ఆంధ్రప్రదేశ్‌లో పెన్షన్ దారులకు రాష్ట్ర ప్రభుత్వం గుడ్ న్యూస్ చెప్పింది. గత కొన్నేళ్లుగా పెన్షన్ తీసుకునే సమయంలో వృద్ధులకు ఎదురవుతున్న ఓ ప్రధాన సమస్యను పరిష్కరించేందుకు ప్రభుత్వం కీలక నిర్ణయం తీసుకుంది. ఈ మేరకు గ్రామ, వార్డు సచివాలయాల శాఖ తాజా ఉత్తర్వులు జారీ చేసింది.ఆధార్ ప్రాధికార సంస్ధ ఉడాయ్ తాజాగా సాఫ్ట్ వేర్ మార్చడంతో అందుకు అనుగుణంగా లబ్దిదారులకు ఎలాంటి ఇబ్బందులు తలెత్తకుండా ఈ నిర్ణయం తీసుకున్నట్లు తెలుస్తోంది. ప్రభుత్వ నిర్ణయంతో పెన్షన్ లబ్దిదారులకు దీర్ఘకాలంగా ఉన్న ఓ సమస్య తీరబోతోంది.
ఎన్టీఆర్ భరోసా
ప్రస్తుతం రాష్ట్రంలో ఎన్టీఆర్ భరోసా కింద లక్షలాది మంది లబ్దిదారులకు పెన్షన్లు పంపిణీ అవుతున్నాయి. అయితే పెన్షన్ తీసుకునే సమయంలో లబ్దిదారులు తమ వేలిముద్రలను స్కానర్లపై స్కాన్ చేయించుకోవాల్సి ఉంటుంది. వృద్ధాప్యం కారణంగా వేలిముద్రలు అరిగిపోవడం వల్ల అనేక మంది లబ్ధిదారులు తమ పెన్షన్ అందుకోవడంలో ఇబ్బందులు పడుతున్నారు.గ్రామ, వార్డు సచివాలయాల్లో వాడుతున్న పాత ఫింగర్ ప్రింట్ స్కానర్లు సరిగ్గా పని చేయకపోవడం కూడా పెన్షన్ దారులకు అదనపు సమస్యగా మారింది. వేలిముద్రలు గుర్తించలేకపోవడంతో, పింఛన్ల పంపిణీ సక్రమంగా జరగలేదు. లబ్దిదారులు మళ్లీ మళ్లీ ప్రయత్నించాల్సిన పరిస్థితి ఏర్పడింది. ఈ సమస్యను పరిష్కరించేందుకు ప్రభుత్వం కొత్త ఫింగర్ ప్రింట్ స్కానర్లు పంపుతోంది.
కొత్త ఫింగర్ ప్రింట్ స్కానర్లు
ప్రభుత్వం తీసుకున్న తాజా నిర్ణయం ప్రకారం, గ్రామ, వార్డు సచివాలయాల్లో కొత్త ఫింగర్ ప్రింట్ స్కానర్లను పంపిణీ చేయనుంది. ఆధార్ సాఫ్ట్‌వేర్ అప్‌డేట్ కావడంతో, పాత పరికరాలు పనిచేయడం లేదు. అందుకే ప్రభుత్వం ఉడాయ్ అప్‌డేట్‌కు అనుగుణంగా పనిచేసే కొత్త స్కానర్లు తీసుకురావాలని నిర్ణయించింది.ఈ కొత్త పరికరాలతో వృద్ధుల వేలిముద్రలు సులభంగా గుర్తించబడతాయి. ఫలితంగా పింఛన్లు పొందే వారి ఇబ్బందులు పూర్తిగా తొలగిపోనున్నాయి.
స్కానర్లు పంపిణీ
రాష్ట్రవ్యాప్తంగా ఉన్న గ్రామ, వార్డు సచివాలయాలకు మొత్తం 1,34,450 స్కానర్లను ప్రభుత్వం సరఫరా చేస్తోంది. సచివాలయాల వారీగా ఆ పరికరాలను సిబ్బందికి అందజేయాలని గ్రామ, వార్డు సచివాలయ శాఖ ఉత్తర్వులిచ్చింది. ఐదేళ్ల క్రితం కొనుగోలు చేసిన స్కానర్లు కావడంతో ఫింగర్ ప్రింట్ సరిగా పడక సిబ్బంది, లబ్దిదారులు ఇన్నాళ్లూ ఇబ్బందులు పడ్డారు. ఇప్పుడు నూతన పరికరాల సాయంతో ఈ సమస్యలకు చెక్ పెట్టబోతున్నారు.
తాజా నిర్ణయం
ప్రభుత్వం తీసుకున్న తాజా నిర్ణయం పెన్షన్ లబ్దిదారులకు పెద్ద ఊరటను కలిగించనుంది. కొత్త ఫింగర్ ప్రింట్ స్కానర్లతో పింఛన్లు తీసుకునే వృద్ధులు ఇకపై సమస్యలు ఎదుర్కొనే అవసరం ఉండదు. గ్రామ, వార్డు సచివాలయాల్లో ఆధునిక పరికరాలను అందుబాటులోకి తెచ్చినపెన్షన్ పంపిణీ మరింత సౌకర్యవంతం కానుంది. ఈ నిర్ణయంతో లక్షలాది మంది లబ్దిదారులకు అనుకూలమైన విధానం అమల్లోకి రానుంది.
ఏపీ 2025-26 ఆర్థిక సంవత్సరానికి గాను వ్యవసాయ బడ్జెట్ ఆంధ్రప్రదేశ్ అసెంబ్లీలో 2025-26 ఆర్థిక సంవత్సరానికి గాను రాష్ట్ర వ్యవసాయ మంత్రి అచ్చెన్నాయుడు వ్యవసాయ బడ్జెట్‌ను ప్రవేశపెట్టారు. Read more
Chandrababu: గుండె జబ్బులు నిర్ధారించే యాప్‌ను రూపొందించిన బాలుడు : చంద్రబాబు అభినందన ఏడు సెకన్లలో గుండె జబ్బులను గుర్తించగలిగే స్కిరాడియావీ (Skirradiavie) యాప్‌ను అభివృద్ధి చేసిన Read more
భారీ నీరు నిలిచిపోవడంతో సహాయ చర్యలకు ఆటంకం హైదరాబాద్‌: ఎస్‌ఎల్‌బీసీ టన్నెల్‌లో సహాయ చర్యలు కొనసాగుతున్నాయి. టన్నెల్‌లో చిక్కుకున్న 8 మందిని రక్షించేందుకు తీవ్ర ప్రయత్నాలు జరుగుతున్నాయి. Read more
తిరుమల: ప్రఖ్యాత పర్యాటక పుణ్యక్షేత్రం తిరుపతిలో ఇటీవల బాంబు బెదిరింపులతో వచ్చిన విషయం తెలిసిందే. ఈ బెదిరింపులు పోలీసులకు పెద్ద తలనొప్పిగా మారాయి. ఇప్పటివరకు అనేక సార్లు Read more