YS Jagan Mohan Reddy: ఆంధ్రప్రదేశ్ మాజీ ముఖ్యమంత్రి, వైఎస్సార్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి (YS Jagan Mohan Reddy) మరోసారి చర్చకు కేంద్ర బిందువయ్యారు. పల్నాడు జిల్లా రెంటపాళ్లలో జరిగిన ఒక దుర్ఘటనపై జగన్పై నమోదైన కేసులో ఆయన హైకోర్టును ఆశ్రయించగా, కోర్టు ఆయనకు రెండు వారాల తాత్కాలిక ఊరట కల్పించింది. అంటే ఈ వ్యవహారంలో పోలీసులు ఆయనపై తదుపరి ఎలాంటి చర్యలు తీసుకోరాదు అన్నది కోర్టు ఆదేశం.
కేసు నేపథ్యం:
పల్నాడు జిల్లా సత్తెనపల్లి మండలంలోని రెంటపాళ్ల గ్రామంలో జగన్ పర్యటనలో పాల్గొన్నారు. జగన్ ప్రయాణిస్తున్న కారు కింద పడి సింగయ్య అనే వృద్ధుడు మరణించారు. మొదట కాన్వాయ్లోని మరో వాహనం ఢీకొట్టిందని వార్తలు వచ్చినా, కొద్ది రోజుల తర్వాత జగన్ ప్రయాణిస్తున్న కారు కిందే ఆయన పడినట్లుగా ఉన్న వీడియోలు సామాజిక మాధ్యమాల్లో విస్తృతంగా ప్రచారమయ్యాయి. ఈ వీడియోల ఆధారంగా పోలీసులు మాజీ ముఖ్యమంత్రి జగన్తో పాటు మరికొందరిపై కేసు నమోదు చేశారు. ఈ కేసును రద్దు చేయాలని జగన్ హైకోర్టును ఆశ్రయించగా, ప్రస్తుతం ఆయనకు తాత్కాలిక ఊరట లభించింది.
మరోవైపు, ప్రభుత్వ తరపున అడ్వకేట్ జనరల్ దమ్మాలపాటి శ్రీనివాస్ వాదనలు వినిపిస్తూ, ఈ ఘటనకు సంబంధించిన వీడియో ఆధారాలు, ఇతర సాక్ష్యాలను కోర్టు ముందు ఉంచేందుకు తమకు రెండు వారాల సమయం కావాలని కోరారు. ఇరుపక్షాల వాదనలు విన్న న్యాయస్థానం, రెండు వారాల పాటు ఈ కేసులో ఎలాంటి తదుపరి చర్యలు చేపట్టవద్దని పోలీసులను ఆదేశిస్తూ మధ్యంతర ఉత్తర్వులు జారీ చేసింది.
హైకోర్టు విచారణ:
ఈ కేసులో ఈ కేసుకు సంబంధించి తనపై నమోదైన ఎఫ్ఐఆర్ను కొట్టివేయాలని కోరుతూ జగన్ హైకోర్టులో పిటిషన్ దాఖలు చేశారు. దీనిపై మంగళవారం విచారణ జరిగింది. జగన్ తరపు న్యాయవాదులు వాదనలు వినిపిస్తూ, ఈ కేసులో సెక్షన్ను బీఎన్ఎస్ కింద 105కు మార్చారని, అందువల్ల తదుపరి చర్యలు, అరెస్ట్ నుంచి రక్షణ కల్పించాలని అభ్యర్థించారు.
రాజకీయ ప్రభావం:
ఈ కేసు రాజకీయంగా వైఎస్సార్ కాంగ్రెస్ పార్టీకి చికాకు కలిగించేదిగా మారింది. ఇప్పటికే అసెంబ్లీ ఎన్నికల్లో పరాజయం పొందిన జగన్, పార్టీని మళ్లీ బలోపేతం చేయాలని కృషి చేస్తున్నారు. అయితే ఇలాంటి వివాదాలు, కేసులు ఆయన పునరాగమనానికి అడ్డుకావచ్చని విశ్లేషకుల అభిప్రాయం.
Read also: Chandrababu: సీఎం చంద్రబాబు పర్యటనకు సమయ మార్పులు
