందని ఆరోపించారు. ఈ వ్యాఖ్యలకు విరుచుకుపడిన అసదుద్దీన్ ఒవైసీ పాకిస్థాన్పై కఠిన చర్యలు తీసుకోవాలని కేంద్ర ప్రభుత్వాన్ని డిమాండ్ చేశారు. అలాగే, ఆయన సైబర్ దాడులు మరియు సెల్ఫ్ డిఫెన్స్ కింద మిలిటరీ యాక్షన్ తీసుకోవాలని పిలుపునిచ్చారు. ప్రధాని మోదీ వద్ద ఈ దేశాన్ని ఆర్థికంగా బలహీనపరచేందుకు చర్యలు తీసుకోవాలని కోరారు. “మతం పేరిట అమాయకులను చంపడం అంటే ఏ దేశం కూడా ఊరుకోదు” అంటూ ఒవైసీ పాక్కు కఠిన హెచ్చరికలు చేశారు. అసదుద్దీన్ ఒవైసీ భారత ప్రభుత్వానికి పాకిస్థాన్పై శక్తివంతమైన ఆర్థిక, రక్షణ చర్యలను తీసుకోవాలని విజ్ఞప్తి చేశారు. ఈ సందర్భంలో, ఆయన పాకిస్థాన్ యొక్క మౌలికతను సవాలు చేస్తున్న వ్యాఖ్యలు చేయడం మానుకోవాలని సూచించారు.
Read also: Protest : చెట్టుకు దరఖాస్తులు ..ఆశ్చర్యపరుస్తున్న నిరసన
