YSRCP: మాజీ మంత్రి, గుడివాడ వైసీపీ నేత కొడాలి నానికి గట్టి ఎదురుదెబ్బ తగిలింది. ఆయన ప్రధాన అనుచరుడు, రాజకీయ సలహాదారుగా గుర్తింపు పొందిన కూనసాని వినోద్ను గుడివాడ వన్ టౌన్ పోలీసులు అరెస్ట్ చేశారు. ఆన్లైన్ క్రికెట్ బెట్టింగ్లో పాల్గొంటున్న సమయంలో వినోద్ను రెడ్ హ్యాండెడ్గా పట్టుకున్నట్లు పోలీసులు తెలిపారు. ఆయన వద్ద నుంచి రూ.50 వేల నగదు, ఒక సెల్ఫోన్ను స్వాధీనం చేసుకున్నారు. ఈ ఘటన స్థానిక రాజకీయ వర్గాల్లో చర్చనీయాంశంగా మారింది.
Read also: Annamayya District: టీవీ పేలి తీవ్రంగా గాయపడిన వృధురాలు
YSRCP
కాట శిబిరాలు నిర్వహించినట్లు
పోలీసుల సమాచారం ప్రకారం, గత వైసీపీ ప్రభుత్వ హయాంలో వినోద్ ఎలాంటి అడ్డంకులు లేకుండా పేకాట శిబిరాలు నిర్వహించినట్లు గుర్తించారు. ప్రభుత్వం మారిన తర్వాత కూడా ఆయన అక్రమ కార్యకలాపాలు కొనసాగిస్తున్నారనే పక్కా సమాచారంతో గుడివాడ పోలీసులు ప్రత్యేక నిఘా పెట్టారు. ఈ క్రమంలోనే ఆన్లైన్ క్రికెట్ బెట్టింగ్లో నిమగ్నమై ఉన్న సమయంలో వినోద్ను అదుపులోకి తీసుకున్నారు.
ఈ ఘటనపై కేసు నమోదు చేసిన పోలీసులు, వినోద్ను విచారిస్తున్నారు. దర్యాప్తులో మరిన్ని కీలక వివరాలు వెలుగులోకి వచ్చే అవకాశం ఉందని పోలీసులు తెలిపారు. కొడాలి నానికి (kodali nani) అత్యంత సన్నిహితుడిగా పేరున్న వ్యక్తి అరెస్ట్ కావడంతో, గుడివాడతో పాటు జిల్లా రాజకీయాల్లోనూ ఈ వ్యవహారం తీవ్ర చర్చకు దారి తీస్తోంది.
Read hindi news: hindi.vaartha.com
Epaper: epaper.vaartha.com
Read Also:
