- తిరుమల వెళ్లే వారికీ గుడ్ న్యూస్
తిరుమలకు భక్తుల రద్దీ రోజురోజుకు పెరుగుతూనే ఉంది. ప్రతి రోజు వేలాదిగా భక్తులు శ్రీ వేంకటేశ్వర స్వామిని దర్శించుకునేందుకు వస్తున్నారు. వీరితో పాటు అనేక దర్శనీయ స్థలాలకు వెళ్లే భక్తుల సంఖ్య కూడా ఎక్కువవుతోంది. ప్రస్తుత రహదారులు ట్రాఫిక్‌ను తట్టుకోలేకపోవడంతో తిరుమలలో ట్రాఫిక్ సమస్య పెరిగిపోతోంది. ముఖ్యంగా బ్రహ్మోత్సవాలు, గరుడసేవ వంటి ప్రత్యేక రోజులలో పరిస్థితి మరింత తీవ్రంగా మారుతోంది. ఈ నేపథ్యంలో టీటీడీ ట్రాఫిక్ సమస్యను తగ్గించేందుకు కొత్తగా నాలుగు వరుసల రహదారి నిర్మాణానికి శ్రీకారం చుట్టింది.
రూ.40 కోట్ల వ్యయంతో ఔటర్ రింగ్ రోడ్డు
రూ.40 కోట్ల వ్యయంతో ఔటర్ రింగ్ రోడ్డునుంచి ఆకాశగంగ వరకు ఈ రహదారిని నిర్మించనున్నారు. ప్రస్తుతం భక్తులు పాపవినాశనం, ఆకాశగంగ, జపాలి, వేణుగోపాల స్వామి ఆలయాలకు వెళ్లడానికి నందకం సర్కిల్ లేదా అక్టోపస్ భవనం ముందు నుంచి వెళ్లాల్సి వస్తుంది. గోగర్భం డ్యామ్ నుంచి పాపవినాశనం వరకూ ఉన్న రెండు వరుసల రహదారి తక్కువవడంతో వాహనదారులు అనేక ఇబ్బందులు ఎదుర్కొంటున్నారు. ముఖ్యంగా పండుగల సమయంలో ట్రాఫిక్ పెరిగి భక్తులకు తీవ్ర అసౌకర్యం కలుగుతోంది.
శాశ్వత పరిష్కారంగా టీటీడీ నాలుగు వరుసల రహదారి
ఈ సమస్యకు శాశ్వత పరిష్కారంగా టీటీడీ నాలుగు వరుసల రహదారిని నిర్మించాలని నిర్ణయించింది. తొలిదశలో ఔటర్ రింగ్ రోడ్డునుంచి క్షేత్రపాలకుడి ఆలయం మీదుగా నేపాలి చెక్‌పోస్ట్ వరకూ రహదారి నిర్మించనున్నారు. ఈ మార్గంలో కాల్వ ఉన్న కారణంగా వంతెన నిర్మాణాన్ని కూడా ప్రణాళికలో పెట్టారు. రెండో దశలో నేపాలి చెక్ పోస్ట్ నుంచి ఆకాశగంగ వరకూ ఉన్న రహదారిని విస్తరించనున్నారు.
అటవీ శాఖ అనుమతులు తప్పనిసరి
ప్రస్తుతం ఈ మార్గంలో రెండు వరుసల రహదారి మాత్రమే ఉంది. దీనిని నాలుగు వరుసలుగా మార్చేందుకు సర్వే పనులు ఇప్పటికే ప్రారంభమయ్యాయి. అయితే, ఆకాశగంగ ప్రాంతం అటవీ ప్రాంతంగా ఉన్నందున అటవీ శాఖ అనుమతులు అవసరమవుతాయి. ఈ మేరకు టీటీడీ అధికారులు అనుమతుల కోసం ప్రయత్నిస్తున్నారు.
తిరుమలలో వాహనాల రద్దీ తగ్గుతుంది
ఈ ప్రాజెక్టు పూర్తయిన తరువాత తిరుమలలో వాహనాల రద్దీ తగ్గి భక్తులకు ప్రయాణం మరింత సౌకర్యంగా మారనుంది. ప్రత్యేకించి పండుగలు, వీకెండ్ల సమయంలో కలిగే ట్రాఫిక్ సమస్యలను పరిష్కరించేందుకు ఈ రహదారి నిర్మాణం ఎంతో ఉపయోగకరంగా మారుతుందని టీటీడీ అధికారులు భావిస్తున్నారు.
యూపీకి చెందిన యోగా గురువు స్వామి శివానంద 100 ఏళ్లుగా ప్రతి కుంభమేళా సందర్భం లో హాజరవుతూ, అనేక యోగా సాధనలతో ఆదర్శంగా నిలుస్తున్నారు. ఆయన శిష్యులు Read more
USA: పోలాండ్ లో విజ్ఞప్తికి నో చెప్పిన ట్రంప్ రష్యా నుంచి ఎదురయ్యే ముప్పును తిప్పికొట్టేందుకు తమ దేశంలోనే అమెరికా అణ్వాయుధాలను మోహరించాలని కోరిన పోలాండ్ అభ్యర్థనకు Read more
ఆంధ్రప్రదేశ్ డిప్యూటీ సీఎం శ్రీ పవన్ కళ్యాణ్‌ను ఉద్దేశించి తాను ఏదో అన్నట్లు సామాజిక మాధ్యమాల్లో జరుగుతున్న తప్పుడు ప్రచారంపై టీటీడీ చైర్మన్ బీఆర్ నాయుడు స్పందించారు. Read more
ప్రతిభావంతుల విలేకరుల సేవలను గుర్తించడానికి ప్రతి సంవత్సరం నవంబర్ 19న "అంతర్జాతీయ విలేకరుల దినోత్సవం" జరుపుకుంటాం. ఈ రోజు, తమ విధులను నిర్వర్తించేప్పుడు ప్రాణాలు పోయిన విలేకరులను Read more