Supreme Court: పల్నాడు జిల్లాలో సంచలనం సృష్టించిన జంట హత్యల కేసులో నిందితులుగా ఉన్న మాజీ ఎమ్మెల్యే పిన్నెల్లి రామకృష్ణారెడ్డి మరియు ఆయన సోదరుడు పిన్నెల్లి వెంకటరామిరెడ్డి మాచర్ల జూనియర్ సివిల్ కోర్టులో గురువారం ఉదయం స్వచ్ఛందంగా లొంగిపోయారు. సుప్రీంకోర్టు రెండు వారాల గడువులో కోర్టులో సరెండర్ కావాలని ఆదేశించిన నేపథ్యంలో ఈ చర్య తీసుకున్నారు.
Read also: Panchayat : పేరొకరిది, పెత్తనం మరొకరిది
పిన్నెల్లి సోదరుల కోర్టు హాజరు
వెల్దుర్తి మండలం గుండ్లపాడు గ్రామానికి చెందిన అన్నదమ్ములు — జవిశెట్టి వెంకటేశ్వర్లు మరియు జవిశెట్టి కోటేశ్వరరావు — గత మే 24న దారుణంగా హతమార్చబడ్డారు. తెలంగాణ (Telangana)లో జరిగిన శుభకార్యానికి వెళ్లి వెనుదిరుగుతున్న సమయంలో వారి బైక్ను కారుతో ఢీకొట్టి, కిందపడ్డ వారిని రాళ్లతో కొట్టి చంపిన ఘోర ఘటన పెద్ద కలకలం రేపింది.
ఈ కేసులో మొత్తం 9 మందిని నిందితులుగా చేర్చగా, పిన్నెల్లి రామకృష్ణారెడ్డి పేరు A6గా, ఆయన సోదరుడు వెంకటరామిరెడ్డి పేరు A7గా ఎఫ్ఐఆర్లో నమోదైంది. ముందస్తు బెయిల్ కోసం హైకోర్టును ఆశ్రయించినా అనుకూల తీర్పు రాలేదని, అనంతరం సుప్రీంకోర్టులో పిటిషన్ దాఖలు చేయగా కొద్దిసేపు షరతులతో కూడిన బెయిల్ మాత్రమే లభించింది.
సుప్రీం గడువు ముగియడంతో పిన్నెల్లి సోదరుల కోర్టు సమక్షం
విచారణ సమయంలో నిందితులు దర్యాప్తుకు పూర్తిగా సహకరించడం లేదని, సాక్షులను బెదిరించే ప్రయత్నాలు చేస్తున్నారని ఏపీ ప్రభుత్వ తరఫున సీనియర్ న్యాయవాది సిద్ధార్థ్ లూథ్రా సుప్రీంకోర్టులో వాదించారు. ఆ వాదనలను పరిగణలోకి తీసుకున్న సుప్రీంకోర్టు పిన్నెల్లి సోదరుల ముందస్తు బెయిల్ను రద్దు చేసి, వెంటనే లొంగిపోవాలని ఆదేశించింది. నిందితుల తరఫున రెండు వారాల సమయం ఇవ్వాలని అభ్యర్థించడంతో కోర్టు గడువు మంజూరు చేసింది.
ఈ ఆదేశాల ప్రకారం, గడువు ముగిసే నాటికి పిన్నెల్లి సోదరులు ఈరోజు మాచర్ల కోర్టులో హాజరై సరెండర్ అయ్యారు.
Read hindi news: hindi.vaartha.com
Epaper : epaper.vaartha.com
Read Also:
