వైకుంఠ ఏకాదశి సందర్భంగా భక్తులకు శుభవార్తను తిరుమల తిరుపతి దేవస్థానం(TTD) ప్రకటించింది. ఈ ఏడాది వైకుంఠ ద్వార దర్శనాన్ని డిసెంబర్ 30 నుంచి వరుసగా పది రోజులపాటు నిర్వహించాలని టీటీడీ చైర్మన్ బీఆర్ నాయుడు(BR Naidu) నిర్ణయం తీసుకున్నారు. ఈసారి సాధారణ భక్తులకు అత్యధిక ప్రాధాన్యత ఇవ్వడం టీటీడీ ప్రత్యేకతగా నిలిచింది. మొత్తం 182 గంటల దర్శనంలో 164 గంటలు పూర్తిగా సాధారణ భక్తుల కోసం కేటాయింపు జరిగింది.
Read Also: Sri Venkateswara Swamy: తిరుమల వైకుంఠద్వారం ఆన్లైన్
మొదటి మూడు రోజులు లక్కీ డిప్ ద్వారానే దర్శనం
డిసెంబర్ 30, 31, జనవరి 1 తేదీల్లో
- ₹300 ప్రత్యేక ప్రవేశ దర్శనం
- శ్రీవాణి దర్శనం
రెండు సేవలను రద్దు చేశారు. ఈ మూడు రోజులలో దర్శనం లక్కీ డిప్ ద్వారా ఎంపికైన భక్తులకు మాత్రమే అనుమతించబడుతుంది.
లక్కీ డిప్ రిజిస్ట్రేషన్లు నవంబర్ 27 నుంచి డిసెంబర్ 1 వరకు అందుబాటులో ఉంటాయి. ఎంపికైన భక్తులకు డిసెంబర్ 2న టోకెన్లు అందజేయబడతాయి.
జనవరి 2 నుంచి సాధారణ వ్యవస్థలో దర్శనం
జనవరి 2 నుంచి జనవరి 8 వరకు ప్రతిరోజూ
- 15,000 ₹300 దర్శన టిక్కెట్లు
- 1,000 శ్రీవాణి దర్శన టిక్కెట్లు
జారీ చేయనున్నట్లు టీటీడీ ప్రకటించింది.
తిరుమల పరిసర ప్రాంతాల భక్తుల కోసం కూడా టీటీడీ ప్రత్యేక(TTD) ఏర్పాట్లు చేసింది.
జనవరి 6, 7, 8 తేదీలలో రోజుకు 5,000 టోకెన్లు స్థానికులకు కేటాయించనుంది.
ఏడు రోజులు వీఐపీ బ్రేక్ దర్శనం రద్దు
భక్తులకు అంతరాయం కలగకుండా ఉండేందుకు డిసెంబర్ 30 నుండి జనవరి 5 వరకు మొత్తం ఏడు రోజులపాటు వీఐపీ బ్రేక్ దర్శనం సహా అన్ని ప్రత్యేక దర్శనాలను రద్దు చేశారు. సాధారణ భక్తులు ఈ అవకాశాన్ని అత్యధికంగా వినియోగించుకోవాలని చైర్మన్ బీఆర్ నాయుడు విజ్ఞప్తి చేశారు. ఈసారి టీటీడీ తీసుకున్న నిర్ణయాలు, ముఖ్యంగా ప్రత్యేక సేవలను తగ్గించి సాధారణ భక్తులకు పెద్ద ఎత్తున సమయం కేటాయించడం, వైకుంఠ ద్వార దర్శనం కోసం అభిమానులకు అపూర్వమైన అవకాశాన్ని తెరిచినట్లుగా భావిస్తున్నారు.
Read hindi news : hindi.vaartha.com
Epaper : epapervaartha.com
Read Also:
