News Telugu: ఆంధ్రప్రదేశ్ మెగా డీఎస్సీ సర్టిఫికెట్ల పరిశీలన ఒక రోజు వాయిదా పడింది. ముందుగా ప్రకటించిన షెడ్యూల్ ప్రకారం సోమవారం నుంచి ప్రారంభం కావాల్సి ఉండగా, ఆదివారం రాత్రి పాఠశాల విద్యాశాఖ కొత్త నిర్ణయం తీసుకుంది.
మెరిట్ జాబితా ఇప్పటికే విడుదల
డీఎస్సీ (DSC) పరీక్షలో సాధించిన స్కోర్లు, ర్యాంకుల ఆధారంగా మెరిట్ జాబితా ఇప్పటికే విడుదలైంది. అభ్యర్థులకు రిజర్వేషన్లు, స్థానికత ప్రామాణికంగా పరిగణించి తుది ఎంపిక చేస్తారని విద్యాశాఖ అధికారులు స్పష్టం చేశారు. ఎంపికైన వారికి నిబంధనల ప్రకారం కాల్ లెటర్లు ఇవ్వాల్సి ఉంది.
కాల్ లెటర్ల ఆలస్యం కారణం
ప్రకటన ప్రకారం ఆదివారం నుంచే అభ్యర్థుల లాగిన్లో కాల్ లెటర్లు (Call letters) అందుబాటులో ఉండాలి. అయితే, సాంకేతిక కారణాల వల్ల ఈ ప్రక్రియ ఆలస్యం అయింది. దీంతో సర్టిఫికెట్ల పరిశీలనను సోమవారం కాకుండా మంగళవారానికి వాయిదా వేశారు.
అధికారులు తీసుకున్న చర్యలు
ఏమైనా సాంకేతిక సమస్యలు తలెత్తకుండా అధికారులు జాబితాలను పునఃసమీక్షించి, సరిచూసి విడుదల చేస్తున్నారు. ఈ రోజు ఉదయం నుంచి అభ్యర్థుల లాగిన్లలో కాల్ లెటర్లు ఉంచబడతాయని విద్యాశాఖ వెల్లడించింది.
Read hindi news: hindi.vaartha.com
Read also:
