గుర్తింపు తెచ్చుకున్న సుమన్ (Suman), రాజకీయాలపై ఆసక్తికర వ్యాఖ్యలు చేశారు. తన సుదీర్ఘ సినీప్రస్థానంలో ఎన్నో పాత్రలు పోషించిన సుమన్, సామాజిక అంశాలపై తరచూ స్పందిస్తుంటారు. తాజాగా ఓ గిరిజన ప్రాంతంలో జరిగిన సేవా కార్యక్రమంలో పాల్గొన్న సందర్భంగా ఆయన ప్రస్తుత రాజకీయ వ్యవస్థలోని లోపాలపై తన అభిప్రాయాలను వెల్లడించారు.
సుమన్ మాట్లాడుతూ, “ప్రస్తుత రాజకీయ వ్యవస్థలో అనేక తేడాలు, లోపాలు ఉన్నాయి. ఒకసారి ఏదైనా పార్టీలో చేరిన తర్వాత వ్యక్తిగతంగా నచ్చినా, నచ్చకపోయినా ఆ పార్టీ విధానాలను అనుసరించాల్సిన పరిస్థితి వస్తుంది. నాకు కొన్ని సొంత సిద్ధాంతాలు, విలువలు ఉన్నాయి. అవి చాలాసార్లు పార్టీ ఆదేశాలకు విరుద్ధంగా ఉంటాయి. అందుకే క్రియాశీల రాజకీయాల (politics) కు దూరంగా ఉంటున్నాను” అని స్పష్టం చేశారు.
రాజకీయ వ్యవస్థలో చాలా లోపాలున్నాయన్న నటుడు
రాజకీయాల్లో చురుకుగా లేకపోయినా, సమాజంలోని వెనుకబడిన వర్గాల అభివృద్ధి కోసం తన వంతు కృషి చేస్తానని సుమన్ తెలిపారు. ముఖ్యంగా బీసీ, ఎస్సీ, ఎస్టీ, మైనారిటీల సంక్షేమం కోసం ప్రత్యేకంగా పనిచేయాలని తాను కృతనిశ్చయంతో ఉన్నానని చెప్పారు. సామాజిక సేవ (Social service) ద్వారా కూడా ప్రజలకు తోడ్పాటు అందించవచ్చని ఆయన అభిప్రాయపడ్డారు.
ముఖ్యంగా గిరిజన ప్రాంతాల్లో వైద్య సౌకర్యాల కొరత తీవ్రంగా ఉందని ఆవేదన వ్యక్తం చేశారు. “ఇక్కడి ప్రజలు వైద్యం (medicine) కోసం చాలా దూరం వెళ్లాల్సి వస్తోంది. ప్రభుత్వం వంద పడకల ఆసుపత్రి నిర్మించి, డాక్టర్లు, నర్సులు ఇక్కడే ఉండేలా మంచి వసతులు కల్పిస్తే ప్రజలకు ఎంతో మేలు జరుగుతుంది” అని ప్రభుత్వానికి విజ్ఞప్తి చేశారు.
యువత ఆత్మరక్షణ కోసం మార్షల్ ఆర్ట్స్ నేర్చుకోవాలని పిలుపు
ఈ కార్యక్రమంలో భాగంగా యువతకు ఆత్మరక్షణ విద్యల ఆవశ్యకతను సుమన్ నొక్కిచెప్పారు. “డ్రగ్స్ మహమ్మారి యువతను నాశనం చేస్తోంది. ఆత్మరక్షణ కోసం ప్రతి ఒక్కరూ కరాటే, కుంగ్ ఫూ వంటి మార్షల్ ఆర్ట్స్ నేర్చుకోవాలి.
ఇది ఆరోగ్యానికి మంచిది, మనోబలాన్ని పెంచుతుంది” అని అన్నారు. జనసేన అధినేత పవన్ కల్యాణ్ కూడా ఒక మార్షల్ ఆర్టిస్ట్ అని ఈ సందర్భంగా గుర్తుచేశారు. ఆత్మరక్షణ విషయంలో పోలీసులపైనే పూర్తిగా ఆధారపడలేమని, యువత తమకు తాము సిద్ధంగా ఉండాలని సూచించారు.
Read hindi news: hindi.vaartha.com
Read Also:
