మెగాస్టార్ చిరంజీవి కొత్త సినిమా గురించి దర్శకుడు అనిల్ రావిపూడి అధికారికంగా ప్ర‌క‌టించారు. ఈ చిత్రాన్ని 2026 సంక్రాంతికి విడుదల చేయాలని అనుకుంటున్నారు. ఇటీవ‌ల అనిల్ రావిపూడి సింహాచ‌లం ల‌క్ష్మీ న‌రసింహ‌స్వామిని ద‌ర్శించుకున్నారు. ఆయ‌న‌తో పాటు సంగీత దర్శకుడు భీమ్స్ సిసిరోలియో కూడా పాల్గొన్నారు. చిరంజీవి మూవీ స్క్రిప్ట్‌ను స్వామి సన్నిధిలో ఉంచి పూజలు నిర్వ‌హించారు. ఆలయంలోని క‌ప్ప‌స్తంభాన్ని ఆలింగనం చేసుకొని స్వామివారికి ప్రత్యేక పూజలు చేశారు. అనిల్ రావిపూడి విశాఖ‌ను తన సెంటిమెంట్‌గా భావిస్తూ, చిరుతో తీయబోయే సినిమా కోసం అక్కడే స్క్రిప్ట్ సిద్ధం చేశారని తెలిపారు. ఈ సినిమా ఫ్యామిలీ ఎంటర్టైనర్గా రూపొందుతుందని, చిరంజీవి అభిమానులకు పూర్తి స్థాయి వినోదాన్ని అందిస్తుందని అన్నారు.
వైజాగ్‌కి అనిల్ రావిపూడి సెంటిమెంట్
దర్శకుడు అనిల్ రావిపూడి విశాఖపట్నం తనకు ప్రత్యేకమైన స్థలమని తెలిపారు. తన కథలను సిద్ధం చేసేందుకు వైజాగ్‌కు రావడం తనకు ఒక సెంటిమెంట్‌గా మారిందని చెప్పారు. ప్రతీసారి విశాఖపట్నంలో ఉంటే మంచి కథలు రావడం అనుభవంలోకి వచ్చిందని తెలిపారు. చిరంజీవితో తీయబోయే కొత్త సినిమా స్క్రిప్ట్ వర్క్‌ను కూడా అందుకే వైజాగ్‌లో పూర్తిచేయాలని నిర్ణయించుకున్నట్లు చెప్పారు. ఈ ప్రాజెక్ట్‌పై భారీ అంచనాలున్నాయని, మెగాస్టార్ అభిమానులకు కొత్త అనుభూతిని అందించేలా సినిమాను రూపొందిస్తున్నట్లు వెల్లడించారు.
ఫ్యామిలీ ఎంటర్టైనర్గా చిరు కొత్త సినిమా
ఈ సినిమా పూర్తిగా ఫ్యామిలీ ఎంటర్టైనర్గా రూపొంద‌బోతుంద‌ని అనిల్ రావిపూడి తెలిపారు. చిరంజీవి అభిమానులను ఆక‌ట్టుకునేలా ఈ చిత్రంలో ‘ఘ‌రానా మొగుడు’, ‘గ్యాంగ్‌లీడ‌ర్’, ‘రౌడీ అల్లుడు’ సినిమాల్లో చిరంజీవి ప్ర‌ద‌ర్శించిన మేనరిజ‌మ్‌ను మ‌రింత ఫ్రెష్‌గా చూపించ‌నున్నార‌ని చెప్పారు. చిరు అభిమానులు ఈ సినిమాపై భారీ అంచనాలు పెట్టుకోవచ్చని అన్నారు.
