విశాఖలో గూగుల్ మెగా డేటా సెంటర్: రూ. 8,730 కోట్లు పెట్టుబడి, 1GW సామర్థ్యం
Google : ఆంధ్రప్రదేశ్లోని విశాఖపట్నం రాబోయే కొన్ని సంవత్సరాల్లో భారతదేశం కోసం ప్రముఖ డిజిటల్ హబ్గా మారనుంది. (Google) అమెరికా టెక్ దిగ్గజం గూగుల్ 10 బిలియన్ డాలర్లు (సుమారు రూ. 8,730 కోట్లు) పెట్టుబడితో విశాఖలో 1GW సామర్థ్యం గల మెగా డేటా సెంటర్ క్లస్టర్ స్థాపించనుంది. ఇది ఆసియాలో ఇప్పటివరకు ఏర్పాటు చేయబడిన అతిపెద్ద డేటా సెంటర్ క్లస్టర్గా గుర్తింపు పొందనుంది.
ప్రాజెక్ట్ మూడు విభిన్న క్యాంపస్లలో విస్తరించనుంది: అడవివరం, తర్లువాడ (విశాఖపట్నం జిల్లా) మరియు రాంబిల్లి (అనకాపల్లి జిల్లా). పూర్తి సామర్థ్యంతో ఈ సౌకర్యాలు జూలై 2028 నాటికి పనిచేయడం ప్రారంభం అవుతాయి.
Read also : 4 బ్యాంకులు విలీనం తో సేవలు బంద్
గూగుల్ పెట్టుబడి కేవలం డేటా సెంటర్ల నిర్మాణానికి మాత్రమే పరిమితం కాదు. ఇది అధిక సామర్థ్యం గల జలాంతర్గామి కేబుల్స్, ప్రత్యేక కేబుల్ ల్యాండింగ్ స్టేషన్లు, మెట్రో ఫైబర్ నెట్వర్క్లు మరియు ఇతర ఆధునిక టెలికమ్యూనికేషన్ సదుపాయాలను కూడా కలిగి ఉంటుంది. ఈ ప్రాజెక్ట్ విశాఖపట్నం ద్వారా ఆంధ్రప్రదేశ్ను ప్రపంచ డేటా మౌలిక సదుపాయాల కేంద్రంగా మార్చే అవకాశం కల్పిస్తుంది.
డిసెంబర్ 2024లో ముఖ్యమంత్రి చంద్రబాబు నాయుడు మరియు Google టీం మధ్య అవగాహన ఒప్పందం సంతకం చేయబడింది. రాష్ట్ర ప్రభుత్వం IT, కాపీరైట్ చట్టాల సవరణలు, పెట్టుబడి ప్రమోషన్ బోర్డు ఆమోదం వంటి చర్యల ద్వారా ప్రాజెక్ట్ అమలు సౌకర్యాన్ని సులభతరం చేయడానికి ప్రయత్నిస్తోంది.
కాగా, గతంలో కొన్ని చట్టపరమైన సమస్యలు, కోర్టు కేసులు మరియు రైతుల అభ్యంతరాలు ప్రాజెక్ట్ పురోగతిని ఆలస్యం చేశాయి. ముఖ్యమంత్రి ఇటీవల జిల్లా అధికారులు వద్ద సమస్యలను త్వరగా పరిష్కరించాలని ఆదేశించారు. భీమిలి ఎమ్మెల్యే గంటా శ్రీనివాసరావు ప్రకారం, రాజకీయ అడ్డంకులు ఉన్నప్పటికీ, గూగుల్ డేటా సెంటర్ నిర్మాణం త్వరలో ప్రారంభమవుతుంది.
ఈ 10 బిలియన్ డాలర్ల పెట్టుబడి, 1GW సామర్థ్యం, ఆధునిక నెట్వర్క్ నిర్మాణం మరియు పలు క్యాంపస్లతో విశాఖపట్నం ఆసియాలో అతిపెద్ద డేటా సెంటర్ హబ్గా గుర్తింపబడనుంది. ప్రాజెక్ట్ స్థానిక ఉద్యోగ అవకాశాలను పెంచి, ఆంధ్రప్రదేశ్ను ప్రాంతీయ IT, క్లౌడ్ కంప్యూటింగ్ కేంద్రంగా మారుస్తుంది.
Read hindi news: hindi.vaartha.com
Epaper : https://epaper.vaartha.com/
Read also :
