ఆంధ్రప్రదేశ్ ముఖ్యమంత్రి నారా చంద్రబాబు నాయుడు (Chandrababu Naidu) ఇవాళ తిరుపతి (Tirupati)లో పర్యటించారు. ఉదయం ఆయన శ్రీ కపిలేశ్వరాలయంను దర్శించుకున్నారు. ఆలయ ప్రాంగణానికి చేరుకున్న సీఎం చంద్రబాబుకు అధికారులు, అర్చకులు సంప్రదాయబద్ధంగా స్వాగతం పలికారు. వేదాశీర్వచనాల మధ్య ఆయనకు పవిత్ర వస్త్రం కప్పి పూజా కార్యక్రమం చేపట్టారు.అయితే ఈ పర్యటనలో సర్వత్రా ఆకర్షణగా నిలిచింది ఒక్క విషయం! చంద్రబాబు స్వయంగా పారిశుద్ధ్య కార్మికుడి పాత్రను పోషించారు. కపిలేశ్వరాలయం పరిసరాలను స్వచ్ఛంగా ఉంచే ఉద్దేశంతో ఆయన చీపురు పట్టారు. చీపురుతో ఊడ్చి, వెంటనే కడిగి శుభ్రపరిచారు. ఇదంతా చూసిన ప్రజలు ఆశ్చర్యపోయారు. ప్రతి నాయకుడు ఇలా తాను చెప్పిన మాటలకే ముందు నడవాలి అనే సందేశాన్ని ఆయన ఇచ్చారు.
కార్మికులతో సెల్ఫీలు, గ్రూప్ ఫొటోలు
పనిచేస్తున్న పారిశుద్ధ్య కార్మికులను చంద్రబాబు ఆప్యాయంగా పలకరించారు. వారితో అనర్గళంగా మాట్లాడారు. వారి కష్టాలను తెలుసుకున్నారు. చివరగా అందరితో గ్రూప్ ఫోటో దిగారు. ఆ ఫొటోలు సీఎం కార్యాలయం అధికారిక సోషల్ మీడియా ఖాతాలో షేర్ అయ్యాయి. వెంటనే వైరల్ అయ్యాయి.ఆయన పర్యటనలో మరో ముఖ్య ఘట్టం తూకివాకాలోని ఇంటిగ్రేటెడ్ వేస్ట్ ప్రాసెసింగ్ ప్లాంట్ సందర్శన. అక్కడి అధికారులు వేస్ట్ ప్రాసెసింగ్ ఎలా జరుగుతుందో వివరంగా తెలియజేశారు. స్వచ్ఛ ఆంధ్రప్రదేశ్ లక్ష్యంతో ప్రభుత్వం చేపడుతున్న ఈ ప్రాజెక్టుకు ప్రజల్లో మంచి ఆదరణ లభిస్తోంది.
రేణిగుంట విమానాశ్రయంలో గ్రాండ్ వెల్కమ్
మధ్యాహ్నం రేణిగుంట ఎయిర్పోర్ట్కి చేరుకున్న సీఎం చంద్రబాబును ప్రజాప్రతినిధులు, అధికారులు ఘనంగా స్వాగతించారు. ఆయన్ని చూసేందుకు పెద్ద సంఖ్యలో ప్రజలు అక్కడకు తరలివచ్చారు. ఆయన అభిమానులతో క్షణం ఆపకుండా చేతులు ఊపుతూ పలకరించారు.ఈ పర్యటనలో చంద్రబాబు నాయకత్వానికి మరో నిర్వచనం ఇచ్చారు. నాయకుడిగా మాత్రమే కాకుండా జనం సమస్యలను దగ్గరగా చూసే మార్గదర్శిగా నిలిచారు. పారిశుద్ధ్యంపై సీఎం చూపిన చొరవ ప్రజల్లో చైతన్యం నింపనుంది.
Read Also : A K Singh: తెలంగాణ హైకోర్టు చీఫ్ జస్టిస్ గా ప్రమాణస్వీకారం చేసిన ఏకే సింగ్