షూటింగ్ అప్‌డేట్స్
ప్రస్తుతం చిరంజీవి సినిమాకు సంబంధించిన స్క్రిప్ట్ వర్క్ చివరి దశలో ఉందని దర్శకుడు అనిల్ రావిపూడి తెలిపారు. ఒక నెలలో స్క్రిప్ట్ పూర్తవుతుందని, మే చివర్లో లేదా జూన్ మొదటి వారంలో షూటింగ్ ప్రారంభమవుతుందని చెప్పారు. మెగాస్టార్ చిరంజీవి కూడా ఈ ప్రాజెక్ట్‌పై ఎంతో ఉత్సాహంగా ఉన్నారని, అభిమానులను ఆకట్టుకునే ఫ్యామిలీ ఎంటర్టైనర్గా ఈ సినిమాను రూపొందిస్తున్నామని వెల్లడించారు. చిరు స్టైల్‌లో మాస్ ఎలిమెంట్స్‌కి తగిన స్క్రిప్ట్ సిద్ధం చేస్తున్నామని అనిల్ రావిపూడి చెప్పారు.
సంక్రాంతి హిట్‌ల సెంటిమెంట్
అనిల్ రావిపూడి సినిమాలకు సంక్రాంతి సెంటిమెంట్ బాగా కుదిరింది. సంక్రాంతికి వ‌స్తున్నాం అనే సినిమా విక్ట‌రీ వెంక‌టేశ్‌తో తీయ‌గా, అది బ్లాక్‌బ‌స్ట‌ర్‌గా నిలిచింది. ఆ సినిమా రూ. 300 కోట్ల‌కు పైగా వ‌సూళ్లు సాధించ‌డం విశేషం. ఇప్పుడు చిరంజీవితో సంక్రాంతికి సినిమా విడుదల చేయాల‌నే నిర్ణ‌యం కూడా మంచి రిజ‌ల్ట్ ఇస్తుంద‌నే ఆశాభావం వ్య‌క్తం చేస్తున్నారు.
చిరు-అనిల్ రావిపూడి కాంబోపై భారీ అంచనాలు
మెగాస్టార్ చిరంజీవి, అనిల్ రావిపూడి కాంబినేష‌న్ అంటేనే ప్రేక్షకుల్లో భారీ అంచనాలు నెలకొన్నాయి. ఇప్ప‌టికే అనిల్ రావిపూడి డైరెక్షన్‌లో వచ్చిన సినిమాలు అన్నీ వినోదాన్ని పంచేలా ఉండ‌డం, చిరంజీవి కూడా పూర్తి స్థాయి ఫ్యామిలీ ఎంట‌ర్‌టైన‌ర్‌తో రాబోతుండ‌డంతో అభిమానులు ఎంతగానో ఎదురుచూస్తున్నారు.
టాలీవుడ్‌లో బాలకృష్ణ (బాల‌య్య) మరియు బోయపాటి శ్రీను కాంబినేషన్‌కు ఎంతో ప్రత్యేకమైన క్రేజ్ ఉంది. ఈ ఇద్దరి కలయికలో వచ్చిన అన్ని చిత్రాలు ఘనవిజయాలు సాధించాయి, ప్రేక్షకుల Read more
సినీ ప్రపంచంలో తన హాస్యంతో ప్రత్యేకమైన గుర్తింపు పొందిన వెన్నెల కిశోర్ తాజాగా కీలక పాత్రలో నటించిన చిత్రం "ఒసేయ్ అరుంధతి". మోనికా చౌహాన్, కమల్ కామరాజు, Read more
"కేజీఎఫ్" ఫేమ్ యష్ నటిస్తున్న తాజా చిత్రం"టాక్సిక్"ఎంతగానో ఆసక్తిగ ఈ సినిమా షూటింగ్ ప్రస్తుతం బెంగళూరులో గ్రాండ్‌గా జరుగుతోంది మరియు ఈ సినిమాకు మలయాళ దర్శకురాలు గీతా Read more
'గేమ్ ఛేంజర్'లో చిన్న పాత్ర చేసిన ప్రియదర్శి ప్రముఖ నటుడు ప్రియదర్శి రామ్ చరణ్ కథానాయకుడిగా శంకర్ దర్శకత్వంలో రూపొందుతున్న 'గేమ్ ఛేంజర్' సినిమాలో నటించే అవకాశంపై Read more