Rain Alert: 7 సెంటీమీటర్లు వర్షపాతం నమోదు – జలాశయాల్లోకి మోస్తరుగా చేరిన వరద నీరు తిరుమల : వరుసగా నాలుగు రోజులుగా కురుస్తున్న భారీ వర్షాలకు తిరుమల (Tirumala) కొండ జలమయంగా మారింది. మంగళ, బుధవారాల్లో రెండురోజులు సుమారు ఏడు సెంటీమీటర్ల వర్షపాతం నమోదైంది. ప్రధాన తాగునీటి జలాశయాలు గోగర్బమ్, పాపవినాశనం, ఆకాశగంగ, కుమారధార, పసుపుధార తీర్థాల డ్యామ్లకు మోస్తరుగా వరద నీరు చేరింది. ప్రస్తుతం ఉన్న జలాశయాల్లో నీటి నిల్వలతో 2026 మార్చి నెలాఖరు వరకు తాగునీటి సమస్య తీరిందని టిటిడి వర్గాలు తెలిపాయి. బంగాళాఖాతంలో అల్పపీడనం ప్రభావంతో గత నాలుగు రోజులుగా విడవకుండా భారీ వర్షాలు కురుస్తున్నాయి. గోగర్భమ్ డ్యామ్, ఆకాశగంగ జలాశయాలకు వరదనీరు చేరడంతో నిల్వలు పెరిగాయి. తిరుమలలో తాగునీటి జలాశయమైన గోగర్భండ్యామ్ పూర్తిస్థాయి నీటిమట్టం 2,894 అడుగులు కాగా 80శాతం నీటిమట్టం చేరింది. పాపవినాశనం 697.14 అడుగులు కాగా 63శాతం నీరుచేరింది.
Read also: Tuni: బాలిక పై అత్యాచార కేసులో నిందితుడు ఆత్మహత్య
Rain Alert: తిరుమలను ముంచెత్తిన వాన
ఆకాశగంగ జలాశయం 685 లక్షల గ్యాలన్లు నీటి సామర్థ్యం ఉండగా వరదనీటితో 60శాతం మట్టం చేరింది. ఇక తిరుమలలో రెండు ప్రధాన పెద్ద జలాశయాలు కుమారధార, పసుపుధార తీర్థాలు. యాల్లో పసుపుధార 2,833 లక్షల గ్యాలన్లనీటి సామర్థ్యం, కుమారధారతీర్థం 4,258 లక్షల గ్యాలన్లు నీటి సామర్థ్యం కాగా 50శాతం మాత్రమే నీరు చేరింది. ఇదివరకు అడపాదడపా వర్షాలు వచ్చినా జలాశయాలకు పెద్దగా నీరు చేరలేదు. గత రెండు రోజులుగా తుఫాన్తో కురిసిన వర్షాలకు వరదనీరు చేరడంతో తాగునీటి సమస్యకు ఇబ్బందులు తొలగినట్లేనని టిటిడి నీటివిభాగం తెలిపింది. ఈ వరదనీరు కొండల్లోంచి తిరుపతి మాల్వాడిగుండం, కపిలతీర్థం జలాశయాల్లోకి ప్రవహిస్తోంది. తిరుమలకు ఇప్పుడున్న పరిస్థితుల్లో రోజూ లక్షమంది వరకు భక్తులు వస్తున్నారు. నీటి వినియోగంకూడా పెరిగింది. ప్రతిరోజూ కొండపై 43 లక్షల గ్యాలన్ల నీరు వినియోగిస్తున్నారు. ఇందులో 18 లక్షల గ్యాలన్ల నీరు తిరుమలలోని ఐదు ప్రధాన జలాశయాలు
వరదనీటిలో తిరుమల ఆలయం పరిసరాలు
గోగర్భమ్, ఆకాశగంగ, పాపవినాశనమ్, కుమారధార, పసుపుధార తీర్థాల డ్యామ్ల నుండి వాడుకుంటున్నారు. ఇప్పుడు తాజా పరిస్థితులతో జలాశయాల్లో నీరు 180 రోజులు వరకు అవసరాలకు సరిపోతుందనే అంచనా. బంగాళాఖాతంలో అల్పపీడనంతో తిరుమలలో భారీగా వర్షాలు కురుస్తున్నాయి. బుధవారం మధ్యాహ్నం వరకు విడవకుండా కురిసిన జోరువానలకు జలమయంగా మారింది. ఆలయం ముందుభాగం, పరిసరాలు, మాఢవీధుల్లో వరదనీరు ప్రవహించింది. వర్షాలతో వాతావరణం పూర్తిగా మారడంతో విపరీతమైన చలిగాలులు వీస్తున్నాయి.
తిరుమలలో ఎన్ని రోజులుగా వర్షాలు కురుస్తున్నాయి?
తిరుమలలో వరుసగా నాలుగు రోజులుగా భారీ వర్షాలు కురుస్తున్నాయి.
ఈ వర్షాలతో తిరుమలలో ఎంత వర్షపాతం నమోదైంది?
సుమారు 7 సెంటీమీటర్ల వర్షపాతం నమోదైంది.
Read hindi news: hindi.vaartha.com
Epaper : https://epaper.vaartha.com/
Read Also:
